NKUNGA 111
Mambu mo meta tuvana zikhini
(Matayi 5:12)
1. Betu tuidi phe na mawombo
Meta tuvana zikhini.
Bakhomba badi mu nza mvimba,
Bammbuelama lumbu bioso.
Kiedika malongi ma Nzambi
Meta tubuela mayangi.
Minu kieto kilembo vani
Ngolo mu kisalu kieto.
Kidi banga mbazu mu ntima,
Yinlema thangu zia zioso.
Buba ti ziphasi tummona,
Yehova wela sadisa.
(VUTUKILA)
Mayangi tuidi mu ntima
Mu mavanga ma Nzambi’eto,
Zingolo ziandi ayi ndueng’andi.
Aa Yehova wuzangama!
2. Mayangi mu mavanga maku,
Mawu mavanga mamboti.
Mimbu, diyilu ayi ntoto;
Biabio bi kukembisanga.
Tumvana baboso kimbangi
Kitedi Kipfumu kiaku.
Kiela vana lusakumunu
Va ntoto tunzingilanga.
Lusakumunu tuela baka
Mu mayangi tumvingila.
Diyilu ayi ntoto wumona,
Tuela zingila mvu ka mvu.
(VUTUKILA)
Mayangi tuidi mu ntima
Mu mavanga ma Nzambi’eto,
Zingolo ziandi ayi ndueng’andi.
Aa Yehova wuzangama!
(Tala phe 5 Mo. 16:15; Yes. 12:6; Yow. 15:11.)