DILONGI 28
Monisa phutudulu matondo mu mambu mo Yehova ayi Yesu bavangila
Bue weta muena enati nkundi’aku wukabidi kima kimboti? Dieta tuvana mayangi ayi dieta tutuma tumonisa phutudulu matondo. Banga phila tumuenini mu dilongi dio diviokidi, Yehova ayi Yesu batuvana khudulu: dikaba dio dilutidi kitoko. Bue tulenda vutudila Yehova ayi Yesu matondo?
1. Phila mbi wulenda monisina phutudulu matondo mu mambu momo Nzambi ayi Kristu batuvangila?
Bibila kiveni tsila yi luzingu lu mvu ka mvu “kuidi woso mutu wunwilukila [Yesu].” (Yowani 3:16) Vayi monisa luwiluku mbi yinsundula? Monisa luwiluku yisi sukila ko kaka kikinina mu Yesu. Luwiluku lueta monikina mu zinzengolo zio tu’nbaka ayi mu bikadulu bio tummonisa. (Zaki 2:17) Thangu luwiluku lummonika mu mambu mo tueta vanga ayi mambu mo tueta tuba, kikundi kieto ayi Yesu ayi Siandi Yehova kieta luta ba kingolo.—Tanga Yowani 14:21.
2. Nyengo mbi tulenda monisina diaka phutudulu matondo mu mambu mo Yehova ayi Yesu batuvangila?
Builu butsuka bo Yesu kaviokisa ayi balonguki bandi, Yesu wutubila phila yinkaka yo tulenda monisina phutudulu matondo mu nkailu wo katuvana. Wutonisa nyengo wo Bibila kitedidi “Bidia bi Mfumu,” ayi beti bo wutedila “Mbambukulu moyo yi lufua lu Kristu.” (1 Kolinto 11:20) Nyengo beni wusadisa mimvuala ayi bakristu bakiedika ba bilumbu biabi ba bambukanga moyo ti Yesu wuvana luzingu luandi mu diambu di batu. Mu thangu yina beba tula nyengo beni, Yesu wutuba ti: “Lutulanga bobo mu kumbambukilanga moyo.” (Luka 22:19) Bo wela kutakana mu mbambukulu moyo, buawu wela kuiza monisina ti widi na phutudulu matondo mu luzolo luwombo lo Yehova ayi Yesu batumonisina.
TUVISA MBOTI MBOTI
Tutala diaka ziphila zinkaka zio tulenda monisina phutudulu matondo kuidi Yehova ayi Yesu. Ayi tutala diaka phila yoyi tulenda tudila nyengo wu mbambukulu moyo yi lufua lu Yesu.
3. Phutudulu matondo yeta tutuma tuvanga diambu
Yindula theti, thumbuzimbukilanga wulembo lalumuka mu nlangu vayi mutu mosi wuvukisidi. Phasi mo wuzimbakana mutu nioni wuvukisidi, luidi luvunu? Wela tomba phila yo wela kumvutudila matondo mu tala diambu diodi kavanga bo kavukisa.
Yehova bo kavana muan’andi nkailu, wuvukisa luzingu lueto. Tanga 1 Yowani 4:8-10 ayi vana mimvutu mu biuvu biabi:
Bila mbi nkailu wu Yesu wididi dikaba diodi dilutidi?
Bue lenda muena nge yindula mambu mo Yehova ayi Yesu bavangila?
Phila mbi tulenda vutudila Yehova ayi Yesu matondo mu diambu di khudulu? Tanga 2 Kolinto 5:15 ayi 1 Yowani 4:11; 5:3. Ngeyo mana tanga ziverse ziozi, vana mvutu mu kiuvu kiaki:
Bue tulenda monisina phutudulu matondo?
4. Mfunu wu sokudila Yesu
Phila yinkaka yimonisina phutudulu matondo mu diambu di khudulu, yidi yi landakana fuanusu ki Yesu. Tanga 1 Piela 2:21 ayi vana mvutu mu kiuvu kiaki:
Mu phila mbi wulenda landikinina mboti mboti fuanusu ki Yesu?
Yesu weba zolanga mbembo Nzambi, weba samunanga nsamu wumboti wu Kimfumu ki Nzambi ayi weba zolanga batu
5. Mfunu kutakana mu mbambukulu moyo yi lufua lu Yesu
Mosi wuzaba phila nyengo wu Bidia bi Mfumu wu viokila, tanga Luka 22:14, 19, 20. Ayi vana mimvutu mu biuvu biabi:
Bue nyengo wu Bidia bi Mfumu wuviokila?
Vinyu ayi dipha mbi bieta monisa?—Tala verse 19 ayi 20.
Yesu wuzola ti balonguki bandi batulanga nyengo wu mbambukulu moyo wu Bidia bi Mfumu, khumbu mosi mu mvu mu dati yo kafua. Bambangi zi Yehova beta kutakana kadika mvu mu diambu di bambukila lufua lu Kristu moyo. Lukutukunu beni lumfunu lueta vioka mu phila yoyi Yesu kamonisina fuanusu. Muingi wuzaba diaka buwombo phila lukutukunu beni lumfunu lueta viokila, tala VIDEO. Ayi vana mvutu mu kiuvu kiaki kilandini.
Bue mbambukulu moyo yi lufua lu Yesu yeta viokila?
Dipha ayi vinyu bidi kuandi bidimbu. Dipha dieta monisa nitu yo yi duka yi Yesu ayi vinyu yeta monisa menga mandi
BATU BANKAKA BETA TUBA TI: “Muingi wuvuka, fueti wilukila kaka mu Yesu.”
Mu lusadusu lu Yowani 3:16 ayi Zaki 2:17, bue tufueti monisina ti yisi sukila ko kaka mu wilukila Yesu mosi tuvuka?
MU BUKHUFI
Tueta monisa phutudulu matondo mu mambu momo Yesu katuvangila; bo tueta kunwilukila ayi bo tueta kutikinina mu mbambukulu moyo yi lufua lu Yesu.
Phutukulu
Ba minu mu Yesu, mbi yinsundula?
Ngeyo veka, phila mbi lenda monisina phutudulu matondo kuidi Yehova ayi Yesu mu mambu momo bavangila?
Bila mbi yididi mfunu kutakana mu mbambukulu moyo yi lufua lu Yesu?
TALA MAMBU MANKAKA
Lufua lu Yesu mbi lukututuma tuvanga?
Minu muna mbi ayi “monisa minu” mbi yinsundula.
“Monisá kondima na bilaka ya Yehova” (Linɔ́ngi ya Mosɛnzɛli ya 10/2016)
Bo kayindula khudulu: Nketo mosi wuyiza balula phila keba kimuenanga (disolo di luzingu: “Ndieka kimona wuvedila ayi thidi luzingu”).
“Biblia ebongolaka bato” (Linɔ́ngi ya Mosɛnzɛli ya 01/08/2011)
Mu zimilio zi batu bobo beta kutakana mu mbambukulu moyo yi lufua lu Yesu, mua ndambu batu kaka beta dia dipha ayi beta nua vinyu. Bila mbi?