Mambu mo bakhomba badengana

Monisa ntima kiadi kuidi batu boso

Lumbu kimosi, khomba mosi wunketo ku Nouvelle-Zélande wutala video “Soucions-nous les uns des autres,” yo yeta tubila ti Yehova kasukanga ko kaka mona mutu kiadi, vayi weta kimonisa phe. (Yes. 63:7-9) Wubaka lukanu lusadila mambu mo kalonguka muingi katomba maluaku masadisila batu. Lumbu kio kiawu, mu thangu keba sumba bidia, wudengana nketo mosi nio kambulu nzo yivuanda ayi khomb’eto wunketo wu mukristu niandi veka wutuba kuidi nketo beni ti: Thidi kusumbila bidia. Nketo beni wukikinina. Mu thangu khomb’eto wunketo kannatina bidia beni, wubue kumvana mua kimbangi kikhufi, mu sadila trakiti Kiela ba lumbu ziphasi ziela mana?

Nketo beni wutona dila. Wunsudikisa ti mu dikanda di Bambangi zi Yehova kayonzukila vayi wubika kiedika vame vioka mimvu miwombo. Mua bilumbu kuandi bivioka wusambila Yehova kansadisa muingi kamvutukila. Khomb’eto wunketo wumvana Bibila ayi batula zikhubukulu mu diambu di ndongokolo.a

Tulenda sokudila ntima kiadi wu Yehova mu mmonisa ntima kiadi kuidi bakhomba zieto ba dikanda ayi kuidi bakhomba zieto ba babakala ayi ba baketo mu khati kimvuka. Ayi tulenda monisa ntima kiadi mu tombanga maluaku ma tela kimbangi kuidi batu bankaka.