Bongisa ntim’aku

Mu thangu tulembo longuka Bibila, tueta tomba ti mayindu ma Yehova masimba ntim’eto voti bumutu bueto bukhati. Esala wubika kifuani kimboti mu diambu beni mu thangu “kakubika ntim’andi mu tanga Nsiku wu Yehova.” (Esa. 7:10) Bue tulenda bongisila ntim’eto?

Sambilanga. Toninanga kadika ndongokolo yi Bibila mu lusambulu. Lombanga Yehova kasadisa wusudikanga ayi wusadilanga mambu momo wunlonguka.​—Nku. 119:18, 34.

Yonzula kadulu ki kukikulula. Nzambi wusueka kiedika kuidi batu bobo beta tudila diela diawu ntima ayi kuidi bobo bakala luniemo. (Luka 10:21) Manganga kifu kitulanga zithombolo mu diambu di tomba yitukisa batu bankaka. Mu kukikulula koso, balulanga phil’aku yitadilanga mambu enati yisi ko nguizani ayi yoyi yi Nzambi.

Tombanga wanga minkunga mi Kipfumu. Miziki midi na luve lukota mu khati ntim’eto, mieta kutusadisa phe tuba bakubama mu diambu di tsambudulu‘eto. Wanga nkunga wu Kipfumu tuamina wutona ndongokolo’aku, kulenda kusadisa wubongisa ntim’aku.