UMBUESÁ 46
Marã puranga remeẽ ne vida Jeová supé asuí reyubatizari?
Yaparawaka yameẽ yané vida Jeová supé maã importante piriwaá yapoderi yamuñhã. Yameẽ yané vida Jeová supé yapurandú ramé irum asuí yaprometeri yasú yadorari añhũ aé asuí yasú yamuñhã maã aé uputariwaá primeiro yané vida upé. (Salmuitá 40:8) Ariré yandé yayubatizari. Yayubatizari ramé, yamukameẽ amuitá supé yameẽwaá yané vida Jeová supé. Mairamé yepé mira uparawaka umeẽ ivida Jeová supé, kuá utrocari ivida. Maã umuñhã yepé mira uparawaka kayé?
1. Maã umuñhã yepé mira umeẽ ivida Jeová supé?
Yameẽ yané vida Jeová supé yasaisú resewara aé. (1 João 4:10, 19) Bíblia uñheẽ: “Rerikuté regustari ne Ruixawa Deus pañhe ne piá upé, pañhe ne anga irum, pañhe remanduárisawa irum, pañhe ne kirimbasawa irum yuíri.” (Marko 12:30) Yamukameẽ yasaisú Deus umbaá añhũ maã rupí yambeuwaá ma yamuñhãwaá rupí yuíri. Yepé exemplo, mairamé yepé apigá asuí yepé kuñhã ta uyusaisú ta piá suí, aintá usikari ta umendári. Yaweté yuíri yasaisú ramé Jeová yasikari yameẽ yané vida ixupé asuí yayubatizari.
2. Maã purangawaá Jeová umeẽ yepé mira supé uyubatizari ramé?
Reyubatizari ramé indé reyeréu Jeová anama. Ape resú resaã piri mayé Jeová usaisú indé asuí resú repitá isuakí piri. (Releri Malakia 3:16-18.) Indé resú rerikú Jeová mayé ne Paya, asuí ne imũitá asuí ne rendiraitá pañhe kuá mundo upé, ta usaisuwaá Jeová asuí indé. (Releri Marko 10:29, 30.) Ma reyubatizari rundé reprecisari remuñhã yepeyepé maã. Reprecisari reyumbué Jeová resé, resaisú aé asuí reruyari itaíra resé, Jesus. Ariré reprecisari remeẽ ne vida Jeová supé. Remuñhã ramé kuayé asuí reyubatizari, repoderi rerikú vida pañhe ara. Deus Ñheenga umbeu: “Kuíri umukaturu peñhe . . . kuá batismo.” — 1 Pedro 3:21.
REYUMBUÉ PIRI ARAMA
Remaã marã importante remeẽ ne vida Jeová supé asuí reyubatizari.
3. Pañhe yandé yarikuté yaparawaka awá yasú yadorari
Kuxiíma kuera yepeyepé israelwaraitá ta umaité ta upoderi ta uadorari Jeová asuí yuíri kuá tupana tiwaá supí iserawaá Baal. Ma Jeová umundú profeta Elia umbeu arama aintá supé ti satambika ta umuñhã kuayé. Peleri 1 Reiitá 18:21. Ariré pekuntari kuá resé:
Maã israelwaraitá ta urikuté kuera ta uparawaka?
Yarikuté yaparawaka awá yasú yadorari mayé israelwaraitá yawé. Peleri Luka 16:13. Ariré pekuntari kuá resé:
Yepeyepé ta umaité ta upoderi ta uadorari Jeová asuí yuíri amú maã. Marã ti yapoderi yamuñhã kuayé?
Mayé yaxari Jeová ukuá yaparawaka yadorari aé?
4. Remanduári mayé Jeová usaisú indé
Jeová umeẽ siya maã purangawaá yandé arama. Maã yapoderi yameẽ ixupé? Pemaã kuá VÍDEO.
Mayé Jeová uxari rekuá aé usaisú indé? Peleri Salmuitá 104:14, 15 asuí 1 João 4:9, 10. Ariré pekuntari kuá resé:
Maã purangawaá Jeová umeẽwaá indé arama regustari piri?
Mayé reyusaã Jeová umeẽ resewara maã purangawaá indé arama?
Reyusaã será surí retana mairamé yepé mira umeẽ yepé maã purangawaá indé arama? Indé reputari remukuekatú aé, ti será? Peleri Deuteronômio 16:17. Ariré pekuntari kuá resé:
Remanduári ramé maã resé Jeová umeẽwaá indé arama, maã reputari remuñhã ixupé?
5. Yameẽ ramé yané vida Jeová supé yarikú siya maã purangawaá
Siya miraitá ta uruyari sá aintá yepé mira importante, ta urikú ramé yepé murakí puranga u ta urikú ramé dinheiro, ta usú ta uikú surí. Supí será? Pemaã kuá VÍDEO. Ariré pekuntari kuá resé:
Andrey ugustari retana futebol. Marã aé uxari futebol?
Aé uparawaka usari ivida umuñhã arama Jeová vontade, umbaá ujogari arama futebol. Será aé uparawaka puranga? Marã?
Uyeréu rundé yepé cristão, apóstolo Paulo upoderima urikú yepé murakí importantewaá. Aé uyumbué judeu lei yepé umbuesara irum importantewaá. Ma Paulo uxari pañhe maã uyeréu arama yepé cristão. Será aé uyuarrependeri umuñhã resewara kuayé? Peleri Filipowaraitá 3:8. Ariré pekuntari kuá resé:
Marã Paulo umbeu “teñhuntuwara” pañhe maã aé umuñhã uyeréu rundé yepé cristão?
Maã aé uganhari uxari resewara imurakí urikuwaá kuera?
Será ne vida usú upitá puranga piri sá reparawaka remuñhã Jeová vontade? Marã remanduári kuayé?
Uyeréu ramé yepé cristão Paulo uganhari piri uxariwaá suí
YEPEYEPÉ MIRAITÁ TA UMBEU: “Ixé akuá kuá supiwaá, ma ti aputari amuñhã kuayé.”
Marã puranga remeẽ ne vida Jeová supé?
MAÃ REYUMBUÉ
Yasaisú ramé Jeová yasú yameẽ yané vida ixupé asuí yayubatizari.
Remanduári arama
Marã yarikuté yasaisú Jeová asuí yadorari aé?
Maã purangawaá Jeová umeẽ uyubatizariwaitá supé?
Reputari será remeẽ ne vida Jeová supé?
REPUTARI SERÁ REKUÁ PIRI?
Remaã marã yepé ópera cantora asuí yepé atleta ta uparawaka ta umeẽ ta vida Jeová supé.
Pisasuwaitá ta upurandú — Maã apoderi amuñhã se vida irum? — Ta umanduári kuá resé (6:54)
Remaã marã puranga yameẽ yané vida Jeová supé.
“Marã yameẽ yané vida Jeová supé?” (A Sentinela, 15 de janeiro de 2010)
Kuá música vídeo upé, remaã marã umeẽwaitá ta vida Jeová supé aintá surí.
Releri kuá artigo: “Apurandú kuera se suí ‘Marã Deus umuñhã yandé?’” rekuá arama maã umuñhã yepé kuñhã umanduári maã resé importante piriwaá ixupé.
“Bíblia utrocari miraitá vida” (A Sentinela, 1.º de novembro de 2012)