Salmos
U oración juntúul máak táan u muʼyaj yéetel maʼ tu kaxtik baʼax u beete,* le oʼolal tu yaʼalaj tiʼ Jéeoba jach bix u yuʼubikuba.+
102 Jéeoba Dios, uʼuy in oración.+
Táan in sen kʼáatiktech áantaj, kexiʼ ka kʼuchuk tak ta wiknaleʼ.+
2 Maʼ a pʼatken tin juunal tu kʼiinil táan in muʼyaj.+
Chʼenxikinteniʼ.*
Le kéen in kʼáattech áantajeʼ núuk in oración tu séebaʼanil.+
3 U kʼiiniloʼob in kuxtaleʼ bey buutsʼeʼ, séeb u saʼatal,
in baakeloʼobeʼ bey táan u yeleloʼob ichil junpʼéel hornoeʼ.+
4 In puksiʼikʼaleʼ bey suʼuk julaʼan tumen kʼáakʼ yéetel tsʼoʼok u tijleʼ,+
tsʼoʼok tak u pʼáatal maʼ taak in janaliʼ.
5 Tumen jach yaj baʼax kin muʼyajtikeʼ táan in wáakan+
yéetel tsʼoʼok in pʼáatal chéen ootʼ yéetel baak.+
6 Beyen jeʼex le pelícano yaan teʼ desiertooʼ.
Beyen jeʼex le chan búho kajaʼan tuʼux mix máak yanoʼ.
7 Junpuliʼ maʼ tin wenel.
Beyen juntúul chʼíichʼ chéen tu juunal tʼuchukbal yóokʼol junpʼéel najeʼ.+
8 In enemigoʼobeʼ bul kʼiin táan u pochʼkenoʼob.+
Le máaxoʼob ku burlarkubaʼob tiʼ tenoʼ, ku meyajtiʼob in kʼaabaʼ utiaʼal u maldecirkoʼob máak.
9 Tu lugar in jaantik waajeʼ kin jaantik u taʼanil kʼáakʼ,+
le baʼax kin wukʼik xanoʼ xaʼakʼpajaʼan yéetel u jaʼil in wich,+
10 tumen pʼuʼujech yéetel tsʼíikilnajech tin wéetel,
ta líiʼsen chéen utiaʼal a píikchʼintken.
11 In kuxtaleʼ bey jeʼex le boʼoy kʼáatmáan ku beetkoʼ.+
Táan in tijil jeʼex le suʼukoʼ.+
13 Techeʼ yaan a líikʼil utiaʼal a chʼaʼik óotsilil tiʼ u kaajil Sión,+
tumen tsʼoʼok u kʼuchul u tiempoil a weʼesik a wutsil tiʼ,+
tsʼoʼok u kʼuchul u kʼiinil.+
14 Le máaxoʼob meyajtikechoʼ u yaabiltmoʼob tak chéen le tuunichoʼob+
yéetel le luʼum yaan tu kaajil Siónoʼ.+
15 Le kaajoʼoboʼ yaan u respetarkoʼob u kʼaabaʼ Jéeoba.
Tuláakal u reyiloʼob yóokʼol kaabeʼ yaan u sajaktaloʼob tiʼ u poder.+
16 Jéeobaeʼ yaan u jel líiʼsik u kaajil Sión.+
Yaan u yeʼesik bukaʼaj u poder.+
17 Yaan u yuʼubik u oración le máaxoʼob jach mix baʼal yaantiʼoboʼ.+
Yaan u chʼenxikintik u oraciónoʼob.+
18 Lelaʼ tsʼíibtaʼan utiaʼal le generación kun antaloʼ,+
beyoʼ le kaaj kun antaloʼ yaan u alabartik Jéeoba.*
19 Desde teʼ kaʼan tuʼux yanoʼ Jéeobaeʼ ku paakat way luʼumeʼ,
ku paakat desde teʼ lugar santo tuʼux yanoʼ,+
20 ku yuʼubik bix u yáakam le máaxoʼob kʼalaʼanoʼoboʼ,+
yéetel ku salvartik le máaxoʼob condenartaʼanoʼob kíimiloʼ.+
21 Le oʼolal yaan u alabartaʼal u kʼaabaʼ Jéeoba tu kaajil Sión,+
yaan u alabartaʼal tu kaajil Jerusalén,
22 le kéen u muchʼuba tuláakal le luʼumoʼob yéetel le kaajoʼob
utiaʼal u adorartoʼob Jéeobaoʼ.+
23 Dioseʼ tu luʼsaj in muukʼ antes tiʼ u kʼuchul u kʼiinil.
Tu xotʼaj u kʼiiniloʼob in kuxtal.
25 Teech beet u cimientoil le luʼum desde úuchjeakiloʼ,
yéetel a kʼaboʼob xan ta beetaj le kaʼanoʼ.+
26 Le baʼaloʼobaʼ yaan u xuʼulultiʼob, pero techeʼ mix bikʼin u xuʼulultech.
Yaan u xuʼupuloʼob jeʼex u xuʼupul* junpʼéel nookʼeʼ.
Yaan a kʼexkoʼob jeʼex u kʼeʼexel junpʼéel nookʼeʼ, yaan u xuʼulultiʼob.
27 Pero techeʼ maʼ kan kʼexpajal, mix bikʼin u xuʼulultech.+
28 U paalal le máaxoʼob meyajtikechoʼ mix baʼal kun sajakkúuntkoʼob,
u descendenciaʼobeʼ mix bikʼin u xuʼulul u yantaloʼob ta táan».+