Romanos
13 Tuláakal máak unaj u tsʼáaikuba yáanal u páajtalil le autoridadoʼob tsʼaʼanoʼoboʼ,+ tumen minaʼan autoridad wa maʼ tu yoʼolal Diosiʼ.+ Le autoridadoʼob yanoʼoboʼ Dios tsʼaamiloʼob teʼ jejeláas lugaroʼob tuʼux yanoʼoboʼ.+ 2 Le oʼolaleʼ le máax ku tsʼáaikuba tu contra le autoridadoʼoboʼ ku tsʼáaikuba xan tu contra baʼax aʼalaʼan tumen Dios. Le máaxoʼob ku tsʼáaikubaʼob tu contra lelaʼ yaan u juzgartaʼaloʼob. 3 Tumen le máaxoʼob ku gobernaroʼoboʼ maʼ tu chʼaʼabal saajkil tiʼob tumen le máaxoʼob beetik baʼax maʼaloboʼ, baʼaxeʼ ku chʼaʼabal saajkil tiʼob tumen le máaxoʼob beetik baʼax kʼaasoʼ.+ Wa maʼ a kʼáat a chʼaʼ saajkil tiʼ le autoridadoʼ seguernak a beetik baʼax maʼalob,+ beyoʼ letiʼeʼ yaan u tʼaan maʼalob ta woʼolal. 4 Tumen le autoridadoʼ u j-meyaj Dios utiaʼal a wutsil. Chéen baʼaleʼ wa táan a beetik baʼax kʼaaseʼ chʼaʼ saajkil tumen yaan baʼax oʼolal u chʼaʼamaj u espada. Letiʼeʼ u j-meyaj Dios utiaʼal u castigartik le máax beetik baʼax kʼaasoʼ.
5 Le oʼolal jach kʼaʼabéet a tsʼáaikabaʼex yáanal u páajtaliloʼob, maʼ chéen yoʼolal le castigooʼ, baʼaxeʼ tumen a concienciaʼexeʼ tsʼoʼok xan u yaʼalikteʼex baʼax maʼalob ka a beeteʼex.+ 6 Le beetkeʼ teʼexeʼ ka boʼotkeʼex xan impuestoʼob, tumen Dios tsʼaamil le autoridadoʼob utiaʼal u yáantkoʼob máakoʼ yéetel mantatsʼ ku beetkoʼob lelaʼ. 7 Tsʼáaʼex tiʼ tuláakal máak le baʼax unajoʼ: tiʼ máax ku kʼáatik impuestoeʼ, impuesto;+ tiʼ máax ku kʼáatik boʼoleʼ, boʼol; tiʼ máax ku kʼáatik respetoeʼ, respeto;+ tiʼ máax ku kʼáatik ka chʼaʼabak saajkil tiʼeʼ, chʼaʼabak saajkil tiʼ.+
8 Maʼ a pʼaxkeʼex mix baʼal tiʼ mix máak, baʼaxeʼ yaabiltabaʼex ta baatsileʼex,+ tumen le máax ku yaabiltik u yéet máakileʼ ku tsʼoʼokbesik le leyoʼ.+ 9 Tumen le ley tuʼux ku yaʼalik: «Maʼ unaj a tusik a núupiʼ,*+ maʼ unaj a kíimsik mix máakiʼ,+ maʼ unaj a wookoliʼ,+ maʼ unaj a tsʼíiboltik baʼax maʼ a tiaʼaliʼ»,+ bey xan jeʼel máakalmáak uláakʼ mandamiento yaneʼ, ku láaj tsʼoʼokbesaʼaloʼob ikil u beetaʼal lelaʼ: «Kʼaʼabéet a yaabiltik a wéet máakil jeʼel bix a yaabiltikabaeʼ».+ 10 Juntúul máax yaan u yaabilajeʼ maʼ tu beetik kʼaas tiʼ mix máak;+ bey túunoʼ le leyoʼ ku tsʼoʼokbesaʼal ikil u yeʼesaʼal yaabilaj.+
11 Lelaʼ unaj xan a beetkeʼex tumen teʼexeʼ a wojleʼex tiʼ baʼax kʼiinil kuxaʼanoʼon: u kʼiinil a waajleʼex,+ tumen bejlaʼeʼ maas natsʼaʼan u kʼiinil k-salvartaʼal ke le kʼiin ka t-tsʼáaj k-fe tiʼ Cristooʼ. 12 Le áakʼaboʼ tsʼoʼok u jach tʼúubul; jach taʼaytak u sáastal. Le oʼolaleʼ maʼ unaj k-beetik mix baʼal yaan yil yéetel le éeʼjochʼeʼeniloʼ,+ baʼaxeʼ unaj k-búukintik u nuʼukuliloʼob baʼateʼel yaan yil yéetel le sáasiloʼ.+ 13 Koʼoneʼex bisik junpʼéel toj kuxtal+ jeʼex u beetaʼal de díaeʼ, maʼ k-máan tiʼ kʼiinbesajoʼob tuʼux mix baʼal ku tsʼaʼabal u pʼiis, tiʼ káaltalil, tiʼ núupkʼeban,* tiʼ u kuxtal máak ich x-maʼ suʼtalil,*+ tiʼ baʼatelil mix tiʼ tsʼíikilil.*+ 14 Baʼaxeʼ seguerteʼex u ejemplo Yuumtsil Jesucristo+ yéetel maʼ a chʼaʼtuklikeʼex a béeykuntkeʼex u tsʼíibolal a bakʼeleʼex.+