马可福音

16 安息日一过，末大拉人马利亚、雅各嘅妈妈马利亚同埋撒罗米，就买咗香料，用嚟搽喺耶稣嘅遗体。 2 跟住嗰个星期嘅第一日，一朝早，太阳一出嚟，佢哋就去到墓穴。 3 佢哋互相话：“边个可以帮我哋移开墓穴门口嘅石头呀？” 4 但系佢哋岳高头一望，发现嗰块巨大嘅石头已经移开咗。 5 佢哋行入墓穴，见到有个着住白袍嘅年轻人坐喺右边，就好惊讶。 6 年轻人同佢哋讲：“唔使惊讶。我知道你哋想揾喺木柱上被处死嘅拿撒勒人耶稣，佢已经复活咗，唔喺呢度。睇吓，呢个就系佢哋安放佢嘅地方嘞。 7 你哋去同佢嘅门徒同埋彼得讲：‘佢会早过你哋去到加利利。你哋会喺嗰度见到佢，就好似佢之前同你哋讲嘅噉。’” 8 啲妇女好激动，成身震晒，一出咗墓穴就走咗去，咩都冇同任何人讲，因为佢哋真系好惊*。