改善传道技巧——接触我哋地区嘅所有人

点解咁重要：撒迦利亚预言，唔同国族讲唔同语言嘅人会积极响应王国嘅好消息。（亚8:23）不过边个会教导佢哋呢？（罗10:13-15）我哋有殊荣，亦都有责任向我哋地区嘅所有人传讲好消息。（《组织》84页10-11段）

点样做：

• 做好准备。你有冇喺传道嘅时候遇过讲外语嘅人？你可以用JW Language 应用程式学习一个简短嘅介绍词。或者运用你嘅电子设备，示范俾对方睇吓，点样喺jw.org网站揾到更多用佢母语出版嘅资料

• 细心观察。喺你做紧逐家逐户嘅时候，唔好错过任何作见证嘅机会，例如，有啲人可能咁啱路过或者喺度等紧人，你可唔可以尝试同佢哋倾吓呢？如果你做紧公众场所见证，就应该集中精神，留意机会同人作见证

• 积极勤奋。要继续努力探访唔喺屋企嘅人。可能喺一日嘅另一个时间或者一星期嘅另一日，尽力接触地区入面嘅所有人。有啲住户可能需要喺街头见证嘅时候先遇到，有啲就可能要通过书信，电话先接触到

• 持续跟进。尽快探访感兴趣嘅人。如果对方系讲外语嘅，你可以尝试揾熟悉嗰种语言嘅弟兄姊妹跟进。喺揾到之前，你都应该继续探访佢。（《组织》94页39-40段）

播放影片《在地球上最偏远的地方传道》之后，讨论以下问题：

• 

  为咗接触偏远地区嘅人，弟兄姊妹需要做啲乜嘢准备呢？（林前9:22,23）

• 

  佢哋要克服乜嘢障碍？

• 

  佢哋有啲乜嘢福分？

• 你会点样做，务求喺你嘅地区接触更多人？