传道与教导——帮助人成为基督徒嘅重要环节

耶稣吩咐佢嘅跟从者主动去帮助人成为基督徒。（太28:19）噉牵涉到传道同教导呢两个重要嘅环节。我哋可以不时问吓自己：“我可以点样改进自己嘅传道同教导技巧，帮助人成为基督徒呢？”

传道

我哋应该主动去揾“配得嘅人”，而唔系等人哋嚟揾我哋。（太10:11）传道嘅时候，我哋有冇把握机会同“遇见嘅人”攀谈呢？（徒17:17）使徒保罗积极噉传道，帮助咗吕底亚成为基督徒。（徒16:13-15）

播放影片《“持续不懈噉”宣扬好消息——非正式见证、逐家逐户传道》，然后讨论以下问题：

• 阿森点样把握生活中嘅机会，积极主动噉撒播真理嘅种子？

• 点解我哋一定要坚持不懈噉参与唔同形式嘅传道工作？

• 喺你日常嘅工作同生活中，可以向边啲人分享王国信息？

教导

要帮助人成为基督徒，净系留低圣经书刊系唔够嘅。我哋需要做续访同埋主持圣经讨论，先可以帮助学生喺属灵方面不断进步。（林前3:6-9）不过，如果我哋付出咗好多努力去教导人真理，但系成果唔系好显著，噉又点呢？（太13:19-22）我哋要继续揾出内心情况好似“好土”一样嘅人。（太13:23；徒13:48）

播放影片《“持续不懈噉”宣扬好消息——公众场所见证、帮助人成为基督徒》，然后讨论以下问题：

• 苏弟兄夫妇点样为埋藏喺阿杰夫妇心底嘅真理种子淋水呢？

• 我哋参与唔同形式嘅传道工作，包括公众场所见证，目标应该系乜嘢？

• 我哋点样做，就系将注意力集中喺教导人圣经真理之上呢？