改善传道技巧——帮助“秉性适宜得永生嘅人”成为基督徒

点解咁重要：耶和华会使真理嘅种子喺“秉性适宜得永生嘅人”心入面发芽生长。（徒13:48；林前3:7）传道嗰阵，我哋会集中精力帮助嗰啲对真理有良好反应嘅人，噉样就系同上帝并肩工作，做佢嘅同工。（林前9:26）我哋要帮助圣经学生明白受浸成为基督徒系得救嘅必要条件。（彼前3:21）通过教导学生，帮助佢哋喺生活上作出改变，训练佢哋参与传道教人嘅工作，以及献身俾耶和华，噉佢哋就可以逐步成为基督嘅门徒。（太28:19,20）

点样做：

• 提醒圣经学生，圣经课程嘅主要目的系帮助佢哋“认识”耶和华同埋取悦佢

• 帮助学生克服障碍，喺属灵上进步，例如戒除坏习惯、避开有问题嘅交往

• 喺学生受浸前后都鼓励佢哋，强化佢哋嘅信心（徒14:22）

睇完影片《耶和华上帝必定帮助你》之后，回答以下嘅问题：

• 一个人献身受浸前可能要克服乜嘢恐惧呢？

• 长老可以点样帮助圣经学生喺属灵上进步？

• 以赛亚书41:10帮助我哋睇出耶和华系个点样嘅上帝？

• 虽然我哋唔完美，但系乜嘢特质可以帮助我哋以耶和华悦纳嘅方式事奉佢？