目錄

知識一定要運用出嚟先至有價值。不過，我哋想運用學到嘅知識，就要有謙卑嘅態度。呢篇課文會討論聖經當中幾個榜樣，鼓勵我哋以謙卑嘅態度向各種各樣嘅人傳道、為其他人禱告同埋等候耶和華採取行動。

喺而家呢個難以應付嘅非常時期，人好容易會因為生活上嘅難題而變得灰心沮喪。雖然耶和華同耶穌會幫助我哋應付呢啲挑戰，但係我哋每個人都有責任彼此鼓勵同安慰。呢篇課文會討論，我哋可以點樣用愛心强化人。

耶和華係快樂嘅上帝，佢亦都希望佢嘅僕人快樂。喺撒但嘅世界生活會遇到好多難題同考驗，噉我哋可以點樣保持快樂呢？耶穌喺登山寶訓當中所提出嘅實用勸告可以幫助我哋獲得恆久嘅快樂。

喺呢個充滿自私精神嘅世界當中，基督徒表現嘅愛心好似照亮黑暗嘅明光一樣顯得尤其突出。呢兩篇課文會集中討論表現愛心嘅其中一個方式，就係關心、體恤人。我哋首先會喺第一篇課文睇吓，耶和華喺體恤人方面點樣立下榜樣；然後喺第二篇課文，我哋會討論可以用邊啲實際有效嘅方法效法耶和華。