人死咗仲有冇可能復活呢？

聖經話：

“將來必有復活”。——使徒行傳24:15，《聖經》，呂振中譯

同你有乜嘢關係呢？

親友去世嗰陣，可以得到安慰。（哥林多後書1:3,4）

唔會太過恐懼死亡。（希伯來書2:15）

有希望同復活嘅親友重聚。（約翰福音5:28,29）

聖經所講嘅，係咪真係信得過呢？

係，至少有三個理由：

• 上帝係創造主。耶和華上帝係“生命嘅源頭”。（詩篇36:9；使徒行傳17:24,25，《新世界譯本》）既然一切生命都嚟自上帝，佢自然有能力將死去嘅人復活。

• 上帝曾經復活死去嘅人。聖經話俾我哋知，上帝曾經將八個人復活過嚟，復活之後佢哋繼續喺地上生活。 呢八個人當中，男女老幼都有，有啲死咗冇幾耐就復活，而有一個復活嗰陣，就已經死咗四日嘞！（約翰福音11:39-44）

• 上帝好想復活死去嘅人。耶和華好唔想見到人死。佢將死亡視為係敵人。（哥林多前書15:26）上帝好想消滅呢個仇敵，渴望復活佢深切思念嘅人，等佢哋再次喺地上生活。（約伯記14:14,15）