上帝嘅王國係乜嘢呢？

聖經話：

“天上嘅上帝要設立一個永遠唔會滅亡嘅王國。”——但以理書2:44，《新世界譯本》

“有一個仔將賜俾我哋！佢嚟統治我哋。”——以賽亞書9:6，《新廣東話聖經》

同你有乜嘢關係呢？

• 你可以親身體驗到呢個賢明政府帶嚟嘅益處。——以賽亞書48:17,18

• 喺將來嘅新世界入面，你會身心健康，過幸福快樂嘅生活。——啟示錄21:3,4

聖經所講嘅，係咪真係信得過呢？

係，至少有兩個理由：

• 耶穌所做嘅事證明上帝嘅王國會造福人類。耶穌教門徒祈求上帝嘅王國來臨，亦都求上帝嘅旨意喺地上實現。（馬太福音6:9,10）耶穌喺地上做嘅事，表明上帝會點樣回應呢個禱告。

  耶穌曾經餵飽飢餓嘅人，醫好病人，甚至復活死去嘅人！（馬太福音15:29-38；約翰福音11:38-44）耶穌喺地上所做嘅事使我哋睇出，將來佢作為上帝王國嘅君王統治地球嗰陣，會點樣造益佢嘅子民。（啟示錄11:15）

• 世界嘅情況證明上帝嘅王國好快就會統治地球。耶穌預告，上帝嘅王國為地球帶嚟和平之前，世界會充滿各種災難，包括戰爭、饑荒同地震。（馬太福音24:3,7）

  今日，耶穌預告嘅事喺度應驗緊。所以，我哋可以肯定，上帝嘅王國好快就會施行統治，終止世上所有難題。