改善傳道技巧——接觸我哋地區嘅所有人

點解咁重要：撒迦利亞預言，唔同國族講唔同語言嘅人會積極響應王國嘅好消息。（亞8:23）不過邊個會教導佢哋呢？（羅10:13-15）我哋有殊榮，亦都有責任向我哋地區嘅所有人傳講好消息。（《組織》84頁10-11段）

點樣做：

• 做好準備。你有冇喺傳道嘅時候遇過講外語嘅人？你可以用JW Language 應用程式學習一個簡短嘅介紹詞。或者運用你嘅電子設備，示範俾對方睇吓，點樣喺jw.org網站揾到更多用佢母語出版嘅資料

• 細心觀察。喺你做緊逐家逐户嘅時候，唔好錯過任何作見證嘅機會，例如，有啲人可能咁啱路過或者喺度等緊人，你可唔可以嘗試同佢哋傾吓呢？如果你做緊公衆場所見證，就應該集中精神，留意機會同人作見證

• 積極勤奮。要繼續努力探訪唔喺屋企嘅人。可能喺一日嘅另一個時間或者一星期嘅另一日，盡力接觸地區入面嘅所有人。有啲住户可能需要喺街頭見證嘅時候先遇到，有啲就可能要通過書信，電話先接觸到

• 持續跟進。盡快探訪感興趣嘅人。如果對方係講外語嘅，你可以嘗試揾熟悉嗰種語言嘅弟兄姊妹跟進。喺揾到之前，你都應該繼續探訪佢。（《組織》94頁39-40段）

播放影片《在地球上最偏遠的地方傳道》之後，討論以下問題：

• 

  為咗接觸偏遠地區嘅人，弟兄姊妹需要做啲乜嘢準備呢？（林前9:22,23）

• 

  佢哋要克服乜嘢障礙？

• 

  佢哋有啲乜嘢福分？

• 你會點樣做，務求喺你嘅地區接觸更多人？