讀者來函

一個基督徒喺唔正當嘅情況下同一個異性一齊過夜，係咪會構成須要採取司法行動嘅罪行？

冇錯，如果有充分嘅情況證據顯示當事人有性不道德嘅行為，而冇可以減輕罪責嘅因由，就要根據情況證據成立司法委員會。（哥林多前書6:18）

長老團喺決定成立司法委員會之前，會認真衡量每一種情況。例如：呢兩個人係咪拍緊拖？佢哋有冇因為兩個人之間嘅行為而受過勸告？乜嘢情況導致佢哋要一齊過夜？佢哋係咪事先計劃好嘅？佢哋係咪可以選擇唔一齊過夜？係咪情有可原，例如遇到一啲無法預料嘅事，或者突然發生緊急事故導致佢哋不得不一齊過夜？（傳道書9:11）佢哋一齊瞓抑或分開瞓？因為每種情況都唔一樣，長老團可能仲要考慮其他相關嘅因素。

確認事實之後，長老團就會決定係咪要對當事人採取司法行動。