Chinándanu ejemplu stiʼ Jesús
GUIANU BINNI
Cumu guca Jesús perfectu la? qué ñuu peʼ xizaa de ca cosa ni riguu xizaa binni guidxilayú. Peru guizáʼ guyuube xizaa pur binni ne guyuube dispuestu gúnibe stale stipa pur gacanebe laacaʼ. Cadi bíʼnisibe ni caquiiñeʼ gúnibe, sínuque bíʼnirube xcaadxi cosa. Cumu biabe binni la? gucanebe laacaʼ. Zanda guidúʼyanu caadxi ejemplu de modo biabe binni lu capítulo 32, 37, 57 ne 99.
GUDIʼNU LUGAR GUIDXIÑA BINNI LAANU
Guiráʼ binni, nahuiiniʼ ne huaniisi, qué nidxíbicaʼ nidxíñacaʼ Jesús purtiʼ qué nudxiibaʼ Jesús laaca laa. Cumu nabé bizaaláʼdxibe binni la? guiráʼ tu guyuulaʼdxiʼ guidxiña laabe. Guidúʼyanu ximodo bidiibe lugar guidxiña binni laabe lu capítulo 25, 27 ne 95.
CADI GUSAANA DE GUNI ORARNU
Nabé biʼniʼ orar Jesús de guidubi ladxidóʼ, biʼniʼ orarbe stúbibe ne zaqueca nezalú ca binni ni biʼniʼ adorar Dios. Cadi ora si chitó Jesús gueta biʼniʼ orar, sínuque bíʼnibe ni stale biaje. Bidiibe xquixe peʼ Bixhózebe ne bisisácabe laa, ne gunábabe laa gacané laabe ora chicaabe ti decisión risaca. Guidúʼyanu ximodo biʼniʼ orar Jesús lu capítulo 24, 34, 91, 122 ne 123.
GACANENU BINNI SIN GUICÁLUNU QUIXE NI LAANU
Neca guyuu biaje gucalaʼdxiʼ Jesús nizilaʼdxiʼ, qué ñuni ni purtiʼ jma bizaalaʼdxiʼ gacané binni. Qué niníʼ íquebe puru si para laabe. Nabé galán ejemplu bisaanabe para laanu. Guidúʼyanu ximodo bisihuínnibe cualidad riʼ lu capítulo 19, 41 ne 52.
GUNI PERDONARNU
Cadi bisiidiʼ si Jesús laanu naquiiñeʼ chuʼnu dispuestu guni perdonarnu, laaca gudíxhebe ejemplu ora biʼniʼ perdonarbe ca discípulo stibe ne xcaadxi binni. Guidúʼyanu ximodo bíʼnibe ni lu capítulo 26, 40, 64, 85 ne 131.
GÚNINU XHIIÑAʼ DIOS DE GUIDUBI LADXIDOʼNO
Maca bizeeteʼ ca profecía zacananalaʼdxiʼ ca judíu Mesías ne dede zuuti ca enemigu stibe laabe. Ngue runi ñanda niníʼ ique Jesús qué zuni stale dxiiñaʼ stiʼ Dios. Peru neca bicaalúcabe laabe bíʼnibe stale stipa pur gusiidibe binni ni dxandíʼ. Zacá nga bisaanabe ti ejemplu galán ni zanda chinándanu ora qué náʼ binni gucaadiaga laanu o dede gucaalucaʼ laanu. Guidúʼyanu xi cusiene capítulo 16, 72 ne 103.
GÁCANU HUMILDE
Jma nanna Jesús guni stale cosa que guiráʼ binni ruchee, jma nuu xpiaanibe ne rúnibe ni jneza. Perfectu laabe, ngue runi gastiʼ stobi casi laabe. Neca zaqué gúcabe humilde ne biʼniʼ servirbe xcaadxi binni. Zanda guidúʼyanu ximodo bisihuínnibe gúcabe humilde lu capítulo 10, 62, 66, 94 ne 116.
GÁPANU PACIENCIA
Nabé gupa Jesús paciencia ora qué ninanda ca apóstol ejemplu stiʼ o qué ninándacaʼ ca conseju bidiibe laacaʼ. Né stale paciencia biguetaʼ bisiénebe laacaʼ ca cosa risaca ni zacané laacaʼ guidxíñacaʼ gaxha de Jehová. Guidúʼyanu ximodo bisihuinni Jesús paciencia lu capítulo 74, 98, 118 ne 135.