Cadi guidxíbiluʼ guiniʼluʼ

Ni biʼniʼ Jesús

VIDEU: Bidii Jesús conseju ti joven ricu

1. Biiyaʼ VIDEU RIʼ o biindaʼ Marcos 10:​17-22. Despué guníʼ ique ni ná ca pregunta riʼ:

1. ¿Gunáʼ nga ca cualidad galán ni biʼyaʼ Jesús napa joven riʼ?

2. ¿Xiñee bisihuinni Jesús guendarannaxhii ne qué nidxibi ora bidii conseju joven que?

¿Xi rusiidiʼ ejemplu stiʼ Jesús laanu?

2. Pa racaláʼdxinu guni progresar ca estudiante stinu, caquiiñeʼ guinínenu laacabe né cariñu, peru laaca cadi naquiiñeʼ guidxíbinu gábinu laacabe paraa caquiiñeʼ guchaacabe.

Yenanda ejemplu stiʼ Jesús

3. Gucané estudiante stiluʼ quixheʼ meta ne guni stipa ugaanda ni.

1. Biiyaʼ ni ná cuadru ni láʼ «Biʼniʼ stipa gúniluʼ ndiʼ» ni zeeda lu cada lección stiʼ libru ¡Zanda guibániluʼ nayecheʼ!

2. Gucané estudiante stiluʼ ganna xi naquiiñeʼ guni para ugaanda ca meta stiʼ nagueendaca o ra tidiʼ dxi.

3. Gatigá gudxi estudiante stiluʼ galán modo cayuni progresar.

4. Biiyaʼ xi cucueeza estudiante stiluʼ para guni progresar ne biyubi modo gacaneluʼ laabe.

1. Guníʼ ique ndiʼ:

   • «Pa cadi cayuni progresar estudiante stinneʼ para chúʼnisa, ¿xi cucueeza laabe pue?».

   • «¿Xi zanda guneʼ para gacaniáʼ laabe yaʼ?».

2. Gunabaʼ Jehová gudii lii valor ti cadi guidxíbiluʼ gábiluʼ estudiante stiluʼ, né stale cariñu, xi caquiiñeʼ guni ti ganda guni progresar.

5. Maʼ cadi gudiiluʼ laabe estudiu pa cadi cayuni progresarbe.

1. Para gánnaluʼ pa caquiiñeruʼ gudiiluʼ estudiu ti binni la? guníʼ ique ndiʼ:

   • «¿Ñee rúnibe ni caziidibe la?».

   • «¿Ñee riebe guiráʼ reunión ne riníʼnebe xcaadxi xi rusiidiʼ Biblia la?».

   • «Pa maʼ xadxí de cacaabe estudiu, ¿ñee racaláʼdxibe gácabe testigu stiʼ Jehová la?».

2. Pa ruluíʼ qué ganda guni progresar estudiante ca:

   • Gucané laabe guiníʼ íquebe xi cucueeza laabe para guni progresarbe.

   • Bisiene laabe né diidxaʼ nadóʼ xiñee maʼ qué zudiiluʼ laabe estudiu.

   • Bisiene chaahuiʼ laabe paraa caquiiñeʼ guchaabe pa racaláʼdxibe guicaabe estudiu sti biaje.