Cani rucheeche stiidxaʼ Reinu:

Cásica cani primé yenanda Cristu la? laanu laaca nabé ridagulisaanu (Heb. 10:25). Dede 1993, dxi maʼ ucuaa ca Testigu stiʼ Jiobá derechu casi relijión guidxi Méjicu la? nabé ucuá íquecabe ucuícabe stale Yoo stiʼ Reinu para gápacabe ca guendaridagulisaa ca. Yanna riʼ la? ca lugar ra runi tender Betel maʼ huabí biáʼ ti mil chupa gayuaa Yoo stiʼ Reinu, ne ti gayuaa gande ni deruʼ cabí. Peru, caquiiñeruʼ cuíʼ biaʼ xhupa mil gaayuʼ gayuaa; ne cumu nabé cadale cani rucheeche diidxaʼ la? caquiiñeruʼ cuíʼ sti 65 Yoo stiʼ Reinu guiráʼ iza.

Cumu nabé caru caree cuíʼ ca yoo ca ne para guiaxa guiráʼ ni riniti luguiáʼ cani ca dxi nagana riʼ la? Grupu ni Zaniruʼ cayuni casi na Lucas 14:28, nga runi maʼ bisiénecabe de que maʼ gadxé modo cuíʼ cani ne modo guiluxe cani. Ca Yoo stiʼ Reinu ca maʼ qué zapa cani stale luju ne maʼ qué zanítipeʼ stale luguiáʼ cani. Grupu ni Zaniruʼ ca racalaʼdxiʼ 1) gaca cani galán, guni sentir binni sicarú ndaaniʼ cani, chulaʼdxiʼ binni ora guʼyaʼ cani ne cadi inítipeʼ stale bueltu luguiáʼ cani nin tiempu nin stipa, ne 2) jma stale Yoo stiʼ Reinu cuíʼ lu ti iza. Ne jma nagueenda zabí cani ne cani chigacané. Ra jma huaxiéʼ dxiiñaʼ chigaca riʼ la? jma zápanu tiempu para chigucheechenu diidxaʼ, ti dxiiñaʼ ni jma risaca ni bidii Jiobá laanu (Mat. 24:14).

Ca bíʼchitu,

Betel stiʼ Méjicu