Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ julio

Diidxaʼ riuundaʼ 108

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda gusaanacabe rebista casi cá lu yaza 8 stiʼ guiʼchiʼ riʼ: tobi ca ne La Atalaya 15 stiʼ julio ne stobi ca ne ¡Despertad! 22 stiʼ julio. Lu tobi de laacani la? gusaanabe rebista ca ne ti binni ni zidiʼdiʼ lu caye ni qué riniʼpeʼ galán diidxaʼ riniʼbe.

15 min. «Gúninu ni jneza casi modo runi Jiobá.»a Pa gudii tiempu la? gunabaʼ cani cucaadiaga ca iniʼcaʼ xiná xcaadxi textu ni cá luni.

20 min. «Ñee ziuuluʼ racá la?» Libana ne ni bizaaca ni gudii ti binnigola. Dede ante gueeda Jesús hasta ca dxi stinu riʼ, ca guendaridagulisaa ra rie stale binni ca nabé risaca cani purtiʼ rudii cani stipa xquidxi Dios (biiyaʼ libru Proclamadores, yaza 254, ca párr. 1-3 ne Perspicacia, bol. 1, yaza 929, párr. 7). Guluu gana laacabe quixhechaahuicabe ni gúnicabe ti chécabe guendaridagulisaa de chonna gubidxa. Gunabaʼ cani cucaadiaga iniʼcaʼ ximodo huayacané ca stipa rúnicaʼ pur checaʼ ca guendaridagulisaa roʼ ca laacaʼ para gúnicaʼ ni na Jiobá jneza.

Diidxaʼ riuundaʼ 16 ne orasión guiluxeneni.

Semana 19 stiʼ julio

Diidxaʼ riuundaʼ 83

10 min. Cani chiguieeteʼ stiʼ binni ridagulisaa. Bizeeteʼ pabiáʼ ndiʼ risaca chinándanu ti hora para gúʼndanu Biblia ca beeu ra naroʼbaʼ ca dxi riʼ, neca chuʼ xiixa ni guxhele laanu de hora ni maʼ gudíxhenu para gúʼndanu ni. Zanda guzeeteluʼ caadxi de ni zeeda lu La Atalaya 15 stiʼ agosto 2000, yaza 32.

15 min. Carta stiʼ Betel. Zanda inabadiidxuʼ lu libana riʼ. Bisietenalaʼdxiʼ cani rucheeche diidxaʼ de ni maʼ gudíxhecabe gudiicabe guiráʼ beeu para ca Yoo stiʼ Reinu, casi modo na carta 1 stiʼ enero 2004, ni ucuaa ca binni ridagulisaa ni nuu Méjicu.

20 min. «Gúʼndanenu binni modo ganda iniisi jma lu Stiidxaʼ Dios. 1 ndaa.» Libana ni gudii binnigola ni ruuyaʼ modo rireeche diidxaʼ. Gunabaʼ cani cucaadiaga iniʼcaʼ de ni zeeda lu libru Proclamadores, yaza 572 dede 574, ra cá modo caniisi dxiiñaʼ de gúʼndanenu binni de Biblia ca dxi stinu riʼ. Guluu gana laacabe ti ucaadiágacabe de ni chiguieeteʼ lu xcaadxi beeu ca. Lade cani chiguieeteʼ ca zeeda: ximodo chuʼnuʼ listu ti ganda gúʼndanenu binni de Biblia, ximodo acanenu ni cayúʼndanenuʼ ca chuʼ listu ante gúʼndanenu laa, pabiáʼ zanda gúʼndanenu laabe, ximodo zanda iquiiñenu ca textu ca jma jneza, xi gúninu ora ni cayúʼndanenu ca inabadiidxaʼ laanu xiixa, ximodo guzulú guni orarnenu laabe ne ximodo acanenu laabe chuʼbe ndaaniʼ xquidxi Jiobá. Guluu gana irácabe ti gúnicabe guiráʼ ni chigueeda luni ne gápacabe ca guiʼchiʼ riʼ para ora tiica iquiiñecabe ni.

Diidxaʼ riuundaʼ 10 ne orasión guiluxeneni.

Semana 26 stiʼ julio

Diidxaʼ riuundaʼ 216

12 min. Cani chiguieeteʼ stiʼ binni ridagulisaa ne pagala nuu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ beeu julio. Bitiidiʼ chupa modo zanda gusaanacabe rebista casi cá lu yaza 8 stiʼ guiʼchiʼ riʼ: tobi ca ne La Atalaya 1 stiʼ agosto ne stobi ca ne ¡Despertad! 8 stiʼ agosto. Lu cada tobi de laacani guluíʼcabe gadxé gadxé modo icábitu ora gábicabe laatu: «Xiñee nabé rigánnatu binni» (laguuyaʼ libru Razonamiento, yaza  20).

8 min. Ndaa ra rinabadiidxaʼ. Gudii ti binnigola ni. Biindaʼ ne bisiene idubi ni.

25 min. «Ximodo gucheechenu diidxaʼ ra nuu ca tienda ca»b Bizeeteʼ de cani maʼ gudíxhetu aca para chigucheechetu diidxaʼ ra nuu ca tienda ca. Bitiidiʼ chupa modo gucheechetu diidxaʼ casi cá lu párrafo 4 ne 5 o sti modo ni jma zanda iquiiñetu ladu ra rucheechetu diidxaʼ. Pa gudii tiempu la? gunabaʼ cani cucaadiaga ca iniʼcaʼ de xiixa ni galán ni huazaacacaʼ ora rucheechecaʼ diidxaʼ ca lugar ra ridoo ca.

Diidxaʼ riuundaʼ 173 ne orasión guiluxeneni.

Semana 2 stiʼ agosto

Diidxaʼ riuundaʼ 60

8 min. Cani chiguieeteʼ stiʼ binni ridagulisaa.

22 min. Ñee rudiiluʼ rasón la? Zanda inabadiidxuʼ lu libana riʼ, zeedani lu libru Benefíciese, yaza 254, párrafo 1 ne 2. Cani rusíʼdinu jma zacaneni binni pa, ora gucheechenu diidxaʼ ne ora gudiʼnu ti libana gusiénenu ca textu ca ne guluinu ximodo zacaneni laacabe, ne galán nga gudiʼnu rasón de ni ininu. Zanda icaaluʼ ca ejemplu ni zeeda lu libru Razonamiento o sti libru, biluíʼ ximodo 1) gusiéneluʼ ne cueeluʼ ca diidxaʼ ni jma zaquiiñeʼ si lu ti textu stiʼ Biblia; 2) biluíʼ xtuudxi rasón ni zeeda ndaaniʼ sti libru o sti textu ni caníʼ de tema ca; 3) biquiiñeʼ ti ejemplu para guluiʼluʼ rasón de ni maʼ guniʼluʼ ca, ne 4) gunabadiidxaʼ ni ucaa laacabe guiníʼ íquecabe de que jneza nga ni caziidicabe. Guníʼ de que zabeendunu ni galán pa gudiʼnu rasón cani cucaadiaga laanu.

15 min. Biblia, ti libru ni caníʼ de ni chiguizaaca ne ni zanda guni crenu. Zanda inabadiidxuʼ lu libana riʼ zeedani lu foyetu Un libro para todo el mundo yaza 27 dede 29. Ora maʼ ziucheechenu diidxaʼ la? nabé ridxélanu binni ni racaláʼdxicaʼ gánnacaʼ xi chigueeda despué. Biblia caníʼ de stale cosa ni galán chigaca para ca binni ni ruzuubaʼ diidxaʼ de cani naquiiñeʼ guni crenu. Bisiene de tuudxi diidxaʼ ni riguixhená (profecías) ni ucaa binni guni cré de que dxandíʼ nga guiráʼ ni cá lu Biblia. Tobi ni rucheeche diidxaʼ guluíʼ ximodo zanda iquiiñeʼ cani cayaca yanna riʼ para acanebe ti binni ni deruʼ caziidiʼ para guni cré jma de lu Biblia.

Diidxaʼ riuundaʼ 32 ne orasión guiluxeneni.

[Ni cá ñee yaza]