Inínenu binni modo ganda ucaadiaga laanu
Ora dxandipeʼ racaláʼdxinu acanenu binni la? nga rucaa laanu idúʼyanu xi caquiiñecabe ne ruluinu laacabe ximodo Reinu sti Dios chindee iráʼ endanagana cadxagalú binni yanna (Fili. 2:4). Ti modo riquiiñeʼ cani rucheeche diidxaʼ para ganda ucaadiaga binni laacaʼ nga, rábicabe cani caniʼnécabe ca iniʼcaʼ xi riníʼ íquecaʼ de ca dibuju stiʼ Paraísu ni zeeda lu ca libru ne ca revista ricaanu, casi cani zeeda lu primé cuadru riʼ. Zanda iquiiñeluʼ tobi de cani zeeda raríʼ:
◼ «Ñee runi creluʼ de que ziuu ti dxi zabáninu casi ruuyuʼ raríʼ la?»
◼ «Iranu ñuláʼdxinu nibani ca xiiñinu casi cá raríʼ. Xi raʼbuʼ naquiiñeʼ para ganda aca nga yaʼ.»
◼ «Dibuju riʼ culuiʼni laanu ximodo ndiʼ chigaca Guidxilayú stinu riʼ ora aca ni ná Dios ndaaniʼ ni cásica raca ni nabe ibáʼ. Ñee ruuyaluʼ xiixa gadxé lu dibuju riʼ de modo nabáninu yanna la?»
◼ «Ñee ñuláʼdxiluʼ nibániluʼ sicaríʼ la? [Uleza icábibe.] Ñee raʼbuʼ de que zúʼyanu aca ni la?»
Ucaadiaga chaahuinu modo icábibe ne uyúbinu ximodo gánnanu xi riníʼ íquebe de ni caninu ra inabadiidxanu laabe chupa chonna cosa. Pa tuuxa iníʼ qué riulaʼdxiʼ ibani casi cá lu ca dibuju ca o qué runi cré pa zanda aca ni zacá la? cadi iníʼ íquenu nagueendaca de que qué riuláʼdxibe iziidibe. Inabadiidxanu laabe ne diidxaʼ nadóʼ xiñee riníʼ íquebe zacá. Modo icábibe ca zándaca uluiʼni pabiáʼ nuube xizaa pur ca endanagana ni cadxagalú binni yanna ni ruluíʼ qué zanda acachaahuiicaʼ (Eze. 9:4).
Inínenu binni de ni riguu xizaa laa. Uzeetenu ni caquiiñeʼ binni ganna de ni chiguedané Reinu stiʼ Dios. Gúʼndanenu laacabe tobi o chupa textu ni caníʼ de ni racaláʼdxicabe gánnacabe (biiyaʼ cani zeeda lu cuadru cá raríʼ). Bidii lugar laapebe gúʼyabe ni caníʼ Stiidxaʼ Dios. Pa ruluíʼ de que riuláʼdxibe iziidibe la? bisaanané laabe guiʼchiʼ ni zineluʼ ca ne bianané laabe ibiguétaluʼ para iníʼrutu de laani.
[Box on page 6]
Dibuju stiʼ Paraísu ni chigaca
Libru Creación: yaza 237, 243, 251
Libru Aprendamos: yaza 251-254
Libru Conocimiento: yaza 4, 5, 188, 189
Folletu Xi canabaʼ Dios lii guʼnuʼ: yaza 11, 13
Libru Verdadera Paz: yaza 98
Libru Adoremos a Dios: yaza 92, 93
[Box on page 6]
Ni riguu xizaa binni
Binni qué gapa bueltu o qué gapa lidxi
Isaías 65:21, 22
Cani qué runi mandar jneza
Salmo 146:3, 4;
Daniel 2:44
Cani riníʼ binni ante ganna ni dxandíʼ, cani runi menu stobi
Isaías 11:3-5;
Cani runiná maniʼ
Proverbios 12:10
Canitilú ni nuu lu Guidxilayú
Endaguti, yuubaʼ pur endaguti
Isaías 25:8;
Endahuará
Isaías 33:24; 35:5, 6
Endapobre, endaruquiichiná
Salmo 72:12-14;
Eclesiastés 8:9
Endaridinde stiʼ guidxi, cani ruuti para uchibi gobiernu
Salmo 46:8, 9;
Miqueas 4:3, 4
Endarindaana, huará binni pur gastiʼ ni gó
Salmo 72:16;
Isaías 25:6
Endarucheené ley, ne endaridinde
Salmo 37:10, 11;
Proverbios 2:21, 22
Maʼ cadi nabani binni jneza
Ora nuu binni triste
Salmo 34:8;
Isaías 65:17-19
Qué raca ni jneza
Isaías 9:6, 7;