Cani chiguieeteʼ
◼ Cani zanda usaanatu 1 dede 16 stiʼ enero: intiica libru ni biree ante de 1990 ne pa qué gápatu ni la? zanda usaanatu libru El hombre en busca de Dios. 17 stiʼ enero hasta 13 stiʼ febrero: ca dxi bibí para usaananenu binni folletu ¡Manténgase alerta! 14 dede 28 stiʼ Febrero: Acerquémonos a Jehová. Ne pa qué gápatu ni la? zanda usaanatu libru La vida... ¿cómo se presentó aquí? ¿por evolución, o por creación? o Apocalipsis... ¡se acerca su magnífica culminación! Marzo: ¡Manténgase alerta! Pa ni caníʼneluʼ ca usihuinni de que dxandíʼ riulaʼdxiʼ iziidiʼ jma la? zanda usaananeluʼ laabe libru Conocimiento para uzulú gúʼndaneluʼ laabe. Abril: La Atalaya ne ¡Despertad! Ora ibiguétatu ralidxi cani riulaʼdxiʼ iziidiʼ jma, casi cani guyé ra Bietenaláʼdxinu Guendaguti stiʼ Jesús o ra sti endaridagulisaa peru, qué ridxaagapecaʼ xquidxi Jiobá la? zanda usaananetu laacabe libru Adoremos a Dios. Laguni stipa pur uzulú gúʼndanetu laacabe, jmaruʼ si pa maʼ biindacabe libru Conocimiento o folletu Xi canabaʼ Dios lii guʼnuʼ.
◼ Lu febrero, ne cadi tiidiʼ diʼ 6 stiʼ marzo la? ca binnigola riganna ca binni ridagulisaa ca zuzulú udiicaʼ ti libana nacubi láʼ «Actuemos con sabiduría en este mundo insensato (Ibáninu ne endabiaaniʼ ndaaniʼ Guidxilayú qué iquiiñeʼ riʼ)».
◼ Ca binni ridagulisaa naquiiñeʼ cúʼcabe listu iráʼ ni zaquiiñeʼ ora Guietenaláʼdxicabe Guendaguti stiʼ Jesús ni chigaca jueves 24 stiʼ marzo iza riʼ despué de guiaaziʼ Gubidxa. Nécapeʼ libana ca zanda uzuluni ante la? pan ne vinu ca zadiʼdiʼ cani despué de guiaaziʼ Gubidxa. Lainabadiidxaʼ pórapeʼ nga riaaziʼ Gubidxa neza ra nuutu. Nécapeʼ ni jma galán nga de que cada neza binni ridagulisaa ñápacaʼ ti lugar para Guietenaláʼdxicaʼ Guendaguti stiʼ Jesús la? cadi iráʼ diʼ ora zanda ácani zacá. Casi ra nuu chupa chonna neza binni ridagulisaa ni riquiiñecaʼ tobi si Yoo stiʼ Reinu la? zanda uyúbicabe sti lugar gúnicabe ni gueelaʼ ca. Pa zanda la? rinábadu laatu de que despué de ilúxetu la? usaanatu biaʼ cuarenta minutu si para uzulú sti neza ca, ti zacá cueendutu stale ni galán dxi ca. Laaca naquiiñeʼ iníʼ íquetu de que riné tiempu nga uzuhuaa xcárrutu ne laguuyaʼ cadi ucueezatu xcaadxi carru ni zidiʼdiʼ, casi cani zisaana ne zitopa binni. Ca binnigola ca nga gúʼyacaʼ xii nga ni jma galán aca para ca binni ridagulisaa.
◼ Lu Xhiiñaʼ Reinu ni Rúninu stiʼ marzo iza riʼ la? zeeda ti ndaa ra chiguiuundaʼ stiʼ David confió en Dios lu Guendaridagulisaa stiʼ Dxiiñaʼ Stinu. Videu riʼ la? nuuni lu DVD si ni láʼ Noé anduvo con Dios. David confió en Dios, nuuni lu xhono diidxaʼ: alemán, diidxastiá, francés, inglés, italiano, japonés, portugués ni riníʼcabe Brasil ne ruso. Zanda inábatu ni ra ridagulisaatu ti gueeda ni lade ca libru ne revista ni rié stitu.