Cani chitiidiʼ lu guendaridagulisaa stiʼ dxiiñaʼ stinu

Laguuyaʼ: Nécapeʼ lu Xhiiñaʼ Reinu ni Rúninu zacá pora tiidiʼ ti Guendaridagulisaa stiʼ Dxiiñaʼ Stinu iráʼ beeu zeeda riʼ la? ca binni ridagulisaa zanda uchaacabe xiixa lu ni purtiʼ zaca Guendaridagulisaa de Chonna Gubidxa «Guzúʼbanu Stiidxaʼ Dios». Lu ti Guendaridagulisaa sti Dxiiñaʼ Stinu ni aca ante guendaridagulisaa roʼ ca, zaquiiñeʼ quince minutu stini para gúʼndanu ne guietenaláʼdxinu ca conseju ni jma zanda iquiiñenu ni zeeda lu guiʼchiʼ rizaané Xhiiñaʼ Reinu ni Rúninu riʼ. Tobi o chupa beeu despué de aca guendaridagulisaa roʼ ca, zaquiiñeʼ biaʼ quince o gande minutu stiʼ ti Guendaridagulisaa stiʼ Dxiiñaʼ Stinu para guietenaláʼdxinu cani jma risaca ni huaquiiñenu ora riucheechenu diidxaʼ (zanda iquiiñeʼ tiempu ni riree para tiidiʼ ni caquiiñeʼ ca binni ridagulisaa). Ora aca ndiʼ lu Guendaridagulisaa stiʼ Dxiiñaʼ Stinu la? zanda ininu ne usiénenu ximodo caquiiñenu ni bizíʼdinu lu guendaridagulisaa roʼ ca ne ximodo huayacané ni laanu lu dxiiñaʼ ni rúninu.

Semana 13 stiʼ junio

Diidxaʼ riuundaʼ 198

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Para utiidiluʼ chupa modo zanda usaananu revista La Atalaya 15 stiʼ junio ne ¡Despertad! 22 stiʼ junio la? biquiiñeʼ cani zeeda lu yaza 12 (pa zanda iquiiñeʼ cani neza ra rucheechenu diidxaʼ). Zanda aca cani xcaadxi modo ganda iquiiñeʼ. Lu tobi de laani ihuinni ximodo zanda usaananu revista ora inínenu tuuxa binni ra tiica nuu.

15 min. Ucané xcaadxi ti ácacaʼ ni rucheeche diidxaʼ ni caʼruʼ chúʼnisa. Utiidiʼ ti binnigola ni. Libana ni ne zanda icabi cani cucaadiaga, zeeda ni lu libru Organizados para hacer la voluntad de Jehová, yaza 79 dede 81. Uníʼ xi riquiiñeʼ aca ti ihuinni pa tuuxa ni ruundaʼ Biblia maʼ runi iráʼ cani na Jiobá ti ganda chigucheeche diidxaʼ ne ca binni ridagulisaa. Sti semana ca zadúʼyanu ximodo zanda acanenu cani cayuundaʼ Biblia gúnicaʼ iráʼ cani na Jiobá ti ganda chigucheechecaʼ diidxaʼ de yoo pur yoo.

20 min. «Racané endarucheeche diidxaʼ ca laanu guni huantarnu.»a Biaʼ udii tiempu la? unabaʼ cani cucaadiaga iniʼcaʼ de ca textu ni zeeda luni.

Diidxaʼ riuundaʼ 149 ne oración iluxeneni.

Semana 20 stiʼ junio

Diidxaʼ riuundaʼ 206

10 min. Cani chiguieeteʼ stiʼ binni ridagulisaa. Bizeeteʼ cani jma naquiiñeʼ gánnanu ni zeeda lu Nuestro Ministerio del Reino stiʼ julio 2003, yaza 4. Bisiene ximodo zanda icaanu xiixa libru o folletu ni nuu lu sti diidxaʼ ne ximodo zanda iquiiñeʼ ni neza ra rucheechenu diidxaʼ. Ca guiʼchiʼ ni nuu lu sti diidxaʼ, neca tobi si ni la? naquiiñeʼ inábanu ni ne ni rudii ca libru ca, purtiʼ zacá jma nagueenda zeeda cani.

20 min. «Ximodo ucheechenu diidxaʼ ra tiica nuu binni.»b Bitiidiʼ ni modo ganda iquiiñeʼ ni neza ra rucheechenu diidxaʼ. Bisietenalaʼdxiʼ cani rucheeche diidxaʼ iquiiñecaʼ guiʼchiʼ Sírvase visitar (S-43-S) ora caquiiñeʼ chigánnacabe tuuxa binni ni uniʼnécabe (laguuyaʼ Xhiiñaʼ Reinu ni Rúninu stiʼ febrero 2005, yaza 6).

15 min. «Gúʼndanenu binni modo ganda iniisi jma lu Stiidxaʼ Dios (10 ndaa).» Bitiidiʼ ti modo zanda ácani ra ihuinni ximodo cayacanécabe ti nacubi. Ni caziidiʼ ca guni ximodo zanda iniʼné binni ne ni rusiidiʼ laabe ca nga aca binni ni zigánnabe ne inabadiidxaʼ laabe xiixa. Ni caziidiʼ ca qué ridxelagá ximodo icabi jneza, nga runi, ni rusiidiʼ laabe ca usiene laabe ximodo gúnibe ni. Dede ante uniʼné tobi o chupa ni rucheeche diidxaʼ para usiénecaʼ ximodo ucanécabe laacaʼ dxi bizulú bicheechecaʼ diidxaʼ de yoo pur yoo.

Diidxaʼ riuundaʼ 208 ne oración iluxeneni.

Semana 27 stiʼ junio

Diidxaʼ riuundaʼ 113

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu junio. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Para utiidiluʼ ximodo zanda usaananu revista La Atalaya 1 stiʼ julio o ¡Despertad! 8 stiʼ julio la? biquiiñeʼ cani zeeda lu yaza 12 (pa zanda iquiiñeʼ cani neza ra rucheechenu diidxaʼ). Zanda aca cani xcaadxi modo ganda iquiiñeʼ. Tiidiʼ si cani la? uníʼ ximodo bizulú uníʼ cani rucheeche diidxaʼ para bicaacaʼ binni chulaʼdxiʼ ucaadiaga.

15 min. Ni caquiiñeʼ binni ridagulisaa.

20 min. Usaananenu binni folletu beeu julio ne agosto. Libana ni ne zanda icabi cani cucaadiaga zeeda ni lu guiʼchiʼ ni rizaané xhiiñaʼ Reinu riʼ. Bisiene ximodo zanda iquiiñeʼ ni ne uníʼ ni zeeda lu cuadru stiʼ yaza 5 sin indaaluʼ, ne laaca uníʼ cani jma naquiiñeʼ si gánnanu ni zeeda lu Xhiiñaʼ Reinu ni Rúninu stiʼ enero 2005, yaza 8. Biindaʼ chupa chonna de ca modo zanda ininu ni zeeda lu yaza ca ni ganda iquiiñeʼ neza ra rucheechenu diidxaʼ para usaananenu binni ca folletu ca primé biaje inínenu laacaʼ. Bitiidiʼ chupa o chonna modo ácani, tobi de laani utiidiʼ ti ni rucheeche diidxaʼ ni nahuiiniʼ.

Diidxaʼ riuundaʼ 196 ne oración iluxeneni.

Semana 4 stiʼ julio

Diidxaʼ riuundaʼ 70

5 min. Cani chiguieeteʼ stiʼ binni ridagulisaa.

12 min. Ñee naguixhe chaahuiʼ binnilídxiluʼ tiempu stiʼ la? Biindané laacabe cani bizíʼdinu lu ni rizaané Xhiiñaʼ Reinu ni Rúninu stiʼ mayo 2005, ne unabaʼ cani cucaadiaga iniʼcaʼ xi stipa huayúnicaʼ pur chinándacaʼ ni ne xi huabeendúcabe.

28 min. «Usisácanu Jiobá ra ridagulisaa stale binni.»* Utiidiʼ secretariu stiʼ ca binni ridagulisaa ni. Bizeeteʼ padxí chuunu guendaridagulisaa roʼ. Bitiidiʼ ni casi riuundaʼ La Atalaya. Dede ante biyubi ti hombre para guʼndaʼ ca párrafo ca. Biindané laacabe cuadru «Ni guietenaláʼdxinu para guendaridagulisaa de chonna gubidxa».

Diidxaʼ riuundaʼ 120 ne oración iluxeneni.

[Ni cá ñee yaza]