PARA IQUIIÑEʼ
Modo zanda usaanaluʼ folletu
Cani zeeda lu ni rizaané xhiiñaʼ Reinu riʼ zacané cani lii gánnaluʼ xi iniʼluʼ ora chigucheecheluʼ diidxaʼ ne ca folletu ca. Zanda guʼnuʼ cani modo jma ganda iquiiñeʼ cani neza ra rucheecheluʼ diidxaʼ, o iquiiñeluʼ xcaadxi modo ganda iniʼluʼ. Laaca zanda iquiiñeluʼ cani para acané cani lii gápaluʼ gadxé gadxé modo iníʼneluʼ binni ti ganda usaananeluʼ laacaʼ xcaadxi folletu ni cadi cá lu ni rizaané xhiiñaʼ Reinu riʼ (biiyaʼ Xhiiñaʼ Reinu ni Rúninu stiʼ enero 2005, yaza 8).
Iráʼ cani zeeda lu yaza riʼ né cani 1) ti endarinabadiidxaʼ ni zacané lii ganda iníʼneluʼ tuuxa, 2) xi yaza stiʼ folletu ca zanda iquiiñeluʼ ne 3) ti textu stiʼ Biblia ni zanda iquiiñeʼ para gúʼndaluʼ ora maʼ caníʼneluʼ laabe. Zanda iniʼluʼ ni cayaadxaʼ lu cani pur modo icabi binni caníʼneluʼ ca.
¡Biecheʼ de guendanabani ndaaniʼ Guidxilayú sin qué guiuu dxi gátiluʼ!
◼ «Stale binni riníʼ ique de que para ibani sin qué chuʼ dxi gati la? riquiiñeʼ cheʼ ibáʼ. Peru, ximodo ruuyaluʼ nibani binni sin qué ñuu dxi ñati ndaaniʼ Guidxilayú riʼ yaʼ.» (Biluíʼ dibuju ni cá nezalú folletu ca; Apo. 21:4.)
Cómo lograr una vida llena de satisfacción
«Lu idubi naca Guidxilayú riʼ iráʼ binni cuyubi ximodo ibani jma galán. Ñee raʼbuʼ zadxiña dxi ganda ibáninu jma galán ne gápanu iráʼ ni iquiiñenu para chuʼnu nayecheʼ la?» (Yaza 29, párr. 6; 2 Ped. 3:13.)
Cuando muere un ser querido
◼ «Folletu cusaanadu yanna riʼ la? maʼ udixhedxi ni ladxidóʼ stale binni ne cayacaneni cani maʼ guti tuuxa binnilidxi. Maʼ huanabadiidxaluʼ laca lii xi cabeza ca binni ni maʼ guti ca la?» (Yaza 27, párr. 3; Juan 5:28, 29.)
«Ñee huayuu ora inabadiidxaluʼ laca lii ximodo ñanda niguixhedxiluʼ ladxidóʼ tuuxa ni guti ti binnilidxi la?» (Yaza 20, párr. 1; Pro. 17:17.)
¿Debería creer usted en la Trinidad?
«Iráʼ binni gadxé gadxé modo riníʼ ique de ximódopeʼ nga Dios. Ñee raʼbuʼ risaca nga ni riníʼ íquenu de laabe la?» (Yaza 3, párr. 3, 7, 8; Juan 17:3.)
El gobierno que nos traerá el Paraíso
«Stale binni izáʼ maʼ racalaʼdxiʼ ñacachaahuiʼ iráʼ ca endanagana cadídinu yanna riʼ. Ñee raʼbuʼ zadxiña dxi chuʼ ti gobiernu ni ganda gunichaahuiʼ cani la?» (Yaza 3, párr. 1; Mat. 6:9, 10.)
El nombre divino que durará para siempre
«Casi iranu runibiaʼnu oración stiʼ padrenuestro. Sicaríʼ ruzulú oración ca: “Bixhoze du ni nuu ibáʼ, rinaba du gusisaca irá binni lii” (Mat. 6:9). Peru, nánnaluʼ laaca uníʼ Jesús naquiiñeʼ usisácanu lá bixhózebe la?» (Yaza 3, párr. 3; Juan 12:28.)
¿Qué nos sucede cuando morimos?
◼ «Ora rati binni ni nadxiinu la? nabé nga rinabadiidxanu paraa nuucabe ne pa ziuu dxi idúʼyanu laacabe sti biaje. Ñee huanabadiidxaluʼ ca nga lii la?» (Biquiiñeʼ ca endarinabadiidxaʼ zeeda lu yaza 32; Job 14:14, 15.)
Un libro para todo el mundo
◼ «Ñee raʼbuʼ rudii Biblia conseju galán para ibáninu jma jneza ca dxi riʼ la?» (Ra ruzulú yaza 22; yaza 23, párr. 3 stiʼ cuadru ca; Pro. 25:11.)
Modo zanda usaanaluʼ folletu ¿De veras se interesa Dios por nosotros?
Despué de uzeeteluʼ xiixa ni uca ni bininá stale binni la? zanda iniʼluʼ sicaríʼ:
«Ñee huanabadiidxaluʼ laca lii xiñee cudii Dios lugar acananu pa dxandíʼ rizaaláʼdxibe laanu la? [Uleza icábibe.] Folletu riʼ ricábini endarinabadiidxaʼ ca ne cusiéneni xi chiguni Dios xcaadxi si [biluíʼ laabe ca dibuju cá lu yaza 27 ne biindaʼ Salmo 145:16 ni zeeda lu párrafo 22]. Xi chiguni Dios ti ganda guni chaahuiibe iráʼ endananá cadiʼdiʼ binni yaʼ. Ñuuladxeʼ nicabeʼ lii ca diidxaʼ riʼ sti biaje gueeda gannaʼ lii ca.» Bisaanané laabe folletu ca ne udixhe ti dxi ibiguétaluʼ.
Ora ibiguétaluʼ chigannuʼ laabe zanda iniʼluʼ:
«Nase dxi bendaʼ que bidúʼndanu textu riʼ lu Biblia [uníʼ o biindaʼ Salmo 145:16]. Despué unabadiidxaʼ: “Xi chiguni Dios ti ganda guni chaahuibe iráʼ endananá cadiʼdiʼ binni yaʼ.”.» Gudxi laabe uyúbibe folletu stibe ne uxhéletu ni lu yaza 27 ne 28 para gúʼndatu ne usiéneluʼ párrafo 23 dede 25. Gudxi laabe pa zaa chiguundaneluʼ laabe Biblia o pacaa gudxi laabe zabiguétaluʼ sti dxi para gúʼndatu párrafo 26 ne 27.
Pa nácaluʼ hombrehuiiniʼ o dxaapahuiiniʼ, zanda iniʼluʼ:
«Stale hombrehuiiniʼ o dxaapahuiiniʼ biaʼ naa nabé riguu xaíque ximodo zabani binni raríʼ chii o quince iza. Ximodo raʼbuʼ zabáninu dxi ca yaʼ. [Uleza icábibe.] Ca endanagana cadúʼyanu ca dxi riʼ culuíʼ cani laanu maʼ nabáninu lu ca últimu dxi stiʼ guidxilayú riʼ [biindaʼ 2 Timoteo 3:1-3]. Folletu riʼ ricabi ca diidxaʼ zeeda raríʼ [biindaʼ ca endarinabadiidxaʼ zeeda nezalú folletu ca ne bisaanané ni laabe]. Ora ibiguetaʼ, pa napuʼ ti tiempu huiiniʼ la? ñuuladxeʼ nuluéʼ lii xiixa ni zeeda lu folletu ca ni caníʼ de dxi maʼ qué ziuu endahuará ne endayooxhoʼ.» Udixhe ti dxi ne ora ibiguétaluʼ.
Ora ibiguétaluʼ, zanda iniʼluʼ:
«Últimu biaje uninu que gudxeʼ lii zadúʼyanu padxí iree ca endahuará ca ne endayooxhoʼ. Ni napaʼ gana uluéʼ lii ca la? raríʼ cá ni.» Gudxi laabe uyúbibe folletu stibe para gúʼndaluʼ ne usiéneluʼ laabe ni cá lu párrafo 6 ne 7 stiʼ yaza 23 ne 24. Gudxi laabe zuundatu párrafo 8 ne 9 stiʼ ni sti biaje chigannuʼ laabe.
Ora chigucheecheluʼ diidxaʼ ne ti hombrehuiiniʼ la? uníʼ lá irópatu de racá maʼ iniʼluʼ:
«Pa lii naluʼ la? hombrehuiiniʼ riʼ racalaʼdxiʼ gúʼndané lii ti textu de lu Biblia [hombrehuiiniʼ ca guʼndaʼ Salmo 37:29 ne usiénebe ni]. Folletu riʼ caníʼ xi chiguni Dios para gúnibe ni cá íquebe para binni ne para Guidxilayú riʼ [biluíʼ laabe ca dibuju cá lu yaza 24 dede 27]. Ora ibiguétadu sti biaje, ñuuladxeʼ nuluéʼ lii ni maʼ bizabiruaa Dios lu Biblia de que ca gueʼtuʼ ca ziásacaʼ.» Bisaanané laabe folletu ca ne udixhe dxi ibiguétaluʼ.
Ora chigánnatu laabe sti biaje, ni huaniisi ca zanda iníʼ:
«Nase que bíʼndanu Salmo 37:29, ne bizeeteʼ zuluéʼ lii paraa na lu Biblia ziasa ca gueʼtuʼ ca. Biiyaʼ xiná raríʼ.» Gudxi laabe uyúbibe folletu stibe ne laguundaʼ párrafo 12 dede 14 stiʼ yaza 24 ne 25. Gudxi laabe pa zanda gúʼndaneluʼ laabe Biblia o bianané laabe gúʼndatu párrafo 15 ne 16 sti biaje chigannuʼ laabe.
Modo zanda usaanaluʼ folletu ¿Qué propósito tiene la vida? ¿Cómo descubrirlo?
Despué de ugapadiúxiluʼ binni, zanda iniʼluʼ:
«Lu endanabani stinu yanna riʼ nuu stale endanagana ne rizaacanu stale cosa ni cadi cabézanu. Ñee rábiluʼ maca zacá nga nexheʼ ibáninu la? [Uleza icábibe.] Folletu riʼ caníʼ de que dxandipeʼ zaca cani udixhe ique Dios guni lu Guidxilayú riʼ ne ni chigúnibe para iráʼ binni nuu lu ni [bisiene laabe ca dibuju cá lu yaza 20 ne 21. Óraque biindaʼ párrafo 9 ne bisiene laabe ca diidxaʼ cá lu Isaías 14:24 ne 46:11]. Ora guendaʼ sti biaje ca la? ñuuladxeʼ nuluéʼ lii paraa ndiʼ caníʼ Biblia zuni Dios Guidxilayú riʼ ti paraísu.» Bisaanané laabe folletu ca ne gudxi laabe zabiguétaluʼ sti biaje.
Ora ibiguetuʼ, zanda iniʼluʼ:
«Nase dxi bendaʼ que uninu de que ni udixhe ique Dios nga nibani binni lu Guidxilayú riʼ ndaaniʼ ti paraísu sin qué ñuu dxi ñati [biluíʼ laabe dibuju cá lu yaza 20 ne 21 sti biaje]. Ca binni casi Jesús, Pedru ne David laaca uníʼcabe de Paraísu ca.» Gudxi laabe chicaabe folletu stibe ne laguundaʼ párrafo 10 dede 13 ni zeeda lu yaza 21 ne 22. Gudxi laabe pa zaa chiguundaneluʼ laabe o udixhe padxí ibiguétaluʼ para gúʼndatu tobi de ca ndaa zeeda lu yaza 29 ne 30.
Pa nácaluʼ ti hombrehuiiniʼ o ti dxaapahuiiniʼ la? zanda iniʼluʼ:
«Stale hombrehuiiniʼ o dxaapahuiiniʼ biaʼ naa ridxíbicaʼ pur cani chiguizaaca despué. Xi rábiluʼ yaʼ, nouʼ ca binni ni ibani despué de laanu ca zabánicaʼ jma galán la? [Uleza icábibe.] Biblia riníʼ izáʼ sicarú zabani binni lu guidxilayú riʼ [biluíʼ laabe dibuju cá lu yaza 31 ne biindaʼ ca letra yaasehuiiniʼ cá ñee ni. De racá biindaʼ 2 Pedro 3:13]. Lu folletu riʼ zaziidiluʼ jma de ca ndaayaʼ ni napa Dios para laanu [biindané laabe ca letra yasehuiiniʼ ni zeeda lu yaza 29 ne 30 ne bisaanané laabe folletu ca.] Ñuuladxeʼ ñeeda gannaʼ lii sti biaje para nuluéʼ lii ra na Dios chindee iráʼ ca endaridinde nuu lu Guidxilayú riʼ.» Gudxi laabe padxí ne pora ibiguétaluʼ.
Ora ibiguétaluʼ, zanda iniʼluʼ:
«Nase dxi bendaʼ que gunieniáʼ lii de ni naguixhe ique Dios guni, udxiguétabe Paraísu que lu Guidxilayú riʼ [biluíʼ laabe dibuju cá lu yaza 31 ca sti biaje]. Ñuuladxeʼ ñannaʼ xi riníʼ íqueluʼ de ni na Dios chiguni, nabe zabeebe iráʼ endaridinde nuu lu Guidxilayú riʼ.» Gudxi laabe uyúbibe folletu stibe ne biindané laabe párrafo 3 dede 6 ni zeeda lu yaza 29 ne bisiéneni laabe. Udixhe ti dxi ne pora ibiguétaluʼ para gúʼndatu párrafo 7 ne 8.
Ora chigucheechetu diidxaʼ ne ti baʼduhuiiniʼ, ni huaniisi ca zanda gábibe binni que lá irópacabe ne iniʼbe:
«Baʼduhuiiniʼ riʼ racalaʼdxiʼ uluíʼ lii ti dibuju ne gúʼndané lii ti versículo zeeda lu Biblia [baʼduhuiiniʼ ca uluiʼbe dibuju zeeda lu yaza 31 ne gúʼndabe ca letra yasehuiiniʼ cá ñee ni. Óraque gúʼndabe Apocalipsis 21:4]. Folletu riʼ caniʼni xi chiguni Dios ne iráʼ endanagana ni cadiidinu yanna riʼ [bisiene laabe ti ratuhuiiniʼ xi na ca letra yasehuiiniʼ ni zeeda lu yaza 29 ne 30 ne bisaanané laabe folletu ca]. Ora ibiguétadu la? ñuuladxeʼ nuluéʼ lii ni na Biblia, ra caníʼ de que ziuu dxi iree iráʼ ca endahuará ca.
Ora ibiguétatu, ni huaniisi ca zanda iníʼ:
«Nase dxi bendaʼ que gupaʼ gana nuluéʼ lii ni rusiidiʼ Biblia de que mayaca iree iráʼ ca endahuará ca. Biiyaʼ xiná raríʼ.» Gudxi binni ca uyubi folletu stiʼ ne biindané laabe párrafo 9 dede 14 lu yaza 29 stiʼ folletu ca. Gudxi laabe pa zaa chiguundaneluʼ laabe pacaa gudxi laabe zabiguétaluʼ sti dxi para gúʼndatu párrafo 15 dede 17.
Folletu ni zanda usaananenu binni ni rié lade ti religión ra qué runi crécabe Cristu
¿Habrá algún día un mundo sin guerra?
Ora iníʼneluʼ tuuxa binni naca judíu la? zanda iniʼluʼ sicaríʼ:
«Stale binni riuu triste ora gati tuuxa binnilidxi. Ñee nannuʼ xi rácanu ora maʼ gútinu la?» Uleza icábibe de racá biluíʼ laabe yaza 22 stiʼ folletu ca lu cuadru ra na «Xii nga endaguti ne xii nga alma». Lu yaza 23 biindaʼ párrafo 17, ni caníʼ ora maʼ guiasa binni lade gueʼtuʼ. Bizeeteʼ de que dxandíʼ biʼniʼ cré Job zanda guiasa binni lade gueʼtuʼ. Bisaanané laabe folletu ca ne udixhe ti dxi ne pora zanda gúʼndatu ca textu ni zeeda ra riluxe párrafo 17 (km-S 10/99 yaza 8).
La guía de Dios: el camino del Paraíso
Ora iníʼneluʼ tuuxa binni musulmán la? zanda iniʼluʼ sicaríʼ:
«Canagannaʼ ca binni naca musulmán. Zuluaʼsiaʼ iráʼ ca musulmán ca runi crecaʼ nuu tobi lucha Dios ni dxandíʼ ne laaca runi cré2cabe uyuu binni riguixhená dxiqué. Dxandíʼ la? [Uleza icábibe.] Ñuuladxeʼ ñuundaniáʼ lii caadxi diidxaʼ ni caníʼ zaca Guidxilayú riʼ ti paraísu. Ñee zanda guundaniáʼ lii ca diidxaʼ bicaa hombre riguixhená riʼ la? [Uleza icábibe de racá biindaʼ Isaías 11:6-9.] Ca diidxaʼ riguixhená riʼ rucaa cani naa iníʼ ique lu caadxi diidxaʼ ni zeeda lu libru stiʼ Corán ni cá lu folletu riʼ.» Bixheleʼ folletu ca lu yaza 9 ne biindaʼ ca letra yaasehuiiniʼ zeeda racá. Pa riuláʼdxibe iziidibe jma la? uníʼneruʼ laabe ra iquiiñeluʼ yaza 8 ne biindané laabe párrafo 7 dede 9 (km-S 11/99 yaza 8).
“¡Mira! Estoy haciendo nuevas todas las cosas”
Pa iníʼneluʼ ti binni huaniisi ni naca budista la? zanda iniʼluʼ sicaríʼ:
«Iranu nuunu xizaa purtiʼ nabé cayaca stale cosa malu lu Guidxilayú riʼ ne modo cayuninani ca xiiñinu. Xiñee raʼbuʼ nabé maʼ stale hombrehuiiniʼ ne dxaapahuiiniʼ maʼ qué rizaláʼdxicaʼ ibánicaʼ jneza yaʼ. [Uleza icábibe.] Ñee nánnaluʼ de que nuu ti libru ni bizulú bicaacabe ante guiasa ca religión casi islam, hinduismo ne ca religión ni nacaʼ zinándacaʼ Cristu ca, maca uníʼ zaca cani yanna la? [Biindaʼ 2 Timoteo 3:1-3.] Neca ruluíʼ jma maʼ nuu xpiaaniʼ binni pur iráʼ ni caziidiʼ yanna riʼ ca cosa malu ca cayácaruʼ cani [biindaʼ versículo 7]. Folletu riʼ huayacané ni naa guieneʼ xii nga ni dxandíʼ ni stale binni qué ziuu dxi iziidiʼ. Ñee ñuláʼdxiluʼ ñuundaluʼ ni la?» (km-S 8/99 yaza 8.)
¿Por qué debemos adorar a Dios con amor y verdad?
Zándaca ucaadiaga ti hombre ni maʼ bichaganáʼ ni naca hindú lii pa iniʼluʼ sicaríʼ:
«Canagannaʼ binni ni nabé nuu xizaa pur modo nagana ziyaca para ibani stale familia yanna riʼ ndaaniʼ stale guidxi roʼ. Xi raʼbuʼ ñanda ñacané ca familia ca ti ñuucaʼ tobi si yaʼ. [Uleza icábibe.] Nuu tu laa nanna xi rusiidiʼ ca libru ni bicaa ca hindú de ximodo zanda ibani ti familia, peru qué huayuu dxi uchaagacabe cani ne ni rusiidiʼ Biblia. Ñuuladxeʼ ñuundaniáʼ lii caadxi diidxaʼ galán [biindaʼ Colosenses 3:12-14]. Folletu riʼ cusiene ca textu risaca stiʼ guidxi India, ne laaca cusiéneni ni zeeda lu Biblia.» Bisaanané laabe folletu ca ne uníʼ cani zeeda lu yaza 8 ne 9 ne ni cá lu yaza 20 ne 21 (km-S 9/99 yaza 8).