Cani chitiidiʼ lu guendaridagulisaa stiʼ dxiiñaʼ stinu

Semana 12 stiʼ septiembre

Diidxaʼ riuundaʼ 29

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Para utiidiluʼ chupa modo zanda usaananu revista La Atalaya 15 stiʼ septiembre ne ¡Despertad! 22 stiʼ septiembre la? biquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Zanda ácani xcaadxi modo ganda iquiiñeʼ. Tobi de laani utiidiʼ ti binnigola ne stobi ca ti hombrehuiiniʼ. Tiidiʼ si cani, uníʼ xii ndiʼ ni jma zanda iquiiñenu de laani.

20 min. «Iquiiñenu stiémpunu ne endabiaaniʼ.»a Unabaʼ cani cucaadiaga iniʼcaʼ ximodo maʼ udixhe chaahuicaʼ ni rúnicaʼ para randa ruundacaʼ Biblia iráʼ dxi. Gudxi irácabe iquiiñecabe guiʼchiʼ ni rizaané Xhiiñaʼ Reinu ni Rúninu stiʼ mayo 2005, para quixhe chaahuicabe modo gúnicabe xhiiñaʼ Jiobá, para laasicabe la? o ne binni lídxicabe.

15 min. «Gúʼndanenu binni modo ganda iniisi jma lu Stiidxaʼ Dios.»b Libana ni zeeda lu guiʼchiʼ ni rizaané Xhiiñaʼ Reinu ni Rúninu riʼ, lu primé ne iropa ndaa, ne zanda icabi cani cucaadiaga. Laaca zanda gúʼyaluʼ xiná Xhiiñaʼ Reinu ni Rúninu stiʼ agosto 2004, primé yaza. Xiñee galán nga guʼndaʼ chaahuinu dede ante cada chigúʼndanenu tuuxa Biblia. Xi iráʼ naquiiñeʼ gúʼndanu ante chuunu. Unabaʼ cani cucaadiaga iniʼcaʼ ximodo huaquiiñecaʼ ni huayeeda lu Xhiiñaʼ Reinu ni Rúninu. Para ilúxeluʼ uníʼ cani cá ndaaniʼ cuadru ni dieʼ stiʼ Xhiiñaʼ Reinu ni Rúninu riʼ.

Diidxaʼ riuundaʼ 110 ne oración iluxeneni.

Semana 19 stiʼ septiembre

Diidxaʼ riuundaʼ 168

10 min. Cani chiguieeteʼ stiʼ binni ridagulisaa. Uníʼ xiixa de cani jma risaca ni zeeda lu carta ni biseendaʼ Betel, ni cá lu primé yaza stiʼ Xhiiñaʼ Reinu ni Rúninu riʼ.

20 min: Xi uleendunu iza udiʼdiʼ ca. Binnigola ni ruuyaʼ modo rireeche diidxaʼ ruzeeteʼ caadxi de dxiiñaʼ bíninu iza udiʼdiʼ ca, ne iniʼbe jma de ximodo bigaandanu cani udixhe íquenu. Despué de iniʼluʼ caadxi diidxaʼ ni uguu gana la? uníʼ tobi o chupa ra naquiiñeʼ aca dxiiñaʼ sti iza ca. Laaca uníʼ pabiáʼ nadipaʼ dxiiñaʼ biʼniʼ ca precursor, ne uluu gana laacabe purtiʼ galán cayúnicabe dxiiñaʼ. Bizeeteʼ iráʼ ni huabeendúcabe ra cayacanécabe cani maʼ qué rucheeche diidxaʼ.

15 min: «Acané saanu laanu.» Unabaʼ cani cucaadiaga iníʼcabe xi huabeenducabe purtiʼ uyuu tu bisihuinni nadxii laacabe ne ucuá íquecaʼ acanecaʼ laacabe.

Diidxaʼ riuundaʼ 199 ne oración iluxeneni.

Semana 26 stiʼ septiembre

Diidxaʼ riuundaʼ 122

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu septiembre.

15 min. Ni caquiiñeʼ binni ridagulisaa.

20 min. Iquiiñenu ca revista ca para ucheechenu ca diidxaʼ nacubi ne galán ca. Lu beeu octubre zusaananenu binni ca revista La Atalaya ne ¡Despertad! Ora uzulú libana riʼ la? uníʼ cani zanda iquiiñesinu ni zeeda lu Xhiiñaʼ Reinu ni Rúninu stiʼ beeu febrero 2005, yaza 8, párrafo 3 dede 6: 1) Usaananenu binni iropa revista ca. 2) Quíxhenu ti dxi lu ti semana para ireenenu ca revista ca. 3) Quíxhenu panda revista usaananu ti beeu. 4) Uyúbirunu ximodo zanda usaananu ca revista ca. 5) Usaananu ca revista ni huaxiéʼ nacubi. Uníʼ cani modo jma ganda iquiiñeʼ cani neza ra rucheechenu diidxaʼ. Bitiidiʼ chupa modo zanda usaananu revista La Atalaya 1 stiʼ octubre ne ¡Despertad! 8 stiʼ octubre, ne iquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Zanda ácani xcaadxi modo ganda iquiiñeʼ. Laaca bizeeteʼ reedané ca revista ca xcaadxi tema ni zanda chulaʼdxiʼ ca binni ni nuu neza ra rucheechenu diidxaʼ, de racá bitiidiʼ ti modo zanda ácani ne usaanacabe ti revista. Tiidiʼ si ni la? uníʼ xii ndiʼ ni jma zanda iquiiñenu de laani.

Diidxaʼ riuundaʼ 3 ne oración iluxeneni.

Semana 3 stiʼ octubre

Diidxaʼ riuundaʼ 54

5 min. Cani chiguieeteʼ stiʼ binni ridagulisaa.

20 min. «Acanenu xcaadxi binni uzuubacaʼ diidxaʼ de idubi ladxidoʼcaʼ.» Pa udii tiempu la? unabaʼ cani cucaadiaga iniʼcaʼ de ca textu zeeda lu ni.

20 min. Usiéchenu ladxidóʼ Jiobá (Pro. 27:11). Unabadiidxaʼ chupa o chonna Testigu ni maʼ xadxí qué huasaanacaʼ Jiobá. Cada tobi de laacabe uzeeteʼ tobi o chupa cosa ni huayacané laacabe ti cadi usaana de uzuubacabe stiidxaʼ Jiobá. Zanda iquiiñecabe casi cani zeeda raríʼ: qué rusaanacabe de gúʼndacabe Biblia ne guiénecabe ni, riécabe iráʼ ca endaridagulisaa ca, ridxaagacabe xcaadxi ni qué huasana Jiobá, rucheechecabe diidxaʼ ne stale gana, runi orárcabe ne rixélecabe de cani zanda guni biidiʼ xquendabiaanicabe. Xi endanagana huadxagalúcabe lu stipa cayúnicabe de uzuubacabe diidxaʼ, ne xi ucané laacabe udxiilúcabe ni. Xi huabeendúcabe pur ruzuubacabe diidxaʼ.

Diidxaʼ riuundaʼ 170 ne oración iluxeneni.

[Ni cá ñee yaza]