Cani chitiidiʼ lu guendaridagulisaa stiʼ dxiiñaʼ stinu

Semana 10 stiʼ octubre

Diidxaʼ riuundaʼ 17

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda usaananu revista, tobi ne La Atalaya 15 stiʼ octubre ne stobi ne ¡Despertad! 22 stiʼ octubre, ne biquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Tiidiʼ si cani, uníʼ ximodo zanda iquiiñenu modo udiʼdiʼ cani ca. Laaca bizeeteʼ xcaadxi tema ni zeeda lu ca revista ca ni zanda chulaʼdxiʼ binni ni nuu neza ra rucheechenu diidxaʼ.

15 min. Ñee nápaluʼ tiempu para gúʼndaluʼ xiixa la? Libana ni ne zanda icabi cani cucaadiaga, zeedani lu libru Benefíciese, yaza 21 dede 26. Xi iráʼ ndiʼ zanda gúʼndanu yaʼ (cuadru stiʼ yaza 21). Xiñee risaca nga gúʼndanu ca libru ne ca revista ni ricaanu (yaza 23, párrafo 2). Xii nga ni jma risaca ni naquiiñeʼ gúninu ti cadi ixélenu de tiempu ni maʼ udíxhenu para gúʼndanu xiixa (yaza 26, párrafo 3 ne 4). Ximodo riguixhe chaahuiluʼ stiémpuluʼ ti ganda gúʼndaluʼ ca revista La Atalaya ne ¡Despertad! yaʼ. Xi huabeenduluʼ pur ruʼnuʼ ni.

20 min. «Cadi usaananu de ininu Stiidxaʼ Dios ne endanadxibalú.»* Unabaʼ cani cucaadiaga iniʼcaʼ paraa iráʼ ndiʼ raca nagana para laacaʼ ucheechecaʼ diidxaʼ sin idxíbicaʼ. Unabadiidxaʼ laacabe xi huayacané laacabe ti ganda ucheechecabe diidxaʼ ca lugar ca.

Diidxaʼ riuundaʼ 78 ne oración iluxeneni.

Semana 17 stiʼ octubre

Diidxaʼ riuundaʼ 36

10 min. Cani chiguieeteʼ stiʼ binni ridagulisaa. Biquiiñeʼ ni zeeda lu guionna ndaa stiʼ guiʼchiʼ ni rizaané Xhiiñaʼ Reinu ni Rúninu stiʼ septiembre 2005, para uluiʼluʼ tobi o chupa cosa de ximodo zanda iquiiñenu Stiidxaʼ Dios ora maʼ chigúʼndanenu binni Biblia.

15 min. Cadi udiʼnu lugar ucaa Internet laanu gúninu cosa malu. Libana ni udii ti binnigola, zeedani lu ¡Despertad! 8 stiʼ diciembre 2004, yaza 18 dede 21.

20 min. «Usihuínninu rizaláʼdxinu binni ra ácanu nachaʼhuiʼ ne laacaʼ.»a Unabaʼ cani cucaadiaga iniʼcaʼ ximodo zanda ácanu nachaʼhuiʼ ne binni ora maʼ canagucheechenu diidxaʼ. Lu xcaadxi Xhiiñaʼ Reinu ni Rúninu zareeruʼ ximodo zanda usihuínninu rizaláʼdxinu acanenu ca binni ni rininenu ora maʼ ziucheechenu diidxaʼ.

Diidxaʼ riuundaʼ 2 ne oración iluxeneni.

Semana 24 stiʼ octubre

Diidxaʼ riuundaʼ 68

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Bitiidiʼ ti modo zanda usaananu ca libru ni zaquiiñenu beeu noviembre, ne biquiiñeʼ tobi de cani zeeda lu guiʼchiʼ ni rizaané Xhiiñaʼ Reinu ni Rúninu stiʼ beeu enero 2005 o sti modo ganda iquiiñeʼ neza ra rucheechenu diidxaʼ (biiyaʼ Xhiiñaʼ Reinu ni Rúninu stiʼ enero 2005, yaza 8, párrafo 5).

15 min. Ni caquiiñeʼ binni ridagulisaa.

20 min. Usihuínninu cayúninu ni na Dios pur modo rácunu lari ne pur modo ruzuchaahuinu. Libana ni udii ti binnigola ne zanda icabi cani cucaadiaga, zeedani lu La Atalaya 1 stiʼ agosto 2002, yaza 17 dede 19. Gudxi laacabe iníʼcabe ximodo ora gácunu lari casi modo na Dios racaneni laanu ganda ucheechenu diidxaʼ.

Diidxaʼ riuundaʼ 153 ne oración iluxeneni.

Semana 31 stiʼ octubre

Diidxaʼ riuundaʼ 209

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu octubre. Bitiidiʼ chupa modo zanda usaananu revista, tobi ne La Atalaya 1 stiʼ noviembre ne stobi ne ¡Despertad! 8 stiʼ noviembre, ne biquiiñeʼ cani zeeda lu yaza 8 (pa zanda iquiiñeʼ cani neza ra rucheechenu diidxaʼ). Lu tobi de laani ni rucheeche diidxaʼ ca quixhe xi dxi chigánnabe binni uníʼnebe ca sti biaje ne iquiiñebe cuadru ra na «Ni chigueeda lu sti revista ca» (biiyaʼ Nuestro Ministerio del Reino stiʼ octubre 1998, yaza 8, párrafo 7 ne 8).

15 min. Acanenu ca binni ni risaananu revista ra nuu ti chuláʼdxicaʼ iziidicaʼ jma. Libana ni ne zanda icabi cani cucaadiaga, zeedani lu Xhiiñaʼ Reinu ni Rúninu stiʼ mayo 2005, yaza 12. Ximodo zanda idxélanu tuuxa ni chisaananu revista ra nuu (Párrafo 1). Paraa zanda idxélanu stale modo inínenu binni ne iquiiñenu ti textu stiʼ Biblia (Párrafo 3). Xiñee riquiiñeʼ usiene chaahuinu laacabe textu ni maca ulinu para gúʼndanenu laacabe (Párrafo 4). Ximodo zanda uzulú gúʼndanu Biblia ne ca binni ni maca risaananu revista ra nuu (Párrafo 5). Tiidiʼ tobi ni rucheeche diidxaʼ para iníʼnebe tobi de ca binni ni maca risaanabe revista ra nuu ne iquiiñebe ti textu stiʼ Biblia.

20 min. Baʼdunguiuu ne baʼdudxaapaʼ ni nadxibalú peru nápacaʼ respetu binni. Libana ni udii ti binnigola, zeedani lu La Atalaya 15 stiʼ septiembre 2002, yaza 23 ne 24, ra na «Ne stale respetu uníʼcabe qué zúnicabe xiixa». Dede ante biyubi tobi o chupa hombrehuiiniʼ para iniʼcaʼ xi endanagana huadxagalucaʼ ra scuela ne xi huayacané laacabe udxiilúcabe ni.

Diidxaʼ riuundaʼ 222 ne oración iluxeneni.

Semana 7 stiʼ noviembre

Diidxaʼ riuundaʼ 39

5 min. Cani chiguieeteʼ stiʼ binni ridagulisaa.

20 min. Bicaa ique ucaadiaga chaahuiluʼ ca endaridagulisaa rápanu. Libana ni ne zanda icabi cani cucaadiaga, zeedani lu La Atalaya 15 stiʼ septiembre 2002, yaza 12 dede 14, párrafo 11 dede 14. Uníʼ cani zeeda luni ne unabaʼ laacabe iníʼcabe xi ucané laacabe ganda cueendúcabe jma cosa galán de ca endaridagulisaa rápanu.

20 min. «Usíʼdinu binni jneza ti guiénecaʼ ora maʼ caninu.»b Uniʼné chupa chonna ni rucheeche diidxaʼ dede ante para iniʼcaʼ ximodo huayúnicaʼ para usiénecaʼ xiixa ni zeeda lu Biblia ne gadxé gadxé clase binni ni nuu neza ra rucheechenu diidxaʼ.

Diidxaʼ riuundaʼ 50 ne oración iluxeneni.

[Ni cá ñee yaza]