Cani chitiidiʼ lu guendaridagulisaa stiʼ dxiiñaʼ stinu

Laguuyaʼ: Lu beeu diciembre zaquiiñeʼ quince o gande minutu stiʼ Guendaridagulisaa stiʼ Dxiiñaʼ Stinu (zanda tiidini ra ridiʼdiʼ ndaa ni caquiiñeʼ binni ridagulisaa) para guietenaláʼdxinu cani bieeteʼ lu guendaridagulisaa de chonna gubidxa ni lá «Guzúʼbanu Stiidxaʼ Dios», ni huayacané laanu ora maʼ ziucheeche diidxaʼ. Lu libana ni chitiidiʼ lu Guendaridagulisaa stiʼ Dxiiñaʼ stinu riʼ zanda ininu ximodo cayacané cani bizíʼdinu lu endaridagulisaa de chonna gubidxa ca laanu ne ximodo cayacané ni laanu para gúninu dxiiñaʼ de endarucheeche diidxaʼ ca jma galán.

Semana 14 stiʼ noviembre

Diidxaʼ riuundaʼ 220

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biquiiñeʼ cani zeeda lu yaza 4 para utiidiluʼ chupa modo zanda usaananu revista La Atalaya 15 stiʼ noviembre ne ¡Despertad! 22 stiʼ noviembre, (pa zanda iquiiñeʼ cani neza ra rucheechenu diidxaʼ). Zanda aca cani xcaadxi modo ni ganda iquiiñeʼ. Lu cada tobi de laacani ihuinni gadxé gadxé modo icábinu ora iníʼcabe «Qué riuuladxediáʼ gannaʼ de religión» (biiyaʼ libru Razonamiento, yaza 17).

15 min. Ca bueltu ni rudiʼnu rusiecheʼ cani ladxidóʼ Dios. Libana ni udii ti binnigola, zeedani lu La Atalaya 1 stiʼ noviembre 2005, yaza 26 dede 30.

20 min. «Ininu de endanandxóʼ stiʼ Jiobá.»a Ora guiuundaʼ párrafo 4 la? gudxi cani cucaadiaga iniʼcaʼ ximodo, pur modo laanu laaca zanda ucheechenu diidxaʼ.

Diidxaʼ riuundaʼ 24 ne oración iluxeneni.

Semana 21 stiʼ noviembre

Diidxaʼ riuundaʼ 40

10 min. Cani chiguieeteʼ stiʼ binni ridagulisaa.

20 min. Biʼniʼ Jiobá, Dios stiluʼ. Libana ni udii ti binnigola, zeedani lu La Atalaya 1 stiʼ abril 2005, yaza 25 dede 28. Bisiene ximodo zanda usihuínninu dxandíʼ zinándanu ejemplu stiʼ Abrahán, David ne Elías.

15 min. «Usihuínninu rizaláʼdxinu binni ra gúʼyanu xi caquiiñecabe.»b Tiidiʼ tobi ni rucheeche diidxaʼ usihuinni ximodo zanda uchaabe modo uzulú iníʼnebe binni ra gúʼyabe xii nga riuulaʼdxiʼ binni ca.

Diidxaʼ riuundaʼ 67 ne oración iluxeneni.

Semana 28 stiʼ noviembre

Diidxaʼ riuundaʼ 7

12 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápanu ne ca recibu stiʼ bueltu ni bidiitu. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu noviembre. Biquiiñeʼ cani zeeda lu yaza 4 para utiidiluʼ chupa modo zanda usaananu revista, tobi ne La Atalaya 1 stiʼ diciembre ne stobi ne ¡Despertad! 8 stiʼ diciembre (pa zanda iquiiñeʼ cani neza ra rucheechenu diidxaʼ). Zanda aca cani xcaadxi modo ganda iquiiñeʼ. Bizeeteʼ paraa reeda bueltu para dxiiñaʼ ni rúninu.

15 min. «Ximodo zanda acanenu binni.» Ti libana ni. Uníʼ chupa chonna ejemplu de ni huayuni caadxi xpinni Jiobá para ucanecaʼ xcaadxi bíʼchicaʼ ne bizáʼnacaʼ ni cadiʼdiʼ lu xiixa endanagana. (Biiyaʼ ca revista ¡Despertad! 8 stiʼ agosto 2003, yaza 10 dede 15; 22 stiʼ noviembre 2002, yaza 19 dede 24, ne 22 stiʼ octubre 2001, yaza 23 dede 27. Laaca zanda iniʼluʼ xcaadxi ejemplu.) De racá bisiene cani jma risaca ni naquiiñeʼ gánnanu ni zeeda lu yaza 3 stiʼ Xhiiñaʼ Reinu ni Rúninu riʼ. Pa tuuxa racalaʼdxiʼ udii bueltu para acané binni la? jma galán udiibe ni para dxiiñaʼ ni rúninu lu idubi naca Guidxilayú.

18 min. Ximodo zanda ucheechenu diidxaʼ beeu diciembre. Libana ni, ne zanda icabi cani cucaadiaga. Ca diidxaʼ uzuluneluʼ libana riʼ naquiiñeʼ ácani gaayuʼ si minutu, de racá uníʼ ximodo jma jneza iquiiñenu cani zeeda lu Xhiiñaʼ Reinu ni Rúninu stiʼ beeu enero 2005, yaza 8, ra na «Ximodo zanda iquiiñenu ca modo ni reeda para ucheechenu diidxaʼ»: 1) Jma zabeendunu ni galán ora inínenu binni casi ora maʼ cayuinu diidxaʼ. 2) Naquiiñeʼ iníʼ íquenu xi ininu ne gúninu ni modo ganda chulaʼdxiʼ binni ucaadiaga. 3) Naquiiñeʼ iníʼ íquenu modo nabani binni ne ximodo riníʼ ique cani nabeza ra chigucheechenu diidxaʼ. 4) Naquiiñeʼ guʼndaʼ chaahuinu ni racaláʼdxinu uluinu binni ne uyúbinu cani jma zucaa laabe chuláʼdxibe iziidirube jma. 5) Cadi ca modo si zeeda raríʼ nga cani iquiiñenu para ucheechenu diidxaʼ. De racá bisiene ximodo zanda iquiiñenu cani zeeda raríʼ para usaananenu binni cani zaquiiñenu beeu diciembre. Zanda iquiiñeluʼ cani zeeda lu guiʼchiʼ ni rizaané Xhiiñaʼ Reinu ni Rúninu stiʼ beeu enero 2005 o xcaadxi ni jma ganda iquiiñeʼ neza ra rucheechenu diidxaʼ. Bitiidiʼ tobi o chupa modo aca cani.

Diidxaʼ riuundaʼ 123 ne oración iluxeneni.

Semana 5 stiʼ diciembre

Diidxaʼ riuundaʼ 38

10 min. Cani chiguieeteʼ stiʼ binni ridagulisaa.

15 min. Ni caquiiñeʼ binni ridagulisaa.

20 min. «Xi ribeendunu ora rucheechenu diidxaʼ.» Ora chindaluʼ lu párrafo 5 la? uníʼ xiixa de ni zeeda lu La Atalaya 15 stiʼ febrero 2004, yaza 32.

Diidxaʼ riuundaʼ 26 ne oración iluxeneni.

[Ni cá ñee yaza]