Cani chiguieeteʼ

◼ Cani zanda usaananu beeu marzo: Xipeʼ ndiʼ cusiidiʼ Biblia laguni stipa pur uzulú gúʼndanetu binni Biblia. Abril ne mayo: La Atalaya ne ¡Despertad! Ora ibiguétatu ra lidxi tuuxa ni riuulaʼdxiʼ ucaadiaga, casi cani guyé ra bietenaláʼdxinu endaguti stiʼ Cristu o ra huayúnitu sti endaridagulisaa, peru qué ridxaagapécabe xquidxi Jiobá la? zanda usaananetu laacabe libru cubi Xipeʼ ndiʼ cusiidiʼ Biblia, ne gúnitu stipa pur iquiiñetu libru riʼ para uzulú gúʼndanetu laacabe Biblia. Junio: Guizíʼdinu de Maestru Ni Jma Nanna Gusiidiʼ. Pa binni ca qué gapa xiiñiʼ la? bisaanané laabe libru Felicidad familiar.

◼ Beeu abril ca jma zanda ácatu precursor auxiliar purtiʼ neni gaayuʼ sábadu ne domingu.

◼ Iza riʼ zietenaláʼdxinu endaguti stiʼ Cristu miércoles 12 stiʼ abril 2006. Pa nápatu endaridagulisaa miércoles ca la? naquiiñeʼ gúnitu ni sti dxi ora maʼ gastiʼ aca ndaaniʼ Yoo stiʼ Reinu. Pa qué zanda gápatu Guendaridagulisaa stiʼ Dxiiñaʼ Stinu la? zanda utiiditu cani jma si zaquiiñeʼ ca binni ridagulisaa lu sti Guendaridagulisaa stiʼ Dxiiñaʼ stinu ni chigaca.

◼ Casi guedandá ca revista La Atalaya ne ¡Despertad! ni jma nacubi ra nuu ca binni ridagulisaa la? naquiiñeʼ udiicabe cani nagueendaca. Zacá, cani rucheeche diidxaʼ zánnacaʼ xiná cani ante usaanané cani binni ora chigucheechecaʼ diidxaʼ. Laaca zacaca laguni ora icaatu Xhiiñaʼ Reinu ni Rúninu, laudii cani nagueendaca ra ridagulisaa Grupu ni Ruundaʼ Libru stiʼ ca Binni Ridagulisaa.

◼ Lu beeu mayo ziuundaʼ ni bíʼyanu lu videu Noé guzané Dios lu Guendaridagulisaa stiʼ Dxiiñaʼ Stinu. Pa qué gápatu ni la? riquiiñeʼ inábatu ni nagueendaca ra ridagulisaatu.

◼ Betel qué zuseendaʼ diʼ gastiʼ ora inabaʼ cani rucheeche diidxaʼ xiixa laasicaʼ. Binnigola ni rapa iráʼ stiʼ binni ridagulisaa ca naquiiñeʼ gúʼyabe iráʼ beeu guieeteʼ lu endaridagulisaa ca padxí nga useendacabe guiʼchiʼ ra rinábacabe ca libru ca Betel, ti idxiña cani racalaʼdxiʼ gueeda xiixa stiʼ ra nuu bíchinu ni rinabaʼ cani. Laguuyaʼ unáʼ ndiʼ cani rábicabe solicitud especial.

◼ Ca secretariu ca riquiiñeʼ gápacabe stale de ca guiʼchiʼ riʼ: Solicitud para el servicio de precursor regular (S-205-S) ne Solicitud para el servicio de precursor auxiliar (S-205b-S) biaʼ iquiiñecabe lu ti iza. Ca guiʼchiʼ riʼ zanda inábacabe cani ne Solicitud de literatura (S-14-S), purtiʼ qué rié diʼ cani lade ca libru rié iráʼ iza