Cani chitiidiʼ lu guendaridagulisaa stiʼ dxiiñaʼ stinu

Semana 13 stiʼ marzo

Diidxaʼ riuundaʼ 41

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biquiiñeʼ cani zeeda lu yaza 4 para utiidiluʼ chupa modo zanda usaananu revista, tobi ne La Atalaya 15 stiʼ marzo ne stobi ne ¡Despertad! stiʼ marzo, pa zanda iquiiñeʼ cani neza ra rucheechenu diidxaʼ. Ra iluxe cada tobi de laacani ni rucheeche diidxaʼ ca guni invitarbe binni ni caníʼnebe ca para cheʼ ora guietenaláʼdxinu endaguti stiʼ Cristu, ra iquiiñebe yaza 32 stiʼ revista ni canazanebe ca.

15 min. «Acanenu binni ti cueenducaʼ xiixa pur ni bisigaʼdeʼ Dios.»a Lu sti libana ni chitiidiʼ ca ziuundaʼ ximodo jma zanda iquiiñenu ni cá lu ca yaza 206 dede 208 stiʼ libru Xipeʼ ndiʼ cusiidiʼ Biblia para guni invitarnu tuuxa cheʼ ora guietenaláʼdxinu endaguti stiʼ Cristu.

20 min. Guendaroxhi stiʼ Señor: ti guendaridagulisaa ni rusisaca Dios. Guiuundaʼ ni ra inabadiidxaluʼ ne icábicabe cani zeeda lu yaza 206 dede 208 stiʼ libru Xipeʼ ndiʼ cusiidiʼ Biblia. Ca diidxaʼ ni uzuluneluʼ cadi indaa cani nin ti minutu, ne bisiene ximodo zanda iniʼnécabe tuuxa de guendaroxhi stiʼ Señor ra gúʼndacabe primé párrafo stiʼ yaza ca. De racá la? sin guiuundaʼ ca párrafo ca unabaʼ cani cucaadiaga icábicaʼ ca endarinabadiidxaʼ ni zeeda raríʼ. Padxí udixhestí Jesús guietenaláʼdxinu endaguti stiʼ (Párrafo 2). Panda biaje nga riquiiñeʼ guietenaláʼdxinu Guendaroxhi stiʼ Señor yaʼ (Párrafo 3). Ximodo riníʼ Biblia naquiiñeʼ guietenaláʼdxinu endaguti stiʼ Cristu (Párrafo 4). Ximodo nánnanu qué ñúnidiʼ Jesús pan que beela ladi ne qué ñúnidibe vinu que rini stibe yaʼ (Párrafo 5). Xi riníʼ pan ni qué ñacané levadura que yaʼ (Párrafo 6). Xi riníʼ vinu ni biquiiñeʼ Jesús que (Párrafo 7). Tuu nga cani zanda si go pan ne gueʼ vinu (Párrafo 8). Padxí nga riquiiñeʼ guietenaláʼdxinu endaguti stiʼ Jesús, ne xiñee naquiiñeʼ chuunu ora ácani (Párrafo 9). Uníʼ ca textu ni jma cuzeeteʼ de tema ca biaʼ udii tiempu. Gudxi cani cucaadiaga gúʼndanecaʼ ca binni ni cusiidicaʼ de Biblia ni cá lu ca yaza ni maʼ bizeetenu ca ne laaca guʼndanécabe ni xcaadxi binni ni guni invitárcabe cheʼ ora guietenaláʼdxinu endaguti stiʼ Cristu. Zanda gúʼndanu ca párrafo ca, gúʼyanenu laacabe cani jma risaca ni zeeda luni ne inabadiidxanu laacabe xiixa ni cadi nagana casi cá ni lu guiʼchiʼ riʼ.

Diidxaʼ riuundaʼ 134 ne oración iluxeneni.

Semana 20 stiʼ marzo

Diidxaʼ riuundaʼ 18

10 min. Cani chiguieeteʼ stiʼ binni ridagulisaa. Biindané laacabe cani jma risaca ni zeeda lu cuadru ra na «Ni gánnanu ora guietenaláʼdxinu guendaguti stiʼ Cristu».

23 min. Dxiiñaʼ ni maʼ bidii Dios guni Cristu. Libana ni zeeda lu libru Organizados para hacer la voluntad de Jehová, yaza 10 dede 13. Ora maʼ guiuundaʼ primé ne iropa párrafo ra na «Xi dxiiñaʼ cayuni Cristu», biquiiñeʼ chupa o chonna minutu para iniʼluʼ ne uluiʼluʼ chupa chonna modo zanda iquiiñeʼ guiʼchiʼ ni nápanu para guni invitarnu binni cheʼ ora guietenaláʼdxinu endaguti stiʼ Cristu. Biindané laacabe cani zeeda lu Xhiiñaʼ Reinu ni Rúninu stiʼ febrero 2006, yaza 3, párrafo 3.

12 min. Nuunu naguidxi purtiʼ ridúʼndanu Stiidxaʼ Dios iráʼ dxi. Libana ni ne zadiʼdiʼ ximodo guiuundaʼ folletu Examinando las Escrituras diariamente 2006, iquiiñeʼ ca primé yaza stini. Bitiidiʼ ti familia para uluíʼ ximodo zanda guiuundaʼ textu iráʼ dxi ne laaca gúʼndacabe ni cusiene textu ca.

Diidxaʼ riuundaʼ 103 ne oración iluxeneni.

Semana 27 stiʼ marzo

Diidxaʼ riuundaʼ 44

15 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ lu beeu marzo. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Biquiiñeʼ cani zeeda lu yaza 4 o xcaadxi modo ni ganda iquiiñeʼ neza ra rucheechenu diidxaʼ para utiidiluʼ chupa modo zanda usaananu revista, tobi ne La Atalaya 1 stiʼ abril ne stobi ne ¡Despertad! stiʼ abril, pa zanda iquiiñeʼ cani neza ra rucheechenu diidxaʼ. Laaca uníʼ ximodo zanda guni invitarnu binni cheʼ ra chiguietenaláʼdxinu endaguti stiʼ Cristu ra iquiiñeʼ guiʼchihuiiniʼ ni nápanu para laani ca.

10 min. Ñee de yanna nga cayuni mandar Dios lu Guidxilayú riʼ la? Libana ni ne zahuinni ximodo iquiiñeʼ últimu yaza stiʼ La Atalaya 1 stiʼ abril 2006. Uyúbinu ximodo guni invitarnu iráʼ binni inínenu para chigucaadiaga libana jma risaca chitiidiʼ iza riʼ. Cadi guiaandaʼ laaca naquiiñeʼ guni invitarnu iráʼ binni ni cayuundanenu Biblia ne ca binnilídxinu, neca cadi cayuundacabe Biblia. Riquiiñeʼ guni invitarnu iráʼ binni runibiaʼnu ni riuulaʼdxiʼ iziidiʼ ne iráʼ cani inínenu ora maʼ ziucheechenu diidxaʼ para chiucaadiágacaʼ libana riʼ. Biquiiñeʼ La Atalaya 1 stiʼ abril para utiidiluʼ ti modo zanda aca invitar cani maʼ qué rucheeche diidxaʼ o cani maʼ qué rié ca endaridagulisaa stinu.

20 min. Cani racané laanu ti cueendunu ni galán. Utiidiʼ ti binnigola ni. Biindaʼ ne bisiene carta 3 stiʼ enero 2006 ni biseendaʼ Betel, ni caníʼ de ximodo zanda acané Grupu de Binnigola ni Riganna ca Hospital ca laanu ne Grupu ni Riganna ca Binni Huará.

Diidxaʼ riuundaʼ 170 ne oración iluxeneni.

Semana 3 stiʼ abril

Diidxaʼ riuundaʼ 199

15 min. Cani chiguieeteʼ stiʼ binni ridagulisaa. Nagueenda si biindané laacabe ra na «Ziéchenu stale nga ora gúʼndanu libru Xipeʼ ndiʼ cusiidiʼ Biblia», ni biree lu Xhiiñaʼ Reinu ni Rúninu stiʼ beeu febrero 2006, yaza 6. Gudxi laacabe maʼ nápanu ti guiʼchiʼ ra cá ximodo guiuundaʼ libru ca. Laaca uníʼ ximodo zanda guni invitarnu binni cheʼ ra chiguietenaláʼdxinu endaguti stiʼ Cristu ra iquiiñeʼ guiʼchihuiiniʼ ni nápanu para laani ca.

10 min. Ni caquiiñeʼ binni ridagulisaa.

20 min. «Usíʼdinu cani nachaʼhuiʼ sacaʼ lu neza stiʼ Dios.»b Uníʼ cani zeeda lu La Atalaya 1 stiʼ julio 2004, yaza 16, párrafo 9.

Diidxaʼ riuundaʼ 93 ne oración iluxeneni.

[Ni cá ñee yaza]