Cani chitiidiʼ lu guendaridagulisaa stiʼ dxiiñaʼ stinu

Laguuyaʼ: Nécapeʼ lu Xhiiñaʼ Reinu ni Rúninu zacá pora tiidiʼ ti Guendaridagulisaa stiʼ Dxiiñaʼ Stinu iráʼ beeu zeeda riʼ la? ca neza binni ridagulisaa zanda uchaacabe xiixa lu ni purtiʼ zaca Guendaridagulisaa de Chonna Gubidxa «¡Mayaca guilanu!». Lu ti Guendaridagulisaa sti Dxiiñaʼ Stinu ni aca ante guendaridagulisaa roʼ ca, zaquiiñeʼ quince minutu stini para gúʼndanu ne guietenaláʼdxinu ca conseju ni jma zanda iquiiñenu ni zeeda lu guiʼchiʼ rizaané Xhiiñaʼ Reinu ni Rúninu riʼ. Tobi o chupa beeu despué de aca guendaridagulisaa roʼ ca, zaquiiñeʼ biaʼ quince o gande minutu stiʼ ti Guendaridagulisaa stiʼ Dxiiñaʼ Stinu para guietenaláʼdxinu cani jma risaca ni huaquiiñenu ora riucheechenu diidxaʼ (zanda iquiiñeʼ tiempu ni riree para tiidiʼ ni caquiiñeʼ ca binni ridagulisaa). Ora aca ndiʼ lu Guendaridagulisaa stiʼ Dxiiñaʼ Stinu la? cadi naquiiñeʼ diʼ uzeetetu iráʼ ni biziiditu lu guendaridagulisaa roʼ ca sínuque cani zacané si laatu ora maʼ ziucheechetu diidxaʼ. Unabaʼ cani cucaadiaga ca iniʼcaʼ ximodo huayacané cani biziidicabe lu guendaridagulisaa ca laacabe ora maʼ ziucheechecabe diidxaʼ.

Semana 10 stiʼ julio

Diidxaʼ riuundaʼ 4

15 min. Cani chiguieeteʼ stiʼ binni ridagulisaa. Bitiidiʼ chupa modo zanda usaananu revista tobi ne La Atalaya 15 stiʼ julio ne stobi ne ¡Despertad! stiʼ julio, biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ. Lu tobi de laani ihuinni ximodo icábicabe ora iníʼ binni ca: «Laadu xpinni cristu laadu» (laguuyaʼ libru Razonamiento, yaza 19). Ora maʼ biluxe cani, bibiguetaʼ uníʼ ca diidxaʼ bizuluné ni bisaana revista ca para chuulaʼdxiʼ binni ucaadiaga laacabe jma.

30 min. «Usihuínninu cabézanu dxi stiʼ Jiobá.»a Zutiidiʼ secretariu ca ni. Bizeeteʼ paraa cheʼ neza binni ridagulisaa ca endaridagulisaa de chonna gubidxa roʼ ca. Unabaʼ cani cucaadiaga usiénecaʼ ximodo zanda ucheechenu diidxaʼ pa chinenu guiʼchiʼ ricá ladxidóʼcabe ca ora maʼ ziuunu neza ra chigaca guendaridagulisaa de chonna gubidxa ca. Uluu gana cani cucaadiaga ca ucheechecaʼ diidxaʼ ratiica si nuucaʼ ne iquiiñecaʼ formulariu Sírvase visitar (S-43-S) para iníʼcabe de tuuxa binni bisihuinni riuulaʼdxiʼ iziidiʼ jma de lu stiidxaʼ Dios.

Diidxaʼ riuundaʼ 88 ne oración iluxeneni.

Semana 17 stiʼ julio

Diidxaʼ riuundaʼ 99

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Biindané laacabe cani zeeda lu yaza 32 stiʼ revista La Atalaya 15 stiʼ agosto 2000. Bizeeteʼ pabiáʼ zacané laanu quíxhenu ti hora para gúʼndanu Biblia iráʼ dxi, neca zigánnanu sti guidxi o cayúninu adxé cosa.

15 min. Ni zacané laanu ucheechenu diidxaʼ nga gannaxhiinu binni ne cadi uluinu jma nánnanu que laacabe. Libana ni ne zeedani lu La Atalaya 15 stiʼ agosto 2002, yaza 18 dede 20, párrafo 13 dede 20.

20 min. «Ácanu casi Jiobá, ti “Dios ni nayecheʼ”.»b Unabaʼ cani cucaadiaga iniʼcaʼ xi huayacané laacaʼ para cadi ireecaʼ gana ne usihuínnicaʼ nayecheʼ nuucaʼ ora maʼ ziucheechecaʼ diidxaʼ.

Diidxaʼ riuundaʼ 189 ne oración iluxeneni.

Semana 24 stiʼ julio

Diidxaʼ riuundaʼ 218

10min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ para utiidiluʼ chupa modo zanda usaananu revista, tobi ne La Atalaya 1 stiʼ agosto ne stobi ne ¡Despertad! stiʼ agosto.

15 min. Ximodo nexheʼ chaahuiʼ ne raca ca dxiiñaʼ ndaaniʼ neza binni ridagulisaa. Libana ne zanda icabi cani cucaadiaga zeedani lu libru Organizados para hacer la voluntad de Jehová, capítulo 4.

20 min. «Ucaʼnu binni usisaca ca guenda ni nabé sicarú napa Jiobá» Bitiidiʼ ti ni rucheeche diidxaʼ ra canabadiidxabe ni cayuundanebe para iníʼ ique cani zeeda lu cuadru stiʼ primé capítulo stiʼ libru Xipeʼ ndiʼ cusiidiʼ Biblia ra na: ni rusiidiʼ Biblia.

Diidxaʼ riuundaʼ 12 ne oración iluxeneni.

Semana 31 stiʼ julio

Diidxaʼ riuundaʼ 28

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ udiicaʼ pabiáʼ dxiiñaʼ bíʼnicaʼ beeu julio. Bizeeteʼ ca libru ne ca revista ni zusaananenu binni beeu agosto.

15 min. «Nácacabe ti ejemplu purtiʼ qué nusaanacabe de nucheechecabe diidxaʼ» Libana ni ne bizeeteʼ chupa chonna de ni bizaaca ca precursor especial ni maca bieeteʼ lu xiixa libru o revista, o pa nuu de laacabe ra ridagulisaatu la? zanda inabadiidxatu laacabe (laguuyaʼ lu Índice de Publicaciones Watch Tower ra na «Precursores especiales»).

20 min. «Bicaa ique gúniluʼ ni jneza ne zacaaluʼ stale ndaayaʼ.» Unabaʼ cani cucaadiaga iniʼcaʼ xi stipa huayúnicaʼ para gápacaʼ ti hora para gúʼndacaʼ ne guiénecaʼ stiidxaʼ Dios, ne xi ndaayaʼ huacaacabe.

Diidxaʼ riuundaʼ 130 ne oración iluxeneni.

Semana 7 stiʼ agosto

Diidxaʼ riuundaʼ 209

10 min. Cani chiguieeteʼ stiʼ binni ridagulisaa. Bizeeteʼ ximodo zanda iquiiñetu ca modo maca nexheʼ usaananu libru ne revista (laguuyaʼ Xhiiñaʼ Reinu ni Rúninu enero 2005, yaza 8).

15 min. Endaridagulisaa ni rucaa laanu gannaxhiinu ne gúninu ni jneza. Libana ni zeeda lu La Atalaya 15 stiʼ marzo 2002, yaza 24 ne 25. Bitiidiʼ ne unabadiidxaʼ ti ni rucheeche diidxaʼ ne iniʼbe xi iráʼ stipa huayúnibe para cadi guiaadxabe iráʼ endaridagulisaa rápanu, ne xi huabeendube.

20 min. Uyúbinu ximodo ucheechenu diidxaʼ ne ucaadiaga binni laanu. Libana ne zanda icabi cani cucaadiaga zeedani lu La Atalaya 1 stiʼ diciembre 2005, yaza 28 dede 30. Ora uzululuʼ libana riʼ biquiiñeʼ ca párrafo 6 dede 11, ne bizeeteʼ ximodo bisihuinni Pablu bicaadiaga chaahuiʼ binni, biyúbibe ximodo ucheechebe diidxaʼ ne ucaadiaga binni laabe ora bisiidibe. De racá unabaʼ cani cucaadiaga icábicaʼ ca endarinabadiidxaʼ zeeda lu ca párrafo 12 dede 14 ne uníʼ ximodo zanda gúnicabe ni lu xquendanabánicabe. Bitiidiʼ ti modo ni usihuinni xi zanda guni cani rucheeche diidxaʼ ora maʼ cayúnicaʼ dxiiñaʼ riʼ, ra gúʼyacabe xi caquiiñeʼ iziidicaʼ, modo nuucaʼ, ra gánnacabe padé laacaʼ ne modo biniisi ca binni nuu neza ra rucheechecabe diidxaʼ ca.

Diidxaʼ riuundaʼ 83 ne oración iluxeneni.

[Ni cá ñee yaza]