Cani chitiidiʼ lu guendaridagulisaa stiʼ dxiiñaʼ stinu

Semana 14 stiʼ agosto

Diidxaʼ riuundaʼ 163

15 min. Cani chiguieeteʼ stiʼ binni ridagulisaa. Biindané laacabe ra na «Ni chitiidiʼ lu dxi bibí para guidagulisaanu». Bizeeteʼ padxí chigaca ni pa maʼ nannuʼ. Bitiidiʼ chupa modo zanda gusaananu revista tobi ne La Atalaya 15 stiʼ agosto ne stobi ne ¡Despertad! stiʼ agosto, biquiiñeʼ cani zeeda lu yaza 4 o xcaadxi modo ganda iquiiñeʼ neza ra rucheechenu diidxaʼ. Lu tobi de laani guihuinni ximodo guicábicabe ora guiníʼ binni: «Qué racaladxediáʼ gucaadiaga ca testigu stiʼ Jiobá» (laguuyaʼ libru Razonamiento, yaza 17, 18).

15 min. «Revista ¡Despertad! stiʼ beeu septiembre zaníʼ ni de ti tema si»a Tiidiʼ ti ni nahuiiniʼ gusihuínnibe ximodo zanda gusaananebe revista ¡Despertad! ni chiguiree lu beeu septiembre ca ti maestru ra iquiiñebe párrafo 4 stini.

15 min. Ñee naquiiñeʼ gaca xhamiguaʼ cani riniaʼ scuela la? Libana ni ne zanda guicabi cani cucaadiaga zeedani lu ¡Despertad! stiʼ abril 2006 yaza 17 dede 19. Unabadiidxaʼ cani biniisi ndaaniʼ ti yoo ra nácacabe Testigu guiniʼcaʼ ximodo gucané bixhózecaʼ laacaʼ para gunda bidxiilucaʼ guendanagana ne gunda yenándacaʼ ca conseju rudii Biblia ora maʼ nuucaʼ ra scuela. Zanda guyúbiluʼ tobi o chupa de laacabe dede ante para guicábicaʼ.

Diidxaʼ riuundaʼ 164 ne oración iluxeneni.

Semana 21 stiʼ agosto

Diidxaʼ riuundaʼ 62

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu Ni Rúninu. Biindané laacabe ra na «Ni chitiidiʼ lu guendaridagulisaa de chupa gubidxa» ne bizeeteʼ padxí chigaca guendaridagulisaa de chupa gubidxa ca pa maʼ nannuʼ.

15 min. Ximodo zanda cueendunu ni galán ora riuunu guendaridagulisaa ra riuundaʼ revista Torre stiʼ ni rapa ne guendaridagulisaa para guiráʼ binni. Libana ni ne zanda guicabi cani cucaadiaga zeedani lu libru Organizados para hacer la voluntad de Jehová, yaza 59 dede subtítulo stiʼ yaza 64.

20 min. Dede ca yanna udixhe ique gácaluʼ precursor auxiliar. Libana ni ne zanda icabi cani cucaadiaga. Guluu gana cani cucaadiaga gácacaʼ precursor auxiliar neca ti beeu lu sti izá dxiiñaʼ ni zeeda ca (1 Cor. 9:26). Zanda guyúbinu ti beeu ni napa dxi qué raca dxiiñaʼ o tobi napa gaayuʼ sábadu ne domingu o casi ora riganna binnigola ni rapa ca neza binni ridagulisaa laanu. Gunabaʼ cani cucaadiaga guiniʼcaʼ xi guiráʼ guendanagana bidxiilucaʼ para gunda gúcacaʼ precursor auxiliar. Ne xi ndaayaʼ huacaabe pur dxiiñaʼ bíʼnibe ca. Pa riuuláʼdxibe gácabe precursor peru riníʼ íquerube pa zúnibeni la? xiñee naquiiñeʼ guni orarbe para gacané Dios laabe yaʼ (Hech. 4:29; 2 Cor. 4:7; Sant. 1:5). Xiñee galán nga guiníʼneluʼ binnilídxiluʼ o xcaadxi bíʼchiluʼ ne bizáʼnaluʼ ni cadiʼdiʼ laaca ra cadíʼdiluʼ ca yaʼ (Pro. 15:22). Padxí naguixhe íqueluʼ gácaluʼ precursor auxiliar yaʼ.

Diidxaʼ riuundaʼ 216 ne oración iluxeneni.

Semana 28 stiʼ agosto

Diidxaʼ riuundaʼ 17

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ beeu agosto. Biquiiñeʼ cani zeeda lu yaza 4 o xcaadxi modo ganda iquiiñeʼ neza ra rucheechenu diidxaʼ para gutiidiluʼ chupa modo zanda gusaananu revista tobi ne La Atalaya 1 stiʼ septiembre ne stobi ne ¡Despertad! stiʼ septiembre ra nuu binni ni maca ca risaananu revista ra nuu.

15 min. Zanda gácanu binni riguu gana (Rom. 1:11, 12). Libana ni ne zanda guicabi cani cucaadiaga. Bizeeteʼ panda precursor regular nuu ra ridagulisaatu. Bizeeteʼ chupa chonna modo zanda uguʼnu gana laacabe, ne gábinu laacabe jneza ni cayúnicabe, guininu xi guiráʼ ndiʼ ribeendú tobi ora gaca precursor, chigucheechenenu laacabe diidxaʼ, guni invitarnu laacabe gócabe xiixa o gácanenu laacabe para guiaxa xpasájecabe. Gunabaʼ ca precursor regular ca guiniʼcaʼ ximodo huaguu ca bíchinu ne bizánanu gana laacabe. Pa gastiʼ precursor regular ra ridagulisaatu, biyubi ximodo zanda uguuluʼ gana cani raca precursor auxiliar.

20 min. Ñee zanda guzulú gúʼndaneluʼ ti binni Biblia lu beeu septiembre la? Libana ni ne zadiʼdiʼ ximodo gácani. Lu beeu septiembre zúninu stipa pur guzulunu guidúʼndanenu binni Biblia ne libru Xipeʼ ndiʼ cusiidiʼ Biblia primé ca biaje chigánnanu laacaʼ. Nga runi ora gusaananenu binni libru ca naquiiñeʼ gúninu stipa pur gúʼndanenu laacabe chupa chonna párrafo stiʼ libru ca. Bitiidiʼ chupa modo zanda gácani ra guiniʼnécabe binni de xiixa ni riuulaʼdxiʼ gucaadiaga neza ra rucheechetu diidxaʼ. Lu guiropaʼ ni guihuinni ximodo zanda guni ni rucheeche diidxaʼ ca para quíxhebe sti dxi guiniʼnérube binni ca.

Diidxaʼ riuundaʼ 37 ne oración iluxeneni.

Semana 4 stiʼ septiembre

Diidxaʼ riuundaʼ 90

10 min. Cani chiguieeteʼ stiʼ binni ridagulisaa.

15 min. Ni caquiiñeʼ binni ridagulisaa.

20 min. «Gusihuínninu rizaaláʼdxinu binni ora gucheechenu diidxaʼ ra nuu guiráʼ clase binni.»b Ora gúʼndatu Romanos 1:14, ni zeeda ra ziluxe párrafo 2 ca, bizeeteʼ cani zeeda lu primé párrafo stiʼ yaza 285 stiʼ libru Perspicacia, volumen 1, ra na «Bárbaro». De racá despué de gúʼndatu párrafo 3 ca, bizeeteʼ guionnaʼ cosa ni cá lu guiropa yaza stiʼ folletu Buenas nuevas para gente de todas las naciones ne bisiene ximodo zanda iquiiñecabe folletu ca ora guidxélacabe binni riníʼ sti diidxaʼ neza ra rucheechecabe diidxaʼ.

Diidxaʼ riuundaʼ 225 ne oración iluxeneni.

[Ni cá ñee yaza]