Cani chitiidiʼ lu guendaridagulisaa stiʼ dxiiñaʼ stinu

Semana 11 stiʼ septiembre

Diidxaʼ riuundaʼ 20

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Guluu gana laacabe gúʼyacabe videu Los jóvenes preguntan... ¿Cómo conseguir amigos verdaderos? ti ganda guicábicabe ca guendarinabadiidxaʼ zaca lu guendaridagulisaa stiʼ dxiiñaʼ stinu semana 25 stiʼ septiembre. Bitiidiʼ chupa modo zanda gusaananu revista tobi ne La Atalaya 15 stiʼ septiembre ne stobi ne ¡Despertad! stiʼ septiembre, biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ. Lu tobi de laani guihuinni ximodo guicábicabe ora guiníʼ binni: «Naa maʼ napa religión stinneʼ» (laguuyaʼ libru Razonamiento, yaza 18, 19).

20 min. Cueendunu ni galán ora chuunu Guendaridagulisaa stiʼ Dxiiñaʼ Stinu ne Scuela stiʼ cani Rucheeche Diidxaʼ. Libana ne zanda guicabi cani cucaadiaga zeedani lu subtítulo stiʼ yaza 64 dede subtítulo stiʼ yaza 69 stiʼ libru Organizados para hacer la voluntad de Jehová.

15 min. Carta ni biseendaʼ Betel. Libana ne zanda guicabi cani cucaadiaga zeedani lu carta cá lu primé yaza stiʼ Xhiiñaʼ Reinu ni Rúninu riʼ. Bizeeteʼ cani zeeda lu «Ndaa ra rinabadiidxaʼ» stiʼ xhiiñaʼ Reinu enero 2005. Bitiidiʼ ne gunabadiidxaʼ ca bíʼchinu ne ca bizáʼnanu ni ridagulisaanetu ni gucané ora bizaaca xiixa ni bininá binni o ni gucanécabe laacaʼ lu ca guendananá nacubi gudíʼdicaʼ.

Diidxaʼ riuundaʼ 126 ne oración guiluxeneni.

Semana 18 stiʼ septiembre

Diidxaʼ riuundaʼ 213

5 min. Cani chiguieeteʼ stiʼ binni ridagulisaa.

15 min. Xi dxiiñaʼ bíninu iza gudiʼdiʼ ca. Binnigola ni ruuyaʼ modo rireeche diidxaʼ guietenaláʼdxinebe ca binni ridagulisaa dxiiñaʼ bíʼnicabe iza gudiʼdiʼ ca, ne ni jma guzeetebe nga cani guleendúcabe ra bicheechecabe diidxaʼ. Despué de uguuluʼ gana laacabe, bizeeteʼ tobi o chupa ra naquiiñeʼ gúnicabe dxiiñaʼ sti iza ca. Bizeeteʼ dxiiñaʼ biʼniʼ ca precursor ne guluu gana laacabe pur dxiiñaʼ sicarú bíʼnicabe. Bizeeteʼ guiráʼ ni huabeendúcabe ra cayacanécabe cani maʼ qué rucheeche diidxaʼ.

25 min. «Ti dxiiñaʼ ni bibí chigaca: 16 stiʼ octubre dede 12 stiʼ noviembre.» Gutiidiʼ ti binnigola ni uguu gana laacabe ni. Despué de gúʼndaluʼ ni chiguieeteʼ ni zeeda lu carta 6 stiʼ junio 2006 para ca binnigola, guiráʼ cani nuu ra ridagulisaatu ca zacaacaʼ ti guiʼchiʼ Ca diidxaʼ nacubi stiʼ Reinu núm. 37. De racá guinabadiidxaluʼ ne guicábicabe. Bizeeteʼ xi naguíxhetu gúnitu para ganda chigánnatu guiráʼ binni nabeza ra rucheechetu diidxaʼ. Guluu gana cani rucheeche diidxaʼ gacanecaʼ lu dxiiñaʼ ni bibí chigaca riʼ. Bitiidiʼ ti modo zanda gácani.

Diidxaʼ riuundaʼ 50 ne oración guiluxeneni.

Semana 25 stiʼ septiembre

Diidxaʼ riuundaʼ 94

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ beeu septiembre. Biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ para gutiidiluʼ chupa modo zanda gusaananu revista tobi ne La Atalaya 1 stiʼ octubre ne stobi ne ¡Despertad! stiʼ octubre ora gucheechenu diidxaʼ lu calle.

25 min. «Ti videu ni naquiiñeʼ gucaa laanu guiníʼ íquenu.» a Ora gúʼndatu primé párrafo ca, gunabadiidxaʼ cani cucaadiaga guiniʼcaʼ xi riníʼ íquecaʼ de ni gudiʼdiʼ lu videu Los jóvenes preguntan... ¿Cómo conseguir amigos verdaderos? De racá gunabadiidxaʼ laacabe cani zeeda lu párrafo 2 dede 7.

10 min. Cani bizaaca ca binni ridagulisaa. Gunabaʼ cani cucaadiaga guiniʼcaʼ cani bizaacacaʼ ora gudiizicaʼ ¡Despertad! stiʼ septiembre ni zeeda guiníʼ de ti tema si ne ni bizaacacabe ora bizulú biindanécabe binni libru Xipeʼ ndiʼ cusiidiʼ Biblia primé ca biaje yegánnacabe laa. Zanda gutiidiluʼ tobi o chupa modo bizaacacabe.

Diidxaʼ riuundaʼ 183 ne oración guiluxeneni.

Semana 2 stiʼ octubre

Diidxaʼ riuundaʼ 36

10 min. Cani chiguieeteʼ stiʼ binni ridagulisaa. Biindané laacabe Ndaa ra rinabadiidxaʼ.

15 min. Ni caquiiñeʼ binni ridagulisaa.

20 min. «Guendarucheeche diidxaʼ de yoo pur yoo.»b Biaʼ gudii tiempu gunabaʼ cani cucaadiaga guicábicaʼ ne ca textu zeeda luni.

Diidxaʼ riuundaʼ 127 ne oración guiluxeneni.

[Ni cá ñee yaza]