Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca guendarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 30 stiʼ octubre 2006. Binnigola ni rutiidiʼ scuela ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni gudiʼdiʼ semana 4 stiʼ septiembre dede 30 stiʼ octubre 2006. [Laguuyaʼ: Pa cadi cá paraa guyúbitu cani canabadiidxaʼ ni la? naquiiñeʼ cada tobi guʼndaʼ ne guyubi ti guidxela xi guicabi (biindaʼ ca yaza 36, 37 stiʼ Benefíciese)].
MODO GUINIʼLUʼ JNÉZAPEʼ
1. Xiñee naquiiñeʼ gusihuínninu cadi cadxíbinu ora guininu, ne xi zacané laanu cadi chuʼ xhaatanu xizaa [be yaza 135 § 5–yaza 137 § 2, ne ca cuadru stini].
2. Ora tuuxa chuulaʼdxiʼ ganna jma de cani runi crenu, xiñee naquiiñeʼ guicábinu laabe ne Biblia yaʼ [be yaza 143 § 1-3].
3. Xi zacané laanu gánnanu iquiiñenu Biblia jma jneza [be yaza 144, cuadru].
4. Xiñee nabé risaca nga iquiiñenu Biblia ora maʼ canagucheechenu diidxaʼ, ne ximodo zanda uguʼnu gana ca bíʼchinu ne ca bizáʼnanu para iquiiñecaʼ ni ora maʼ cudiʼnu libana ra ridagulisaanu [be yaza 145, 146, ne ca cuadru stini].
5. Xi chupa cosa nga racaláʼdxinu cueendunu ora iquiiñenu ti textu zeeda ndaaniʼ Biblia [be yaza 147 § 2].
PRIMÉ LIBANA
6. Xii nga ni nabé risaca cusiidiʼ libru stiʼ Salmos laanu yaʼ [si yaza 104 § 23].
7. Padxí gucuá ne guca libru stiʼ Proverbios tobi si [si yaza 107 § 5].
8. Xii nga ca Proverbios, ne xiñee biáʼsipeʼ la ni lu diidxaʼ hebreu [si yaza 107 § 6].
9. Xi rusiene Proverbios 2:1-5 ra na guyúbinu guendananna ne guendariene «casi ruyúbicabe plata ne casi ruyúbicabe xiixa ni risaca ni gaʼchiʼ» yaʼ [be yaza 38 § 5].
10. Ximodo racané libru stiʼ Proverbios laanu [si yaza 109 § 19].
BIAʼ RA BIUUNDAʼ BIBLIA TI SEMANA
11. Ximodo guyuudxí ladxidóʼ David casi ti baʼduhuiiniʼ ni biree niidxi ruaa ora maʼ cacaa jñaa laa, ne ximodo zanda gúninu casi bíʼnibe ca (Sal. 131:1-3).
12. Ximodo riguixhe dxi ca diidxaʼ cá lu Salmo 139:7-12 ladxidoʼno yaʼ.
13. Guníʼ caadxi ejemplu de guendanandxóʼ stiʼ Jiobá ni rieeteʼ lu libru stiʼ Salmo 145 ni zacané laanu gusisácanu laabe ora guni orarnu ne ora chigucheechenu diidxaʼ (Sal. 145:3).
14. Ximodo nga «ruzulú guendananna ne ruzulú guendabiaaniʼ» ora ridxibi binni Jiobá (Pro. 1:7; 9:10).
15. Xiruʼ ndiʼ zeeda lu ca dichu ne ca mandamientu ni cá lu Proverbios 7:1, 2.