Cani chitiidiʼ lu guendaridagulisaa stiʼ dxiiñaʼ stinu

Semana 9 stiʼ octubre

Diidxaʼ riuundaʼ 25

10 min. Cani chiguieeteʼ stiʼ binni ridagulisaa ne cani naquiiñeʼ guieeteʼ stiʼ Xhiiñaʼ Reinu ni Rúninu. Bitiidiʼ chupa modo zanda gusaananu revista tobi ne La Atalaya 15 stiʼ octubre ne stobi ne ¡Despertad! stiʼ octubre, ne ora gusaananu ca revista riʼ la? laaca gusaananu tratadu ni láʼ Ca diidxaʼ nacubi stiʼ Reinu núm. 37, biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ.

15 min. «Gacanenu xcaadxi binni gaca xhamígucaʼ Dios.»a Gunabaʼ cani cucaadiaga guiniʼcaʼ ximodo gucané ejemplu stiʼ ca bíʼchinu ne ca bizáʼnanu laacaʼ ne oración ni biree dede ndaaniʼ ladxidóʼcabe para gunda guyuunísacaʼ.

20 min. Guyuu listu para quíʼziluʼ tratadu ni láʼ Ca diidxaʼ nacubi stiʼ Reinu núm. 37. Libana ne zanda guicabi cani cucaadiaga. Laguzeeteʼ xi cá íquetu gúnitu para gacanetu lu dxiiñaʼ riʼ casi bieeteʼ lu Xhiiñaʼ Reinu ni Rúninu ni biree lu beeu septiembre. Gunabaʼ guiráʼ cani cucaadiaga gúnicaʼ dxiiñaʼ riʼ. Guluu gana guiráʼ cani cayuundané tuuxa ni nagueenda caniisi lu stiidxaʼ Dios, ne cani napa xiiñiʼ gúʼyacaʼ pa maʼ zanda gácacabe ti ni rucheeche diidxaʼ ni caʼruʼ chúʼnisa para gúnicabe dxiiñaʼ bibí chigaca riʼ. Bizeeteʼ ni zeeda lu libru Organizados para hacer la voluntad de Jehová, yaza 79 dede 81 ra caníʼ xi naquiiñeʼ gúnicabe para ganda chuʼnísacabe.

Diidxaʼ riuundaʼ 221 ne oración guiluxeneni.

Semana 16 stiʼ octubre

Diidxaʼ riuundaʼ 84

10 min. Cani chiguieeteʼ stiʼ binni ridagulisaa.

20 min. Ximodo zanda cueendunu ni galán ora maʼ nuunu lade Grupu ni Ruundaʼ Libru stiʼ ca Binni Ridagulisaa. Libana ne zanda guicabi cani cucaadiaga, zeedani lu libru Organizados para hacer la voluntad de Jehová, dede subtítulo stiʼ yaza 69 hasta subtítulo stiʼ yaza 72.

15 min. «Xii nga ni jma risaca lu xquendanabániluʼ.»b Gulí dede ante chupa chonna de cani rucheeche diidxaʼ para guiniʼcaʼ xi guiráʼ huayúnicaʼ para gunda gúpacaʼ tiempu ne bíʼnicaʼ xhiiñaʼ Reinu primé lu xquendanabánicaʼ, ne xi huabeenducaʼ pur huayúnicaʼ ni.

Diidxaʼ riuundaʼ 172 ne oración guiluxeneni.

Semana 23 stiʼ octubre

Diidxaʼ riuundaʼ 58

10 min. Cani chiguieeteʼ stiʼ binni ridagulisaa. Biindaʼ ca guiʼchiʼ ra cá pagala nápatu ne ca recibu stiʼ bueltu ni bidiitu. Biquiiñeʼ cani zeeda lu yaza 8 o xcaadxi modo ganda iquiiñeʼ neza ra rucheechenu diidxaʼ para gutiidiluʼ chupa modo zanda gusaananu revista tobi ne La Atalaya 1 stiʼ noviembre ne stobi ne ¡Despertad! stiʼ noviembre. Lu tobi de laacani guihuinni ximodo guicábicabe ora chuʼ tu guiníʼ «Xiñee nabé rigánnatu binni» (laguuyaʼ libru Razonamiento, yaza 20).

15 min. Ni caquiiñeʼ binni ridagulisaa.

20 min. «Guleendú ni galán ora cheluʼ ca guendaridagulisaa raca ante chigucheecheluʼ diidxaʼ.» Ora gúʼndatu párrafo 3 ca, bizeeteʼ chupa chonna ni zeeda lu «Ndaa ra rinabadiidxaʼ» ni zeeda lu Nuestro Ministerio del Reino 2001, párrafo 4, ra caníʼ xi zanda gúnicabe ora gastiʼ hombre para guni guendaridagulisaa ni raca ante chigucheechecabe diidxaʼ.

Diidxaʼ riuundaʼ 143 ne oración guiluxeneni.

Semana 30 stiʼ octubre

Diidxaʼ riuundaʼ 207

10 min. Cani chiguieeteʼ stiʼ binni ridagulisaa. Bisietenalaʼdxiʼ cani rucheeche diidxaʼ gudiicaʼ pabiáʼ dxiiñaʼ bíʼnicaʼ ne gucaacabe deche guiʼchiʼ ca panda tratadu ni láʼ Ca diidxaʼ nacubi stiʼ Reinu núm. 37 bisaananécabe binni.

15 min. Ximodo zanda gucheecheʼ diidxaʼ ra scuela. Libana ne zanda guicabi cani cucaadiaga, zeedani lu ¡Despertad! 22 stiʼ marzo 2002, yaza 10 dede 12. Gunabaʼ cani cucaadiaga guiniʼcaʼ ni bizaacacaʼ ora bicheechecaʼ diidxaʼ ra scuela.

20 min. Ni bizaaca cani rucheeche diidxaʼ ora bisaananecaʼ binni tratadu ni láʼ Ca diidxaʼ nacubi stiʼ Reinu núm. 37. Gunabaʼ cani rucheeche diidxaʼ guiniʼcaʼ ni guleenducaʼ ra gudiizicaʼ tratadu ca. Bizeeteʼ pa guidubi maʼ bigaanda bicheechetu diidxaʼ ne xi zanda gúnitu para chigánnatu guiráʼ binni nabeza neza ra rucheechetu diidxaʼ ante de 12 stiʼ noviembre. Bitiidiʼ ti modo ra guihuinni xi zanda gúnicabe ora chigánnacabe binni ni biaanané libru Xipeʼ ndiʼ cusiidiʼ Biblia. Bisietenalaʼdxiʼ cani rucheeche diidxaʼ gudiicaʼ ca tratadu ni biaana sticaʼ para iquiiñeʼ xcaadxi ni rucheeche diidxaʼ cani.

Diidxaʼ riuundaʼ 136 ne oración guiluxeneni.

Semana 6 stiʼ noviembre

Diidxaʼ riuundaʼ 146

10 min. Cani chiguieeteʼ stiʼ binni ridagulisaa. Biquiiñeʼ cani zeeda lu yaza 4 stiʼ Xhiiñaʼ Reinu ni Rúninu ni biree lu beeu enero 2005 o xcaadxi modo ganda iquiiñeʼ neza ra rucheechenu diidxaʼ, biluíʼ ximodo zanda gusaananu libru Guizíʼdinu de Maestru Ni Jma Nanna Gusiidiʼ ra maʼ ziluxe beeu noviembre. Biaʼ ugaanda tiempu la? gunabaʼ cani cucaadiaga guiniʼcaʼ ni huabeenducaʼ ra biquiiñecaʼ libru riʼ ora yegucheechecaʼ diidxaʼ ne ora biʼndané cani binnilídxicaʼ.

15 min. «Ximodo gaca dxi guichaganaluʼ ca ti dxi nayecheʼ ne gácani jneza.» Libana ne gutiidiʼ ti binnigola ni zeedani lu La Atalaya 15 stiʼ octubre 2002, yaza 28 dede 31.

20 min. «Gucheechenu diidxaʼ riguixhedxini ladxidoʼno.» Libana ne zanda guicabi cani cucaadiaga zeedani lu La Atalaya 15 stiʼ enero 2002, yaza 8 ne 9. Gunabaʼ cani cucaadiaga guiniʼcaʼ ximodo ratadxí ladxidoʼcaʼ ora maʼ zigucheechecaʼ diidxaʼ. Zanda guyúbiluʼ dede ante tobi o chupa para guicabi.

Diidxaʼ riuundaʼ 8 ne oración guiluxeneni.