Cani chiguietenaláʼdxinu stiʼ Scuela stiʼ cani Rucheeche Diidxaʼ
Ca guendarinabadiidxaʼ zeeda raríʼ ziuundaʼ cani lu Scuela stiʼ cani Rucheeche Diidxaʼ semana 25 stiʼ diciembre 2006. Binnigola ni rutiidiʼ scuela ca zaquiiñebe treinta minutu para guietenaláʼdxinebe cani cucaadiaga ni biuundaʼ lu ca libana ni gudiʼdiʼ semana 6 stiʼ noviembre dede 25 stiʼ diciembre 2006. [Laguuyaʼ: Pa cadi cá paraa guyúbitu cani canabadiidxaʼ ni la? naquiiñeʼ cada tobi guʼndaʼ ne guyubi ti guidxela xi guicabi (biindaʼ ca yaza 36, 37 stiʼ Benefíciese)].
MODO GUINIʼLUʼ JNÉZAPEʼ
1. Xi naquiiñeʼ gánnanu ora guyúbinu ni guininu ante gúʼndanenu binni ti textu [be yaza 148 § 4–yaza 149 § 1].
2. Xi tapa modo zanda gusihuínninu racaláʼdxinu guiaanané binni ca diidxaʼ ni caninu [be yaza 151 § 4–yaza 152 § 3].
3. Nabé risaca nga gusíʼdinu binni Stiidxaʼ Dios, yanna, xi riquiiñeʼ gúninu para ganda gusíʼdinu ni binni jneza yaʼ (2 Tim. 2:15) [be yaza 153 § 1-3, cuadru; yaza 154 § 1, 2].
4. Ora guidúʼndanu ti textu nezalú binni, ximodo zanda gusiénenu ni ti gacaneni laacabe lu xquendanabánicabe. [be yaza 154 § 4–yaza 155 § 4].
5. Xiñee naquiiñeʼ guluinu pabiáʼ nga risaca tema ni caninu, ne ximodo zanda gúninu ni [be yaza 157 § 1-4 ne cuadru; yaza 158 § 1].
PRIMÉ LIBANA
6. Xiñee rieeteʼ guca Salomón ti hombre ni bitagulisaa binni [si yaza 112 § 1-3].
7. Xiñee zanda guininu cásica cá lu libru Eclesiastés zaqueca nga bisiidiʼ Jesús [si yaza 114 § 16].
8. Xi rusihuinni dxandíʼ Stiidxaʼ Dios libru El Cantar de los Cantares [si yaza 115 § 3, 4].
9. Ximodo racané rollo stiʼ Isaías ni bidxélacabe gaxha de mar Muerto que, gánnanu ni cá lu Stiidxaʼ Dios yanna riʼ ngueca cá lu rollo que [si yaza 118 § 6].
10. Xi zanda gacané tuuxa ni chigudii ti libana para cadi gucaa guiráʼ xixé ni chiguiníʼ [be yaza 42 § 1].
BIAʼ RA BIUUNDAʼ BIBLIA TI SEMANA
11. Xiñee rininu guiráʼ «cani cuyubi Jiobá zanda guiénecaʼ guiráʼ cosa» (Pro. 28:5).
12. Ximodo rusidxaga ti dxiiñaʼ nadipaʼ ti binni nahuati (Ecl. 10:15).
13. Ximodo beeda gaca sulamita que «casi ti jardín nuu leʼ», ne xiñee nácabe ti ejemplu para ca gunaa ni caʼruʼ guichaganáʼ ni nuu ndaaniʼ xquidxi Dios (Cant. de Cant. 4:12).
14. Ñee purtiʼ gudxi Jiobá ca israelita que guni chaahuicaʼ guendanagana ni gupanecaʼ laabe, riníʼ nga cuyúbibe gúnibe ni nacaʼ para chúʼnecaʼ laabe galán la? (Isa. 1:18a.)
15. Ximodo guca ni na Isaías 11:6-9 dxiqué, ne ximodo zaca ni na ni lu guidubi naca Guidxilayú.