Ca guendarinabadiidxaʼ ni zaquiiñeʼ ora guiuundaʼ libru Guizíʼdinu de Maestru ni Jma Nanna Gusiidiʼ
Modo guiuundaʼ libru Guizíʼdinu de Maestru ni Jma Nanna Gusiidiʼ
Para gúʼndaluʼ libru riʼ jma jneza la? bicaa númeru stiʼ ca párrafo zeeda lu cada capítulo, ne dede ra ruzulú libru ca laaca zanda gucaaluʼ ni. Naquiiñeʼ gúʼndatu ca párrafo stiʼ cada ndaa. Ora gúʼyatu zanda la? laguundaʼ ca textu ni zeeda ra riluxe cada capítulo.
Ora gúʼndatu libru riʼ ra nuu Grupu ni Ruundaʼ Libru la? ziuundaʼ chupa capítulo cada semana. Ra ruzulú libru ca ne primé capítulo ca ziuundacani primé biaje gúʼndatu libru ca. Libru ca ziuundani 25 semana ne últimu semana ca zuundatu capítulo 48 ne zietenaláʼdxitu ni biuundaʼ lu libru ca.
Capítulo 32 Párrafo 1-9
1. Ximodo rapa Jiobá ca hombrehuiiniʼ ne ca dxaapahuiiniʼ.
2. Pora biquiiñeʼ Jesús gápacabe laa, ne tu binni gucalaʼdxiʼ ñuniná laabe.
3. Xi biʼniʼ Jiobá para cadi ñuuticabe Xiiñiʼ.
Párrafo 10-13
4. Tuu nga cani zeeda gaca casi Jesús dxi guca baʼduhuiiniʼ, ne xiñee caquiiñeʼ chuʼ tu gapa laacaʼ.
5. Ximodo racalaʼdxiʼ Binidxabaʼ ne ca demonio stiʼ guniná ca hombrehuiiniʼ ne ca dxaapahuiiniʼ.
6. Tu laa si nga na Dios zanda gátacaʼ juntu, ne neca zacá, xi guiráʼ cosa malu runi binni yanna.
Párrafo 14-17
7. Tuu nga racalaʼdxiʼ gatané ca hombrehuiiniʼ ne ca dxaapahuiiniʼ, ne ximodo racaláʼdxicabe gúnicabe ni.
8. Xi zanda guni ca baʼduʼ ca ora chuʼ tu gacalaʼdxiʼ guni cosa malu ne laacaʼ.
9. Xi zanda guni bixhoze binni ne jñaa para ganda gápacaʼ xiiñicaʼ.
Capítulo 33 Párrafo 1-8
1. Ximodo riníʼ ique binni naca Jesús, peru tupeʼ nga nácabe yanna.
2. Ximodo bisihuinni Jesús napa poder ora zeʼ ndaaniʼ ti barcu ne ca discípulo stiʼ.
3. Xiñee cadi naquiiñeʼ diʼ nidxibi ca discípulo stiʼ Jesús que.
Párrafo 9-14
4. Xi guca sti biaje zeʼ ca discípulo que ndaaniʼ ti barcu ne biaba ti bi yooxho lu nisadóʼ que.
5. Xiñee biʼniʼ Jesús ca milagru ni nabé ridxagayaa binni dede yanna.
Párrafo 15, 16
6. Ximodo riquiiñeʼ Jesús poder stiʼ ca dxi stinu riʼ.
7. Xi guiráʼ milagru nga mayaca guidúʼyanu gaca.
Capítulo 34 Párrafo 1-4
1. Ximodo zanda gánnanu xi raca binni ora gati.
2. Ximodo nga na Jesús zeeda gaca guendaguti pur ni guníʼ ora guti Lázaro que.
Párrafo 5-10
3. Xi biʼniʼ Jesús ora yenécabe laa ra nuu cueva ra gaʼchiʼ Lázaro que.
4. Xi guca ora bicaa Jesús ti ridxi nadipaʼ ne na: «¡Lázaro, gudáʼ raríʼ!»
Párrafo 11-16
5. Xi raca binni ora gati.
6. Ximodo nánnanu qué ñe diʼ Lázaro guibáʼ.
7. Ximodo nánnanu rati alma ca ora gati binni.
Párrafo 17-19
8. Xi runi cré ca xpesínuluʼ de ca gueʼtuʼ ca.
9. Ximodo racané historia stiʼ Lázaro laanu para cadi guidxíbinu ca gueʼtuʼ ca.
Capítulo 35 Párrafo 1-4
1. Xiñee nánnanu racalaʼdxiʼ Dios ne Jesús guindísacaʼ gueʼtuʼ.
2. Ximodo bisibani Jiobá chupa hombrehuiiniʼ ante gueeda Jesús lu Guidxilayú.
3. Xiñee nánnanu zietenalaʼdxiʼ Jiobá laanu pa gátinu.
Párrafo 5-11
4. Xi guca xiiñiʼ Jairo, ne xi biʼniʼ Jesús pur dxaapahuiiniʼ que.
5. Xi rusiidiʼ historia riʼ laanu.
Párrafo 12-18
6. Xi rusihuinni milagru ni biʼniʼ Jesús ora gundisaʼ xiiñiʼ ti viuda.
7. Ximodo biʼniʼ sentir jñaa baʼdunguiuu ni bibani que, ne padxí ndiʼ zuni sentir xcaadxi binni zacaca.
Capítulo 36 Párrafo 1-6
1. Xi rizíʼdinu de ca historia zeeda lu Biblia ra cayeeteʼ modo bisibani Dios caadxi gueʼtuʼ.
2. Xiñee ziasa ca binni ni qué ñaca nachaʼhuiʼ, ne paraa chiguibánicaʼ.
3. Padxí nga guiasa ca gueʼtuʼ ca lu Guidxilayú riʼ, ne xi zaca tiempu ca.
Párrafo 7-11
4. Xi zanda guizíʼdinu ora gudxi Jesús hombre malu que ziuuné laabe ndaaniʼ Paraísu.
5. Ximodo nga ziuuné hombre malu que Jesús ndaaniʼ Paraísu.
6. Xiñee zudii Jesús lugar cueza ti binni ni guca malu ndaaniʼ Paraísu ca.
Párrafo 12-17
7. Ximodo nánnanu cadi guiráʼ diʼ binni ni guiasa nga zabani lu Guidxilayú riʼ.
8. Panda binni nga chiguibani primé, ne xi dxiiñaʼ chigúnicabe.
9. Xiñee guizáʼ galán nga zabani binni ndaaniʼ Paraísu ni chigaca lu Guidxilayú riʼ.
Capítulo 37 Párrafo 1-7
1. Xi cosa risaca nga bisigaʼdeʼ Dios laanu.
2. Xiñee caquiiñeʼ gaca Jesús bixhózenu.
3. Ximodo nga chigaca Jesús bixhózenu ne tobi ni gulá laanu.
4. Ximodo nga gudixe Jesús pur ca stóndanu, ne xiñee caquiiñenu gúnibe nga pur laanu.
Párrafo 8-15
5. Xi guendaroxhi nabé risaca biʼniʼ Jesús ne ca discípulo stiʼ gueelaʼ ante gati que.
6. Xii ngue na Jesús cadi guiaanadxí ca discípulo que de gúnicaʼ lugar de Pascua que.
7. Xi biquiiñeʼ Jesús ora biʼniʼ guendaroxhi que, ne xi zeeda gácacani.
8. Xi rusietenalaʼdxiʼ guendaroxhi ca laanu.
Párrafo 16-18
9. Xi naquiiñeʼ guiníʼ íquenu ora maʼ cayaca Guendaroxhi stiʼ Señor.
10. Tuu nga cani zanda gocaʼ pan ne guecaʼ vinu, ne xiñee.
11. Xiñee naquiiñeʼ cheʼ binni ra rietenaláʼdxinu guendaguti stiʼ Jesús neca qué gó pan ne qué gueʼ vinu.
Capítulo 38 Párrafo 1-5
1. Xidé nga bilá Jesús laanu.
2. Tu pur nga guti Jesús.
3. Xi runi sentir Dios pur binni Guidxilayú.
Párrafo 6-12
4. Xi bíʼnicabe Jesús gueelaʼ ante gati.
5. Xi guiráʼ bíʼnicabe laabe sti dxi que.
6. Ximodo nga guca Jesús gadxé de Adán.
Párrafo 13-16
7. Ximodo bisihuinni Pablu bidii xquíxepeʼ Cristu pur gunnaxhii laabe.
8. Xi razón nápanu para gannaxhiinu Jesús.
9. Ximodo zanda gusihuínninu nabáninu para gúninu ni riuulaʼdxiʼ Cristu.
Capítulo 39 Párrafo 1-4
1. Ximodo biʼniʼ sentir Jiobá ora biiticabe Jesús.
2. Xii ngue gunna dxichi Jesús ante gati.
3. Tu lade gundisaʼ Jiobá xiiñiʼ, ne panda gubidxa guyuube ndaaniʼ baʼ.
Párrafo 5-13
4. Xi guca viernes dxi guti Jesús que.
5. Xi clase de cuerpu ndiʼ gupa Jesús dxi biasa lade gueʼtuʼ. Ne ximodo nga gunda biiyaʼ binni laabe.
6. Xi guiráʼ ndiʼ guca domingu dxi biasa Jesús lade gueʼtuʼ.
Párrafo 14-17
7. Panda gubidxa bihuinni Jesús nezalú ca xpinni ne gadxé gadxé cuerpu de beela, ne xi guca despué.
8. Xi runi binni ora ganda dxi biasa Jesús lade gueʼtuʼ, peru ximodo zanda gúninu modo biʼniʼ ca primé xpinni Cristu.
Capítulo 40 Párrafo 1-3
1. Neca cadi caquiiñeʼ Dios gastiʼ de laanu, xi zanda gudiʼnu laabe.
2. Xiñee qué ñuni Jiobá laanu casi ti robot para ñúninu guiráʼ ni racaláʼdxisibe.
Párrafo 4-7
3. Ximodo runi sentir Jiobá ora ruzúʼbanu stiidxaʼ.
4. Xiñee cásica Jiobá ne zaqueca Binidxabaʼ cayuuyacaʼ tupeʼ ndiʼ quixhe íquenu gúninu ni na.
Párrafo 8-15
5. Xi biʼniʼ Binidxabaʼ Job.
6. Ximodo raʼbuʼ biʼniʼ sentir Jiobá ora biiyaʼ qué nucheené Job laa.
7. Xi ejemplu bisaanané Jesús laanu, ne ximodo zanda gúninu casi bíʼnibe.
Capítulo 41 Párrafo 1-7
1. Xiñee guyuu María ne José xizaa pur Jesús ti biaje.
2. Ximodo bisiecheʼ Jesús Dios ora guca hombrehuiiniʼ.
Párrafo 8-12
3. Ximodo zanda gusiecheʼ ca hombrehuiiniʼ ne ca dxaapahuiiniʼ ca Jiobá.
4. Ximodo zanda gánnanu tuu nga cani nuu ndaaniʼ xquidxi Dios.
Párrafo 13-18
5. Ximodo zanda gacané ejemplu stiʼ Timoteu cani nahuiiniʼ.
6. Xi rizíʼdinu de ejemplu stiʼ ti dxaapahuiiniʼ israelita.
7. Xi zanda quixhe ique cani nahuiiniʼ ca gúnicaʼ.
Capítulo 42 Párrafo 1-6
1. Ximodo nánnanu cadi malu diʼ nga quite binni.
2. Xi dxiiñaʼ na Biblia biziidiʼ Jesús dxi guyuu lu Guidxilayú, ne xiñee rábiluʼ bíʼnibe ni jneza.
3. Xiñee galán ngue biziidiʼ Jesús guni dxiiñaʼ, ne xiñee galán nga gúninu dxiiñaʼ.
Párrafo 7-13
4. Xi bisiecheʼ Jesús.
5. Xi dxiiñaʼ nabé risaca biʼniʼ Jesús dxi guyuu lu Guidxilayú. Ñee guyuuláʼdxibe gúnibe dxiiñaʼ que la?
6. Xi dxiiñaʼ zanda guni ca hombrehuiiniʼ ne ca dxaapahuiiniʼ ca yanna, ne xiñee galán ni para binnilídxicabe.
Párrafo 14-16
7. Xiñee naquiiñeʼ guni cani nahuiiniʼ ca tariá ni riaananecaʼ ra scuela.
8. Xiñee galán nga chuuláʼdxinu gúninu dxiiñaʼ.
9. Xi naquiiñeʼ guinabadiidxanu laanu para chuuláʼdxinu dxiiñaʼ ni gúninu.
Capítulo 43 Párrafo 1-7
1. Xi nánnanu de ca biʼchiʼ Jesús ne de ca bizaʼnaʼ.
2. Tuu nga na Jesús jñaa ne biʼchiʼ, ne ximodo zanda guiénenu ni guniʼbe ca.
3. Ximodo guca ca binnilidxi Jesús ne laa.
Párrafo 8-14
4. Xi ejemplu ruzeeteʼ Biblia de binni ni qué ñannaxhii biʼchiʼ.
5. Xi rizíʼdinu de Caín ne Abel.
Párrafo 15-18
6. Xii nga guendarannaxhii, ne xiñee nabé riquiiñeʼ gusihuínninu nadxiinu binni.
7. Ximodo zanda gusihuínninu nadxiinu ca bíʼchinu ne ca bizáʼnanu.
Capítulo 44 Párrafo 1-5
1. Ximodo zanda gaca xhamígunu Dios, casi Abrahán.
2. Tu clase binni nga biyubi Jesús gaca xhamigu.
3. Ñee nannuʼ tuu nga cani jma guca xhamigu Jesús la?
Párrafo 6-10
4. Xiñee yeganna Jesús guiráʼ clase binni.
5. Tu guca Zaqueu, ne ximodo guca xhamígube Jesús.
Párrafo 11-15
6. Xiñee zanda chigánnanu ca binni ni cadi xhamígunu.
7. Tuu nga cani jma naquiiñeʼ gaca xhamígunu.
8. Ximodo zanda gánnanu tuu nga zanda gaca xhamígunu.
9. Xi zanda gucaa ca xhamígunu laanu gúninu.
Capítulo 45 Párrafo 1-8
1. Xii nga Reinu stiʼ Dios, ne tuu nga chiguni mandar luni.
2. Ximodo ngue maʼ bidxiña Reinu que ca dxi stiʼ Jesús.
3. Xi dxiiñaʼ nabé risaca biʼniʼ Jesús lu Guidxilayú riʼ, ne tuu nga cani gucané laabe gúnibe ni.
Párrafo 9-14
4. Tuu ngue cani guyuulaʼdxiʼ gaca Jesús Rey sticaʼ, peru tu guiráʼ ngue qué niná.
5. Tuu ngue cani gucalaʼdxiʼ ñuuti Jesús, ne ximodo bicaacabe binni guni zaqueca.
6. Ximodo naca binni ca dxi stinu riʼ.
Párrafo 15-20
7. Ximodo zanda gusihuínninu nadxiinu Dios.
8. Xi bisihuinni Jesús ora guyuunisa, ne xi guníʼ Dios de ni bíʼnibe que.
9. Xiñee laaca naquiiñeʼ chúʼnisanu. Ora maʼ guyuunísanu, xi dxiiñaʼ nabé risaca naquiiñeʼ gúninu.
Capítulo 46 Párrafo 1-11
1. Ximodo zanda guiénenu ca diidxaʼ ni cuzeeteʼ Biblia ra na «canitilú guidxilayú» riʼ.
2. Xi biʼniʼ ca binni que ante guiaba Nisaguié Naroʼbaʼ que, ne xiñee guníʼ Jesús naquiiñeʼ guietenaláʼdxinu ni guca que.
3. Xi guiráʼ gudxi Dios Noé guni, ne xi guca ora biaba Nisaguié Naroʼbaʼ que.
Párrafo 12-19
4. Xi zanda guizíʼdinu de ni biʼniʼ ca binni que ante guiaba Nisaguié Naroʼbaʼ que.
5. Xi chiguiquiiñeʼ Dios para gunitilú ca binni malu, ne xiñee chigunitilube laacaʼ.
6. Xii nga Armagedón, ne tu laa chiné ca ángel ca lu guendaridinde riʼ.
Capítulo 47 Párrafo 1-11
1. Ximodo zanda gánnanu maʼ nuu Jesús lade binni neca qué gúʼyacabe laa ne maʼ cayuni mandar guibáʼ.
2. Xi bisiidiʼ Jesús ora guníʼ de yaga duʼgaʼ que.
3. Bizeeteʼ caadxi de ca señal ni guníʼ Jesús zahuinni ca dxi stinu.
Párrafo 12-16
4. Xi riníʼ señal ni guníʼ Jesús que.
5. Xi cusiidiʼ Jesús ora guníʼ cadi naquiiñeʼ cueza binni guiaba nanda para guxooñeʼ.
Capítulo 48 Párrafo 1-8
1. Xii nga «guidxilayú cubi» ne «ibáʼ cubi».
2. Biquiiñeʼ ca textu ne ca dibuju ni cá racá para guiniʼluʼ ximodo zabáninu ndaaniʼ guidxilayú cubi stiʼ Dios ca.
Párrafo 9-15
3. Xiñee naquiiñeʼ gunibiaʼnu Jiobá pa racaláʼdxinu guibáninu sin gátinu.
4. Xiruʼ naquiiñeʼ gúninu para guibáninu ndaaniʼ guidxilayú cubi stiʼ Dios ca.
5. Ximodo racané libru riʼ laanu para gápanu ti guendanabani ni qué zaluxe.