Cani chiguieeteʼ

◼ Cani zanda gusaananu lu beeu julio: Libru stinneʼ de ca historia stiʼ Biblia ne Xipeʼ ndiʼ cusiidiʼ Biblia. Agosto: zusaananetu binni ca caset ne discu ni nápatu lu stiidxatu. Laguni stipa pur gusaananetu binni intiica ni maʼ guca grabar lu stiidxatu. Septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primé ca biaje chigánnatu laa. Pa maʼ nápabe libru riʼ la? biluíʼ laabe ximodo riuundaʼ ni ti ganda guiziidibe jma ora gúʼndabe ni. Octubre: Revista Torre stiʼ ni rapa ne ¡Despertad! Pa binni ca gusihuinni racalaʼdxiʼ guiziidiʼ jma la? zanda gusaananetu laabe tratadu Ñuláʼdxiluʼ niziidiluʼ jma de lu Biblia la? ne laguni stipa pur guzulú gúʼndanetu laabe de Biblia.

◼ Galán gácatu precursor auxiliar lu beeu agosto purtiʼ neni gaayuʼ sábadu ne gaayuʼ domingu.

◼ Ra guzulú beeu septiembre, ca binnigola ni riganna ca binni ridagulisaa zuzulú gudiicabe ti libana ni láʼ: «Andemos en el caminos de la integridad» (Cadi gusaana de gúninu ni jneza).

◼ Betel qué zuseendaʼ diʼ gastiʼ ora guinabaʼ cani rucheeche diidxaʼ xiixa laasicaʼ. Binnigola ni rapa guiráʼ stiʼ ca binni ridagulisaa naquiiñeʼ gúʼyabe guieeteʼ guiráʼ beeu lu guendaridagulisaa ca padxí nga guseendacabe guiʼchiʼ ra rinábacabe ca libru ca Betel, ti guidxiña cani racalaʼdxiʼ gueeda xiixa stiʼ ra nuu bíchinu ni rinabaʼ cani. Laguuyaʼ gunáʼ nga cani rábicabe solicitud especial.

◼ Naquiiñeʼ ugábatu ca revista ne xcaadxi libru ni nápatu ne gúnitu ni 31 stiʼ agosto 2008 o tobi de ca dxi ni nuu gaxha de fecha ca. Naquiiñeʼ gácani casi modo runi binni ni riguixhe ximodo guiaaziʼ ca libru ne ca revista ca guiráʼ beeu; ne biaʼ nuu ca naquiiñeʼ guicá ni lu guiʼchiʼ ni ridxá ni láʼ Inventario de publicaciones (S-18-S). Zanda guinabadiidxatu cani rudii revista ca panda revista nga nuu. Secretariu stiʼ neza binni ridagulisaa ni riguixhe ximodo guiaaziʼ libru ca zuuyabe pa jneza nuu guiʼchiʼ ca, laabe ne binnigola ni rapa guiráʼ stiʼ ca binni ridagulisaa ca zuni firmárcabe ni. Cada neza binni ridagulisaa ni riguixhe ximodo guiaaziʼ libru zacaa chonna guiʼchiʼ ni ridxá S-18-S. Laguseendaʼ ni bíʼnitu primé ca Betel ne cadi tiidiʼ 6 stiʼ septiembre para guseendatu ni ne laguiaanané ti copia para uguutu lade ca xquíʼchitu. Guionna guiʼchiʼ ca iquiiñetu ni para guidxá ni ne lápiz ne maʼ luni gúʼyatu para guchatu sti guiʼchiʼ.

◼ Laiquiiñeʼ libru Xipeʼ ndiʼ cusiidiʼ Biblia para guzulú gúʼndanetu binni, maʼ cadi guʼndanéditu laacabe folletu Xi canabaʼ Dios lii guʼnuʼ. Peru zándaruʼ gusaanatu folletu riʼ ora maʼ canagucheechetu diidxaʼ dede ora guirá cani nápatu ra ridagulisaatu.

◼ Cumu maʼ biluxe guca chaahuiʼ Betel 1 la? chigaca dedicar ni sábadu 26 stiʼ julio 2008, nga runi qué zanda diʼ chigánnatu Betel stiʼ Méjicu 24 dede 28 stiʼ julio 2008. Pa maʼ gudixhe íquetu chetu ca dxi ca la? galán guchaatu ni para chetu sti dxi.