Cani chiguieeteʼ
◼ Cani zanda gusaananu lu beeu junio: ¡Biecheʼ de guendanabani ndaaniʼ Guidxilayú sin qué guiuu dxi gátiluʼ!, Lii zanda gaca xhamíguluʼ Dios, ne Xi canabaʼ Dios lii guʼnuʼ. Julio: Libru stinneʼ de ca historia stiʼ Biblia ne Xipeʼ ndiʼ cusiidiʼ Biblia. Agosto: zusaananetu binni ca caset ne discu ni nápatu lu stiidxatu. Laguni stipa pur gusaananetu binni intiica ni maʼ guca grabar lu stiidxatu. Septiembre: Xipeʼ ndiʼ cusiidiʼ Biblia. Laguni stipa pur guzulú gúʼndanetu binni de Biblia primé ca biaje chigánnatu laa. Pa maʼ nápabe libru riʼ la? biluíʼ laabe ximodo riuundaʼ ni ti ganda guiziidibe jma ora gúʼndabe ni.
◼ Galán gácatu precursor auxiliar lu beeu agosto purtiʼ neni gaayuʼ sábadu ne gaayuʼ domingu.
◼ Binnigola ni rapa guiráʼ stiʼ binni ridagulisaa zábibe ti bíʼchinu guʼyaʼ pa jneza nuu ca guiʼchiʼ ra cá pagala nápatu stiʼ beeu marzo, abril ne mayo. Ora maʼ gúcani la? naquiiñeʼ guieeteʼ ni nezalú ca binni ridagulisaa guiluxe guiníʼsitu pagala nuu (laguuyaʼ guiʼchiʼ ni láʼ Instrucciones para la contabilidad de la congregación [S-27-S]).
◼ Ora guseendatu ca guiʼchiʼ ra cá lá cani canabaʼ gaca precursor regular, naquiiñeʼ guseendatu ni biaʼ treinta dxi ante de dxi racaláʼdxibe guzulube. Ca secretariu ca naquiiñeʼ gúʼyacabe pa jneza nuu ca guiʼchiʼ ca. Pa cani canabaʼ gaca precursor regular ca qué rietenaláʼdxicaʼ dxi guyuunísacaʼ la? naquiiñeʼ guiníʼ íquecaʼ xi dxi nga rábicaʼ zándaca guyuunísacaʼ ne gucaacani ti maʼ nga iquiiñeʼ guiráʼ biaje. Secretariu ca zucaabe dxi ca lu guiʼchiʼ ni láʼ Registro de publicador de la congregación (S-21-S).
◼ Dede lu beeu enero stiʼ 2008 huayandaʼ huandétecabe lu Internet www.pr2711.com. ca revista La Atalaya ne ¡Despertad! lu diidxaʼ inglés ne diidxastiá para gucaadiágacabe. Stale tu na jma galán guindétecani lu Internet que cuézacaʼ dede ora gueedandá ca discu ca o ca MP3 ca ra ridagulisaacaʼ, purtiʼ nuu tiru jma rindaacani. Nécapeʼ riaxa pur cada biaje guindétecabe cani lu Internet la? jma baratu rireeni zacá para Betel que guni ca discu ca ne guseendacani. Nga runi, rinábadu cani rindete ca revista riʼ lu Internet guiníʼnecaʼ cani rudii revista ra ridagulisaacaʼ para maʼ cadi gueedaruʼ discu ne MP3 sticaʼ. Despué laaca maʼ ziuu revista lu sti diidxaʼ racá, ne zanda guindétecabe cani lu www.pr2711.com.
◼ Nase, 18 stiʼ abril ni gudídinu ca, yebíʼ grupu ni rutiixhi diidxaʼ maya ndaaniʼ ca oficina nacubi ni nuu Mérida Yucatán, 14 binni nga nuu lu grupu ca. Nabé zacané ni grupu riʼ, purtiʼ jma ziuucabe lade ca binni ni riníʼ maya, ne zacá zanda gutiixhicabe diidxaʼ jma jneza. Biaʼsi dieciocho binni de Betel nga chiguni dxiiñaʼ ndaaniʼ ca Oficina ra Ribiʼxhiʼ Diidxaʼ Maya (Oficina de Traducción al Maya).