Ca guendarinabadiidxaʼ ni zaquiiñeʼ ora guiuundaʼ libru Guizíʼdinu de Maestru ni Jma Nanna Gusiidiʼ
Modo guiuundaʼ libru Guizíʼdinu de Maestru ni Jma Nanna Gusiidiʼ
Para gúʼndaluʼ libru riʼ jma jneza la? bicaa númeru stiʼ ca párrafo zeeda lu cada capítulo, ne dede ra ruzulú libru ca laaca zanda gucaaluʼ ni. Naquiiñeʼ gúʼndatu ca párrafo stiʼ cada ndaa. Ora gúʼyatu zanda la? laguundaʼ ca textu ni zeeda ra riluxe cada capítulo.
Ora gúʼndatu libru riʼ ra nuu Grupu ni Ruundaʼ Libru la? ziuundaʼ chupa capítulo cada semana. Ra ruzulú libru ca ne primé capítulo ca ziuundacani primé biaje gúʼndatu libru ca. Libru ca ziuundani 25 semana ne últimu semana ca zuundatu capítulo 48 ne zietenaláʼdxitu ni biuundaʼ lu libru ca.
Capítulo 16 Párrafo 1-6
1. Xi guendanagana gupa xa hombre ni guyé ra nuu Jesús para guiníʼ cadi jneza ni cayuni biʼchiʼ que.
2. Xi historia guníʼ Jesús para bisihuinni cadi jneza diʼ modo riníʼ ique hombre que (biindaʼ Lucas 12:16-21).
Párrafo 7-13
3. Ximodo nga naca stale binni huaniisi ne cani nahuiiniʼ casi hombre ricu que.
4. Xii nga jma risaca que intiica cosa ni napa binni. Peru, ximodo rusihuinni stale binni gunáʼ nga ni jma risaca para laacaʼ cásica hombre ricu que.
5. Xiñee cadi naquiiñeʼ gácanu casi hombre ricu ni guníʼ Jesús lu historia stiʼ que.
Párrafo 14-17
6. Ximodo nga zanda gácanu ricu nezalú Dios.
7. Xi ejemplu bisaanané Jesús laanu.
8. Xi guleendú Jesús pur guca ricu nezalú Dios.
Capítulo 17 Párrafo 1-8
1. Xi caquiiñeʼ guni binni para guibani nayecheʼ guiráʼ ora.
2. Xiñee naca Jiobá ti Dios nayecheʼ.
3. Xi zanda gudiʼnu xcaadxi binni.
Párrafo 9-12
4. Xi bidii Jesús ne ca apóstol stiʼ xcaadxi binni.
5. Xi bidii Pablu ne Lucas xcaadxi binni, ne xiñee nabé biecheʼ Lidia ora bidii laacabe de ni napa.
Párrafo 13-16
6. Ximodo naquiiñeʼ chuʼnu ora gusigáʼdenu xiixa sti binni, ne xiñee.
7. Xiñee biecheʼ gunaa pobre que ora bidii guiráʼ ni napa.
8. Ximodo zanda gudiʼnu de ni nápanu, ne xi zabeendunu pa gúninu zacá.
Capítulo 18 Párrafo 1-5
1. Xi naquiiñeʼ gúninu ora guni binni xiixa ni galán para laanu.
2. Xii nga lepra, ne xiñee bixeleʼ binni de cani gúpani ca dxi bibani Jesús.
3. Ximodo guca Jesús ne ca binni napa lepra que.
Párrafo 6-12
4. Xi gudxi Jesús chii binni ni napa lepra ni gunábacaʼ laabe gusiándabe laacaʼ, ne xiñee gúdxibe ni laacaʼ.
5. Ximodo nánnanu biʼniʼ cré ca binni napa lepra que zusianda Jesús laacaʼ.
6. Xi guca ca binni napa lepra que neza zecaʼ ra nuu cani ruzaaquiʼ guʼxhuʼ que.
7. Xi biʼniʼ hombre de Samaria ni qué ñuni xcaʼ hombre que.
Párrafo 13-18
8. Ximodo zanda gácanu casi hombre de Samaria ni bibiguetaʼ ra nuu Jesús para gudii xquíxepeʼ laabe.
9. Xiñee naquiiñeʼ gudiʼnu xquíxepeʼ binni ora guni xiixa ni galán para laanu.
Capítulo 19 Párrafo 1-5
1. Xi guníʼ Jesús de ca binni nadóʼ ca, peru xiñee nuu tiru raca nagana para binni guni zacá.
2. Xi gucalaʼdxiʼ Jacobo ne Juan ñúnicaʼ para nuquíxecaʼ ni biʼniʼ ca samaritanu que laacaʼ.
Párrafo 6-12
3. Xi cayabi Proverbios 24:29 laanu cadi gúninu.
4. Ximodo zanda guiénenu ni guníʼ Jesús lu Mateo 5:39.
5. Xii nga jma jneza gúninu pa racalaʼdxiʼ tuuxa tindené laanu, ne xiñee.
Párrafo 13-17
6. Xiná Proverbios 26:17, ne xi rusiidini laanu para cadi chuʼnu ora maʼ cadinde sti binni.
7. Xi runi binni ora guʼyaʼ cadíndecabe, peru xi naquiiñeʼ guni ti xpinni Cristu, ne xiñee.
Capítulo 20 Párrafo 1-7
1. Xi riníʼ ique Jesús de ca binni ni riuulaʼdxiʼ gaca primé lu guiráʼ cosa.
2. Xi ejemplu guníʼ Jesús, ne xiñee.
3. Xi rusiidiʼ ejemplu riʼ laanu.
4. Xi rizaaca ora gacalaʼdxiʼ tuuxa gaca primé.
Párrafo 8-15
5. Xi guendanagana guyuu lade ca apóstol stiʼ Jesús ora zecaʼ neza Jerusalén purtiʼ guiracaʼ gucaláʼdxicaʼ ñácacaʼ primé.
6. Xi guníʼ Jesús naquiiñeʼ gúninu pa racaláʼdxinu gácanu primé.
7. Ximodo nga zanda gácanu casi esclavu stiʼ xcaadxi.
Capítulo 21 Párrafo 1-10
1. Ximodo nga ora runi cré binni laa, ne xi riníʼ íqueluʼ de ca binni ni runi zacá.
2. Xi historia guníʼ Jesús ra bizeeteʼ de ti fariseu ne de tobi ni runi cobrar impuestu.
3. Xii ngue bisiidiʼ Jesús ne historia ni guníʼ riʼ.
Párrafo 11-19
4. Pora ndiʼ bidxiibaʼ Pedru laca laa, ne ximodo nga runi stale binni zacaca yanna riʼ.
5. Xiñee qué gápanu razón para gudxíʼbanu laca laanu.
6. Tuu nga naquiiñeʼ gudxíʼbanu, ne xiñee.
Capítulo 22 Párrafo 1-6
1. Xi nuu Jesús gusiene ne ca diidxaʼ ni cá lu Mateo 5:37.
2. Xi guiráʼ guca cadi xadxipeʼ de guti Jesús.
Párrafo 7-13
3. Xi cosa ni cadi jneza biʼniʼ Ananías ne Safira, ne xi bizaacacabe.
4. Xi rusiidiʼ historia stiʼ Ananías ne Safira laanu.
Párrafo 14-18
5. Xiñee cadi jneza nga gusiguii binni.
6. Pora ndiʼ ñándaca nuquiinde lii nusiguiiluʼ.
7. Xi textu stiʼ Biblia caníʼ cadi jneza gusiguii binni.
Capítulo 23 Párrafo 1-8
1. Paraa nuu Jesús ora yenécabe ti hombre ni qué ganda sáʼ ra nuube.
2. Xiñee nagana guca para hombre ni huará que chuʼ dede ra nuu Jesús, ne ximodo gunda bidxíñabe ra nuu.
3. Xi biʼniʼ Jesús pur hombre huará que.
Párrafo 9-14
4. Xi rizíʼdinu de milagru ni biʼniʼ Jesús ora bisianda hombre huará que.
5. Xiñee binni ruchee guiranu.
Párrafo 15-18
6. Xiñee nuu binni jma raca huará que xcaadxi.
7. Ximodo chiguiree guendaruchee, ne ximodo ziuʼnu ora maʼ guireeni.
Capítulo 24 Párrafo 1-13
1. Xi zándaca gucaa binni cuanaʼ.
2. Tuu ndiʼ guca primé gubaanaʼ, ne xi guláʼnabe.
3. Xii nga ni naquiiñeʼ cueenu lu xquendabiaaninu purtiʼ zándaca gucaa ni laanu cuánanu.
4. Xi guiráʼ cosa malu biʼniʼ Judas Iscariote purtiʼ guyuulaʼdxiʼ guicaa xiixa ni cadi stiʼ.
Párrafo 14-21
5. Ximodo beeda gaca Acán ti gubaanaʼ.
6. Xi gulaʼnaʼ David, ne xi gulaʼnaʼ Absalón, xiiñibe.
7. Ximodo ruuyaʼ Dios cuanaʼ binni.
8. Xi naquiiñeʼ gúninu para cadi gácanu gubaanaʼ.
Capítulo 25 Párrafo 1-8
1. Xiñee rúninu cosa malu nuu tiru.
2. Xi cosa malu biʼniʼ Saulo, ne xiñee.
Párrafo 9-15
3. Xi guca Saulo ora zeʼ neza Damasco para guinaazeʼ ca xpinni Cristu ni nuu raqué.
4. Tu beeda gaca Saulo, ne xi cosa galán bíʼnibe.
5. Tuu nga racalaʼdxiʼ guni guiráʼ binni puru cosa malu.
Párrafo 16-20
6. Xii nga nabé raca nagana para laanu gúninu.
7. Xiñee gunnaxhii Jesús binni ni biʼniʼ cosa malu.
8. Pa guidúʼndanu lu Biblia cadi jneza xiixa ni cayúninu, xi naquiiñeʼ gúninu.
Capítulo 26 Párrafo 1-9
1. Xi guiráʼ bíʼnicabe Saulo ora guca discípulo stiʼ Jesús.
2. Xi bisiidiʼ Jesús ca binni que ni nabé bichiichi laacaʼ.
3. Xi gucalaʼdxiʼ ca binni que ñúnicaʼ Jesús, peru neca zaqué, xi qué nusaana de ñúnibe.
Párrafo 10-14
4. Xi milagru biʼniʼ Jesús ti sábadu.
5. Tuu nga biecheʼ ora biʼniʼ Jesús milagru que ne tu bidxiichi.
6. Xi naquiiñeʼ guiníʼ íquenu gúninu.
7. Tu ruyubi ximodo gaca nagana para laanu gúninu ni jneza.
Párrafo 15-18
8. Tuu nga zeeda gaca guidxilayú ni racananalaʼdxiʼ ca discípulo stiʼ Jesús.
9. Xiñee nga nabé rudii dxiiñaʼ laanu gúninu ni jneza.
10. Xi zucaa laanu gúninu ni riuulaʼdxiʼ Dios.
Capítulo 27 Párrafo 1-5
1. Xiñee gucalaʼdxiʼ ca binni que ñuni adorarcaʼ Pablu ne Bernabé, peru xi gúdxicabe laacaʼ ne xi bíʼnicabe.
2. Tu guiráʼ clase dios runi adorar stale binni.
3. Tuu nga dios stiʼ guidxilayú riʼ, ne xi racaláʼdxibe guni binni.
Párrafo 6-13
4. Xi biʼniʼ mandar rey Nabucodonosor guni guiráʼ binni que, peru xiñee qué nuzuubaʼ guionna hombrehuiiniʼ hebreu que stiidxabe.
5. Xi milagru biʼniʼ Jiobá, ne xi guníʼ rey Nabucodonosor ora biiyaʼ ni guca que.
Párrafo 14, 15
6. Xi guiráʼ clase bidóʼ runi adorar binni ca dxi stinu riʼ.
7. Ñee ñuni adorar guionnaʼ hebreu que ca bidóʼ nuu yanna la?
Capítulo 28 Párrafo 1-5
1. Xiñee nuu tiru raca nagana para laanu gánnanu tupeʼ naquiiñeʼ guzúʼbanu stiidxaʼ.
2. Xi mandatu cudii Biblia para cani nahuiiniʼ.
3. Xiñee qué nuzuxibi Sadrac, Mesac ne Abednego xañee bidóʼ ni biʼniʼ rey Nabucodonosor que la?
4. Tu stiidxaʼ ngue bizuubaʼ ca apóstol que ora guyuucaʼ nezalú Sanedrín que.
Párrafo 6-10
5. Tuu ngue xaíque jma risaca ni biʼniʼ mandar ca dxi stiʼ Jesús, ne xi cosa galán nga runi ca gobiernu ca yanna.
6. Xi guníʼ Jesús ora gúdxicabe laa pa naquiiñeʼ quixe binni impuestu, ne xiñee jnézapeʼ ngue modo guniʼbe.
Párrafo 11-18
7. Xiñee naquiiñeʼ guni cani nahuiiniʼ ne ca binni huaniisi ca ni na ley stiʼ gobiernu ne guzuubacaʼ stiidxaʼ cani runi xhiiñacabe.
8. Pora nga qué zuni cani dxandíʼ xpinni Cristu ni na ca ley ca, ne xiñee.
Capítulo 29 Párrafo 1-10
1. Ximodo nánnanu riuulaʼdxiʼ Dios chuʼnu nayecheʼ, peru xi clase saa qué riuuláʼdxibe.
2. Xi chupa saa guca ra bisaacabe iza ruzeeteʼ Biblia.
3. Xi bizaaca ora guca guiropaʼ saa que.
Párrafo 11-15
4. Ñee jneza na Biblia gúninu saa ora gusaa binni iza la?
5. Xi dxi gulí binni para guni dxi rusaa Jesús iza, peru xiñee nánnanu qué ñale Jesús dxi ca.
Párrafo 16, 17
6. Xiñee runi binni Navidad.
7. Ximodo zanda gánnanu pa ziuulaʼdxiʼ Jiobá xiixa saa ni gúninu (Juan 17:16; 2 Corintios 6:14; 1 Pedro 4:3).
Capítulo 30 Párrafo 1-9
1. Xiñee bidxibi Pedru ne xcaadxi apóstol que.
2. Xi guiráʼ bizaaca ante guiníʼ Pedru qué runibiáʼ Jesús.
Párrafo 10-16
3. Panda biaje guníʼ Pedru qué runibiáʼ Jesús, ne xiñee bíʼnibe.
4. Ximodo zanda gueeda gácanu casi guca Pedru.
5. Xi zacané laanu para cadi guidxíbinu ne cadi chuʼnu triste, casi guca Pedru que.
Capítulo 31 Párrafo 1-7
1. Ximodo riguixhedxí Biblia ladxidóʼ cani nuu triste ne nuu stubi.
2. Neca nabé gucaná Jesús, xi gúnnabe de Jiobá.
3. Xiñee zanda guininu nácanu casi ti dendxuʼ, ne xi historia guníʼ Jesús de ti dendxuʼ ni biniti.
Párrafo 8-12
4. Tuu nga zeeda gaca casi pastor ni rieeteʼ lu historia guníʼ Jesús que, ne xiñee cadi caquiiñepeʼ guidúʼyanu laabe para guni crenu laabe nga pastor stinu.
5. Xiná Salmo 23 ni rusihuinni nadxii Jiobá laanu.
Párrafo 13-15
6. Xiñee cadi naquiiñeʼ guidxibi ca dendxuʼ stiʼ Dios.
7. Xi runi sentir Jiobá pur ca xpinni ni ruzuubaʼ stiidxaʼ, ne xi naquiiñeʼ guni sentirnu ora gánnanu ni.