La Biblia: libro de hechos y profecías

La Biblia: el libro más antiguo y actual, nga tobi de chonna videu ni zeeda lu DVD ni láʼ La Biblia: libro de hechos y profecías. Gúʼyasitu videu riʼ laguicabi ca guendarinabadiidxaʼ zeeda raríʼ:

1) Ximodo rusihuinni ni huadxela ca científicu ca jneza nga ni cá lu Biblia. 2) Ximodo nánnanu cásipeʼ modo gucuá Biblia ca primé que zacapeʼ nga cá lu ca Biblia nápanu yanna. 3) Xii nga tobi de ca cosa ni jma ruzeeteʼ ca textu stiʼ Biblia ni guyuu dxiqué. 4) Xi biʼniʼ John Wiclef, Johannes Gutenberg, William Tyndale, Jan Hus, Martín Lutero, Casiodoro de Reina ne Charles Taze Russell para gunda gupa binni Stiidxaʼ Dios lu guidubi Guidxilayú, ne xi biʼniʼ ca católicu pur nga. 5) Ximodo huayacané ca conseju zeeda lu Biblia binni para cadi guni apuesta (1 Tim. 6:9, 10), para cadi gusabixheelaʼ ne cadi gapa jnadxii (1 Cor. 13:4, 5; Efe. 5:28-33), para ganda chuʼ nayecheʼ neca huará (Sal. 34:8), ne para cadi guicá ique gapa bidxichi (Mat. 16:26). 6) Ximodo nánnanu zanda gannaxhii binni tuuxa de sti guidxi ne de sti raza pa chinanda ca conseju stiʼ Biblia (Luc. 10:27). 7) Ximodo huayacané ca conseju stiʼ Biblia lii para chuʼluʼ nayecheʼ. 8) Ximodo zanda iquiiñeluʼ videu riʼ para gacaneluʼ xcaadxi binni (biiyaʼ Xhiiñaʼ Reinu ni Rúninu stiʼ febrero 2006, yaza 8).