Ñee ruluíʼ Stiidxaʼ Dios laanu modo guibáninu guiráʼ dxi la?

Ora guidúʼndanu Biblia guiráʼ dxi racané ni laanu gaca fe stinu naguidxi ne nadipaʼ (Col. 2:6, 7). Peru pa racaláʼdxinu gacané Stiidxaʼ Dios laanu lu xquendanabáninu la? naquiiñeʼ guiníʼ íquenu ni cayabi ni laanu ne gúninu ni (Heb. 4:12; Sant. 1:22-25). Lu Josué 1:8 zeeda chonna cosa ni zanda gacané laanu gúninu ni bizéʼtenu ca: 1) guidúʼndanu Biblia «dxi ne gueelaʼ»; 2) gúninu ni «chaahuidugá» o cueenu tiempu guiníʼ íquenu ne guxuíʼlunu guiráʼ ni cazaaca lu ni cadúʼndanu; 3) gúninu stipa pur chinándanu «cani zeeda» lu Biblia. Pa gúninu guionna cosa riʼ la? zabeendunu ni galán ne zusihuínninu nácanu binni nuu xpiaaniʼ lu cani gúninu guiráʼ dxi.