Cadi gusaana de iquiiñenu ca revista ca

Dede lu iza 2018, maʼ ti tema si redané ca revista ni riree para guiráʼ binni. Guirácani nuucani lu kit de enseñanza, nga runi zanda iquiiñenu cani lu predicación. Zanda chinenu chupa chonna de laacani ora chisinu o chuunu de viaje. Qué riquiiñenu ca revista riʼ para gudiʼnu estudiu binni, peru zanda gacaneni laacabe chuuláʼdxicabe guiziidicabe jma de Dios.

Ora guiníʼneluʼ ti binni la? biindané laabe ti textu de lu Biblia ne bizeeteʼ tema stiʼ xiixa revista ni rábiluʼ zanda chuuláʼdxibe. Casi pa napa binni ca familia, nuu triste o napa estrés, zanda gábiluʼ laabe: «Cadi xadxí diʼ biindaʼ de tema riʼ. ¿Ñee zanda gulueeʼ ni lii la?». Pa chuulaʼdxiʼ binni ca zanda gudiiluʼ laabe ti revista o zanda guseendaluʼ ni ra nuube lu formatu electrónicu. Zanda gúniluʼ ndiʼ primé biaje guiníʼneluʼ binni. Cadi para quíʼzisinu ca revista ca, peru zanda gacanécani laanu guidxélanu binni ni racalaʼdxiʼ guzuuba stiidxaʼ Dios (Hch 13:48).

2018

2019

2020