BIBLIOTECA NI NUU LU INTERNET Watchtower
Watchtower
BIBLIOTECA NI NUU LU INTERNET
diidxazá
  • BIBLIA
  • PUBLICACIÓN
  • REUNIÓN
  • w24 febrero yaza 26-27
  • ¿Zanda chuʼnu nayecheʼ laga cabézanu guni Jehová xiixa la?

Gastiʼ nin ti videu de ca ni guliluʼ riʼ.

Bitiidilaʼdxiʼ, guyuu ti error ora cayaca cargar videu riʼ.

  • ¿Zanda chuʼnu nayecheʼ laga cabézanu guni Jehová xiixa la?
  • Torre stiʼ ni rapa ni caníʼ de Reinu stiʼ Jehová (estudiu) 2024
  • Subtítulo
  • Laaca zanda gúʼndaluʼ
  • XIÑEE RACALAʼDXIʼ JEHOVÁ CUÉZANU
  • XIMODO ZANDA CHUʼNU NAYECHEʼ LAGA CABÉZANU
  • ¿Ñee nuunu dispuestu cuézanu né paciencia la?
    Torre stiʼ ni rapa ni caníʼ de Reinu stiʼ Jiobá 2017
  • ¿Ñee cabézanu guni Jehová ni maʼ guníʼ la?
    Torre stiʼ ni rapa ni caníʼ de Reinu stiʼ Jehová (estudiu) 2021
  • ¡Maʼ cadi candaa!
    Guidúʼndanu né guendanayecheʼ para Jiobá
  • Guquídxinu esperanza stinu
    Torre stiʼ ni rapa ni caníʼ de Reinu stiʼ Jehová (estudiu) 2022
Biiyaʼ jma
Torre stiʼ ni rapa ni caníʼ de Reinu stiʼ Jehová (estudiu) 2024
w24 febrero yaza 26-27

¿Zanda chuʼnu nayecheʼ laga cabézanu guni Jehová xiixa la?

Caníʼ ique David laga zuhuaa ruaa ti ventana.

¿ÑEE maʼ racaláʼdxiluʼ guedandá dxi cuee Jehová guiráʼ guendaquéiquiiñeʼ ne guni guiráʼ cosa nacubi la? (Apoc. 21:​1-5). ¡Maʼ, ¿njaʼ! Peru nánnanu nuu biaje raca nagana gusihuínninu paciencia ne cuézanu laga guni Jehová xiixa jmaruʼ si ora cadídinu lu guendanagana, ngue runi ruzeeteʼ Biblia: «Ora cueza binni xiixa ne qué gaca ni la? runi huará ni ladxidóʼ» (Prov. 13:12).

Neca zacá, racalaʼdxiʼ Jehová gusihuínninu paciencia ne cuézanu guedandá dxi ni maʼ gudíxhebe para gúnibe xiixa. ¿Xiñee racalaʼdxiʼ Jehová gúninu nga ne xi zanda gacané laanu chuʼnu nayecheʼ laga cabézanu yaʼ?

XIÑEE RACALAʼDXIʼ JEHOVÁ CUÉZANU

Guidúʼyanu xi ruzeeteʼ Biblia: «Cabeza Jehová né paciencia para gacané laatu ne ziásabe para guiabe laatu. Purtiʼ Jehová nga ti Dios ni nanna guni juzgar nayecheʼ guiráʼ ca ni ribeza laabe de guidubi ladxidóʼ» (Is. 30:18). Gudxi Isaías ca diidxaʼ riʼ ca judíu ni qué ruzuubaʼ diidxaʼ que (Is. 30:1). Peru laaca guyuu caadxi judíu ni bizuubaʼ diidxaʼ tiempu que. Nabé gucané ca diidxaʼ ca laacabe ne laaca racané ca ni laanu ca dxi riʼ.

Yanna, ¿xiñee naquiiñeʼ cuézanu né paciencia yaʼ? Purtiʼ laaca cabeza Jehová né paciencia. Maʼ nanna Jehová padxí né pora gunduuxeʼ guidxilayú malu riʼ ne maʼ cabézabe guedandá dxi ca (Mat. 24:36). Ora guedandá dxi ca zahuinni dxichi cadi dxandíʼ guirá ni maʼ guni Binidxabaʼ de Jehová ne de ca xpinni. Zunitilube Binidxabaʼ ne guiráʼ ca ni zinanda laa. Peru ca xpínnibe la? maʼ gúnibe ziabe laacaʼ.

Zándaca qué zabee Jehová guirá guendanagana stinu laga cabézanu guni xiixa. Peru cayábibe laanu zanda guibáninu nayecheʼ. Casi guníʼ Isaías, zanda chuʼnu nayecheʼ laga cabézanu guni Jehová cosa galán pur laanu (Is. 30:18).a ¿Ximodo zanda chuʼnu nayecheʼ yaʼ? Guidúʼyanu tapa cosa ni zanda gacané laanu.

XIMODO ZANDA CHUʼNU NAYECHEʼ LAGA CABÉZANU

Guni ique puru si cosa galán. Biiyaʼ rey David stale cosa malu biaʼ dxi bibani (Sal. 37:35). Neca zacá, bicaabe ca diidxaʼ riʼ: «Cadi guiniʼluʼ gastiʼ ora maʼ nuuluʼ nezalú Jehová ne guleza laabe né paciencia. Cadi guidxiichiluʼ pur tuuxa ni riníʼ ique jneza zaree ca cosa malu ni cá ique guni» (Sal. 37:7). Ne laapebe yenándabe conseju riʼ. ¿Ximodo yaʼ? Guníʼ íquebe maʼ guníʼ Jehová zulá laabe. Ne laaca bisisácabe ca cosa galán ni biʼniʼ Dios pur laabe (Sal. 40:5). Pa guiníʼ íquenu ca cosa galán ni nápanu ne cadi guicá íquenu ca guendanagana ni nápanu la? jma qué zaca nagana para laanu cuézanu guni Jehová xiixa.

Gusisácanu Jehová ora tiica si. Zándaca David nga bicaa Salmo 71 ne gúdxibe Jehová ca diidxaʼ riʼ: «Peru naa, qué zusaanaʼ de cuezaʼ; zusisacaʼ lii jma cada dxi» (Sal. 71:14). ¿Xi bíʼnibe para gusisácabe Jehová yaʼ? Riníʼnebe xcaadxi binni de Jehová ne ruundabe para gusisácabe laa (Sal. 71:​16, 23). Laanu laaca zanda chinándanu ejemplu stiʼ David ne gusisácanu Dios ora runi predicarnu, ora rinínenu ca xhamígunu ne familia stinu de Jehová ne ora ridúʼndanu ca canción stinu. Nga runi, ora maʼ cayuundaluʼ ti canción biiyaʼ pabiáʼ galán letra stini ne ximodo zanda gacané ni lii. Zacané guiráʼ ndiʼ laanu chuʼnu nayecheʼ laga cabézanu guni Jehová xiixa.

Chuʼnu gaxha de ca hermanu. Ora gudiʼdiʼ David lu guendanagana gúdxibe Jehová: «Nezalú ca ni qué rixeleʼ de lii zusihuinneʼ napaʼ confianza laluʼ» (Sal. 52:9). Cásica guyuu David gana pur biyubi chuʼ gaxha de ca xpinni Jehová, laanu laaca zanda chuʼnu gana ra guyúbinu chuʼnu gaxha de ca hermanu stinu ora riuunu reunión, predicación ne intica si lugar (Rom. 1:​11, 12).

Guquídxinu esperanza stinu. Sicaríʼ ná Salmo 62:5: «Né stale paciencia cabezaʼ gulá Dios naa purtiʼ laabe nga rudiibe naa esperanza». Nabé risaca gápanu ti esperanza naguidxi, jmaruʼ si ora guidúʼyanu candaa para guinitilú guidxilayú malu riʼ. Biaʼ tiica si cuézanu naquiiñeʼ chuʼnu seguru zuni cumplir Jehová ca promesa ni maʼ biʼniʼ. Yanna, ¿xi zacané laanu gaca esperanza stinu jma naguidxi yaʼ? Guni estudiarnu Stiidxaʼ Dios ne guiduʼyaʼ chaahuinu ca profecía zeeda luni, guidúʼyanu tobi si guiráʼ ni riete luni ne guiduʼyaʼ chaahuinu xi guiráʼ zanda guizíʼdinu de Jehová (Sal. 1:​2, 3). Laaca naquiiñeʼ guni orarnu Jehová ne guinábanu laa espíritu stiʼ para cadi gusaana de gaca xhamígunu laa laga cabézanu guni cumplirbe promesa ni maʼ bíʼnibe, gudiibe laanu guendanabani ni qué zaluxe (Jud. 20, 21).

Caadxi imagen ra rihuinni ti hermana ni maʼ huaniisi. Caníʼ íquebe ni cayuundabe lu Biblia, ne lu mexaʼ stibe nuu stale medicina. 1. Zúbabe lu ti silla de rueda ne cayuni predicarbe ti gunaa ni bidxiña ra nuucabe. 2. Cayechenebe caadxi hermanu ne hermana. 3. Cayuni orarbe Jehová.

Cásica rey David, zanda chuʼnu seguru ruuyaʼ Jehová ca ni cabeza gúnibe xiixa ne rusihuínnibe dxandíʼ peʼ nadxiibe laacaʼ (Sal. 33:​18, 22). Nga runi, para chuʼnu nayecheʼ laga cabézanu guni Jehová xiixa, guiníʼ íquenu puru si cosa galán, gusisácanu Jehová, chuʼnu gaxha de ca hermanu ne guquídxinu esperanza stinu.

a Rusihuinni ca diidxaʼ cuézanu de guidubi ladxidoʼno gastiʼ naca gacaláʼdxinu maʼ guedandá dxi guilanu.

    Libru ne revista zapoteco del Istmo (1993-2025)
    Biteeguʼ sesión
    Bizulú sesión
    • diidxazá
    • Compartir
    • Configuración
    • Copyright © 2025 Watch Tower Bible and Tract Society of Pennsylvania
    • Modo iquiiñeʼ ni
    • Política de privacidad
    • Configuración de privacidad
    • JW.ORG
    • Bizulú sesión
    Compartir