Biquiiñeʼ «don espiritual» stiluʼ

Guiranu riuuláʼdxinu chuʼnu gaxha de xcaadxi xpinni Cristu para cúʼsaanu gana laanu. Peru cadi ngasi nga ni caquiiñeʼ gúninu. Biblia ruzeeteʼ ti «don espiritual» nga gánnanu guquídxinu fe stiʼ ca hermanu stinu (Rom. 1:11, 12, nota). ¿Ximodo zanda iquiiñeluʼ ni jneza yaʼ?

Guluu gana xcaadxi né ca diidxaʼ ni guiniʼluʼ. Ora gudiiluʼ ti comentariu lu reunión, cadi guiniʼluʼ puru si ni riníʼ íqueluʼ o ni cazaacaluʼ, sínuque guníʼ de Jehová, de Stiidxabe ne de ni zacané ca binni ni runi ni nabe. Ne ora guiníʼneluʼ ca hermanu, guniʼné laacaʼ de ca cosa ni zuquidxi fe sticaʼ.

Guluu gana xcaadxi pur ca decisión ni guicaaluʼ ne ni gúniluʼ. Cásica xcaadxi hermanu, zándaca maʼ gudixhe íqueluʼ cadi gusaana de gúniluʼ dxiiñaʼ lu serviciu de tiempu completu neca cadxaagaluluʼ guendanagana. O zándaca rieluʼ reunión ni raca ndaaniʼ semana neca nabé rúniluʼ dxiiñaʼ o nápaluʼ xiixa guendahuará ni maʼ qué rianda.

¿Ñee riguuluʼ gana xcaadxi pur ca ni riniʼluʼ ne pur ca ni rúniluʼ la? ¿Ñee laaca ruyúbiluʼ gacané ni runi ne ni riníʼ xcaadxi lii la?