14 Ndaa

Ca xhamigu Dios qué rúnidicaʼ ni malu

Satanás ruquiinde laanu para gúninu ni malu. Pa racaláʼdxinu gaca xhamígunu Dios la? nápanu xidé gaca nanaláʼdxinu ni Jiobá nanalaʼdxiʼ (Salmo 97:10). Ndiʼ nga caadxi de cani naquiiñeʼ gucaanaʼ ca xhamigu Dios:

Guendarapa xnadxii. «Cadi chuʼ neluʼ ni cadi xheeluʼ.» (Éxodo 20:14, NM.) Laaca malu nga gátaneluʼ tuuxa ante guichaganaluʼ laa (1 Corintios 6:18).

Guendarixudxi. Ca «binni güeʼ [...] [qué] ziuu ra runi mandar Dios» (1 Corintios 6:10).

Guendaruuti ne guendarutiidiʼ baʼduʼ. «Cadi guutiluʼ.» (Éxodo 20:13, NM.)

Guendaribaʼnaʼ. «Cadi cuanuʼ.» (Éxodo 20:15, NM.)

Guendarusiguii. Jiobá nanalaʼdxiʼ «ludxi rusiguii» (Proverbios 6:17, NM).

Guendaridinde ne guendaridxiichi xhaataʼ. Jiobá «nanalaʼdxiʼ tutiisi ni nadxii guendaridinde» (Salmo 11:5, NM). Lade «cani runi ni na ique» nuu cani «gasti si acaʼ maca cadxiichi» (Gálatas 5:19, 20).

Apuesta. «Cadi idxaaga tu nin tobi de cani [...] puru si rucaa ique gapa bidxichi.» (1 Corintios 5:11.)

Guendaracananalaʼdxiʼ sti rasa ne ni riníʼ sti diidxaʼ. «Laganaxhii cani nanalaʼdxi laatu, [...] ne lainaba lu Dios pur cani riladxi laatu.» (Mateo 5:43, 44.)

Dios cayabi cani laanu para cheni laanu jneza. Cadi guiráʼ ora nga zanda gucaananu ni malu, peru Jiobá ne ca Testigu stiʼ zacanécabe lii para gucaanaluʼ cani qué riulaʼdxiʼ Dios (Isaías 48:17; Filipenses 4:13; Hebreos 10:24, 25).