LECCIÓN 2

Guininu né naturalidad

2 Corintios 2:17

RESUMEN: Biquiiñeʼ diidxaʼ ni guiene binni ne guníʼ né naturalidad, zacá zanda gusihuínniluʼ xi runi sentirluʼ pur tema stiluʼ ne pur cani cucaadiaga lii.

XIMODO GÚNILUʼ NI

Biʼniʼ orar Dios ne guca preparar chaahuiʼ. Gunabaʼ Jiobá gacané lii gaca concentrarluʼ lu mensaje ni chigudiiluʼ ti cadi chuʼluʼ nervioso. Gudixhe chaahuiʼ ca puntu principal ni racaláʼdxiluʼ gusiéneluʼ. Cadi gúʼndasiouʼ ni cá lu guiʼchiʼ stiluʼ. Bisiene ni chigusiidiluʼ né ca diidxaʼ si stiluʼ.

Pa chiguundaluʼ xiixa lu Biblia o lu ti publicación la?, biʼniʼ stipa pur gunibiáʼ chaahuiluʼ relatu ca ti ganda gúʼndaluʼ sin gucaluʼ. Pa zeeda diidxaʼ ni guníʼ sti binni lu textu ca la?, biindaʼ ni né sentimientu, peru sin guni exagerarluʼ.
Guníʼ de guidubi ladxidoʼloʼ. Guníʼ ique xiñee caquiiñeʼ gucaadiaga binni mensaje stiluʼ. Guníʼ ique laacabe, pa gúniluʼ zacá la?, dede modo guzuhuaaluʼ, ca ademán gúniluʼ ne modo guniibi luluʼ, zusihuinni cani dxandíʼ caniʼluʼ de guidubi ladxidoʼloʼ ne racaláʼdxiluʼ gacaneluʼ laacabe.

Cadi ngueca diʼ nga guiniʼluʼ né naturalidad ne guiniʼluʼ sin formalidad. Gupa respetu mensaje ni cudiiluʼ ra guni pronunciarluʼ ca diidxaʼ ca jneza ne ra chinándaluʼ ca norma napa gramática stiʼ idioma ni caniʼluʼ ca.
Biiyadxí cani cucaadiaga lii. Pa qué raca ofender cani cucaadiaga lii la?, zanda guyadxiluʼ laacabe. Ora gudiiluʼ ti discursu, lugar de guyadxiluʼ guiráʼ cani cucaadiaga lii juntu la?, primeru biiyadxí ti binni, de racá stobi ne zacá biʼniʼ né stobi.