LECCIÓN 12

Guca nachaʼhuiʼ ne bisihuinni empatía

1 Tesalonicenses 2:7, 8

RESUMEN: Guníʼ de guidubi ladxidoʼloʼ ne bisihuinni rizaaláʼdxiluʼ ca binni cucaadiaga lii.

Guníʼ ique ca binni cucaadiaga lii. Para ganda guni prepararluʼ ladxidoʼloʼ, naquiiñeʼ guiníʼ íqueluʼ xi guendanagana cadxaagalúcabe ne biʼniʼ stipa pur guxuíʼluluʼ ximodo runi sentírcabe.
Gulí chaahuiʼ ca diidxaʼ ni chiguiniʼluʼ. Biʼniʼ stipa pur guni animarluʼ, quixhedxiluʼ ne cuʼluʼ gana ladxidóʼ cani cucaadiaga lii. Cadi iquiiñeluʼ diidxaʼ ni guchiichi laacabe ne cadi guiniʼluʼ né despreciu de cani qué runi ni ná Jiobá nin de ca creencia stícabe.
Bisihuinni interés. Zanda gúniluʼ ni pa guiniʼluʼ né ti tono de voz galán ne gúniluʼ gestu ni caquiiñeʼ. Laacaʼ guníʼ ique xii nga nuuluʼ gusiidiluʼ né ca gestu stiluʼ; bixidxihuiiniʼ gatigá.

Biʼniʼ stipa cadi guni exagerarluʼ voz stiluʼ ne cadi gaca ni nachonga. Ora maʼ cayuundaluʼ, biʼniʼ stipa pur gusihuínniluʼ ca sentimientu ni zeeda lu relatu ca, peru cadi gúniluʼ ni para si guuyadxícabe lii. Biʼniʼ stipa gusigaaluʼ ca vocal para guiree ridxi stiluʼ jma galán. Pa guni enfatizarluʼ ca consonante ca la?, huaxiéʼ natural zaree voz stiluʼ ne zuluíʼ ni casi ora cuchuuguluʼ lu diidxaʼ.