Guendaridagulisaa de Chonna Gubidxa ca racaneni laanu Sánenu Dios

¡Nabé bieeteʼ lu Guendaridagulisaa de Chonna Gubidxa «Sánenu Dios» que, ca diidxaʼ ni cayabi Jiobá laanu riʼ: «Ndiʼ nga neza ca. Lasá luni»! (Isa. 30:21.) Chinándanu ca conseju ni ucuaanu ca la? zacané cani laanu guʼyaʼ chaahuinu ximodo canazanu (Efe. 5:15). Iníʼ íquenu cani bizíʼdinu ca zacané cani laanu cadi usaananu neza ni dxandíʼ ca (3 Juan 3).

Biquiiñeʼ ca endarinabadiidxaʼ ni zeeda raríʼ ne cani maca bicaaluʼ ti chuʼluʼ listu dxi guieteláʼdxitu cani udiʼdiʼ lu guendaridagulisaa roʼ stiʼ iza riʼ, ti ganda icábiluʼ ora aca cani. Zietenaláʼdxinu cani lu Guendaridagulisaa stiʼ Dxiiñaʼ Stinu ni aca semana 13 stiʼ diciembre.

1. Ximodo gunda uzané Enoc Dios neca bibani dxi nagana yaʼ. (Heb. 11:1, 5, 6; Jud. 14, 15; «Sánenu Dios dxi nagana».)

2. Paraa zanda chinándanu ni na Lucas 16:10 lu endanabani stinu. («¿Somos fieles en lo mínimoʼ?»)

3. 1) Bizeeteʼ tapa cosa ni rizíʼdinu lu libru stiʼ Oseas capítulo 6 dede 9 ni zacané laanu sánenu Dios (Ose. 6:6, 7; 7:14; 8:7). 2) Xi ruʼ cá lu capítulo 10 dede 14 stiʼ libru ca zanda acané laanu sánenu Dios. («Ca diidxaʼ riguixená stiʼ Oseas racané cani laanu sánenu Dios» [ti libana de chonna ndaa].)

4. Xii nga cani naquiiñeʼ guni ca hombre ne unaa ni maʼ bichaganáʼ para cadi ilaa endaxheelaʼ sticaʼ. (Pro. 12:4; Efe. 5:29; «No separemos ‘lo que Dios ha unido bajo un yugoʼ».)

5. Ximodo ruluinu de que nápanu respetu ca endaridagulisaa ra rizíʼdinu de Jiobá ca yaʼ. (Ecl. 5:1; Isa. 66:23; «Mostremos respeto por nuestras reuniones sagradas».)

6. 1) Xi chonna cosa de modo rucheechenu diidxaʼ naquiiñeʼ guʼyaʼ chaahuinu ti gánnanu de que dxandíʼ cayúninu dxiiñaʼ ca cásipeʼ naquiiñeʼ aca. (Isa. 52:7; Zac. 8:23; Mar. 6:34.) 2) Unáʼ ndiʼ cani jma cayuuyaluʼ cayacané lii ni zeeda lu folletu Buenas nuevas para gente de todas las naciones. («Diidxaʼ nacubi ne galán para binni de guiráʼ guidxi»; «Ayudando a quienes hablan otros idiomas».)

7. Ximodo zanda acanenu cani nacubi para cadi idxíbicaʼ ora iniʼnecaʼ stobi de Reinu stiʼ Dios. (Jue. 7:17; «Ayudando a muchos a participar con nosotros en la predicación».)

8. Ximodo ruluinu dxandíʼ runi crenu de que dxi stiʼ Jiobá nuu gaxha. (Sof. 1:14; «Andamos por fe, no por vista».)

9. 1) Xii nga ca endananá jma naroʼbaʼ zápanu, pa usaananu de gúninu ni na Jiobá pur ni gúʼyanu guni stobi. (Mar. 9:42-48.) 2) Xi naquiiñeʼ gúninu ti cadi ucaa stobi laanu usaananu de gúninu ni na Jiobá. (Sal. 119:165.) 3) Xi zanda gúninu ti cadi ucaanu stobi usaana de guni ni na Jiobá. (1 Cor. 10:24; «Evitemos toda ‘causa para tropiezoʼ».)

10. Ximodo zanda gúninu ti cadi usaananu cani jma risaca pur uyúbinu ti xheelanu, pur gápanu ti cuerpu galán o pur xiixa negocio. (Sal. 26:4; Mat. 6:25; 1 Tim. 6:9; «Mantengan completamente su juicio».)

11. 1) Xi zanda uzeetenu de ni galán biʼniʼ Jesús ora yegánnabe binni ralidxi. (Luc. 10:42; 24:32.) 2) Ora cuenu tiempu para chuʼnu nayecheʼ ne xcaadxi de laanu, xi zanda gúninu ora ca ti ganda uguusanu gana laanu yaʼ. (1 Cor. 10:31-33; «Actividades sanas que nos reaniman».)

12. Casi cá lu Salmo 23, xi ndaayaʼ ricaanu cani nácanu dendxuʼ stiʼ Jiobá, ne xi naquiiñeʼ gúninu. (1 Cor. 10:21; «Jehová es nuestro Pastor».)

13. Ximodo nga cucaadiaga cani zinanda Cristu conseju ni na «laguni ni iree ndu laga zanda». (Efe. 5:16; «Compremos todo el tiempo oportuno que queda».)

14. 1) Xi ruʼ zaca dxi cuidxi Dios cuenta binni casi cá lu Apocalipsis 14:7. 2) Ximodo ruluinu de que dxandíʼ maʼ bireʼnu de Babilonia, guidxi roʼ que. («Lagataná: purtiʼ maʼ bidxiña dxi cuidxi Dios cuenta binni».) 3) Xi jma cayuláʼdxiluʼ de ni zeeda lu folletu ni láʼ ¡Manténgase alerta!

15. Xi chonna guenda nga naquiiñeʼ gápanu para cadi usaananu «neza chaahuiʼ stiʼ Dios» (2 Ped. 2:15; «Guardémonos de ‘abandonar la senda rectaʼ».)

16. Xi zanda guni cani nahuiiniʼ ca para cadi checaʼ lu neza stiʼ ca binni qué iquiiñeʼ ca. (Pro. 4:14; «Jóvenes, anden en la senda de la justicia».)

17. 1) Ximodo gudixhe Pablu ti ejemplu ni zaquiiñeʼ laanu para guni huantarnu. (Hech. 14:19, 20; 16:25-33.) 2) Xiñee qué gápanu xi pur idxíbinu cani cucaalú laanu purtiʼ cayuni adorarnu Jiobá jneza. (Drama y el discurso «Demos testimonio cabal pese a la oposición».)

18. Xi ndaayaʼ ricaa cani canazané Dios. («Andar con Dios redunda en bendiciones ahora y para siempre».)

Ucaadiáganu ca diidxaʼ ni cayunadiáganu neza déchenu, ti cadi chuʼ dxi usaananu de sánenu Bixhózenu ni nuu ibáʼ (Isa. 30:21; Juan 3:36).