Ni chitiidiʼ lu dxi bibí para idagulisaanu

Izáʼ sicarú nga modo uyáʼ guielunu (Sal. 139:14). Neca zacá, ti lugar si nga zanda guuyadxinu ne lu ti cosa si nga zanda iníʼ íquenu. Para ganda guʼyaʼ chaahuinu ca cosa ca casi modo ruuyaʼ Dios la? riquiiñeʼ icá íquenu gúninu ni nabe. Cumu ndaaniʼ guidxilayú stiʼ Binidxabaʼ riʼ zeʼ dxi jma zidale ca cosa ni zanda cueechú laanu la? nga runi biáʼsipeʼ modo chiguiree lá dxi bibí para idagulisaanu iza dxiiñaʼ 2006: «Cadi usaananu de guuyadxinu ti lugar si» (Mat. 6:22).

Xi zanda gúninu ti uzaabi ndaayaʼ Jiobá laanu yaʼ. (Pro. 10:22.) Zacábicabe ni lu libana ni láʼ «Beneficios de mantener el ojo sencillo», luni zanabadiidxacabe chupa chonna bíchinu ne bizánanu para iniʼcaʼ pabiáʼ galán nga chinándanu ca conseju ni zeeda lu Biblia. Primé libana chigudii bíchinu ni gueeda ganna laanu ca nga «Mantengamos el ojo sencillo en este mundo perverso», zaguixhenani laanu de ca cosa ni zándaca guni jma nagana endanabani stinu dede uxhaleʼ cani laanu de Dios chaahuidugá . Laaca zusiénecabe laanu xii nga riníʼ cuinu «ni jma risaca» (Luc. 10:42).

Xi zanda guni ca binni napa xiiñiʼ ne cani huaniisi para acanécabe cani nahuiiniʼ ugaandacaʼ xiixa guenda ndaaniʼ xquidxi Dios yaʼ. Lu ca libana «Padres que apuntan bien sus flechas» ne «Jóvenes que se esfuerzan por alcanzar metas espirituales» zucaadiáganu xi riníʼ íquecabe de laani (Sal. 127:4). Últimu libana chigudii ni gueeda ganna laanu ca zusiéneni ximodo zanda sanu biaʼ zeʼ xquidxi Jiobá, laasinu, ne binnilídxinu ne ca binni ridagulisaanenu.

Neca deruʼ binibiaʼnu Dios o maʼ nápanu stale iza de cayúninu ni nabe la? nabé risaca nga «cadi usaana de guuyadxinu ti lugar si». Dxi bibí para idagulisaanu riʼ zacaneni laanu ti ganda gúninu ni.