Cani rucheeche stiidxaʼ Reinu:

Lu iza dxiiñaʼ stiʼ 2005 bizulú 18 circuito nacubi ra runi tender Betel stiʼ Méjicu: 12 lu ca diidxaʼ stiʼ Méjicu, 2 de seña 1 de inglés ne 3 de diidxastiá. Ra runi tender Betel stiʼ Méjicu maʼ nuu 543 circuito—lade cani nuu 2 stiʼ Belice— ne 39 distrito.

Yanna riʼ maʼ nuu 642 neza binni ridagulisaa lu 35 diidxaʼ ne lu xcaadxi diidxaʼ ni riníʼcabe Méjicu; lu 14 de ca diidxaʼ riʼ la? raca guendaridagulisaa de chonna gubidxa ne laaca ruuyacabe drama lu stiidxacabe. Ra bietenaláʼdxicabe guendaguti stiʼ Cristu ndaaniʼ ca neza binni ridagulisaa ni nuu lu 14 diidxaʼ stiʼ Méjicu la? guyé 57,370 binni, zeeda aca ndiʼ 395% jma de cani rucheeche diidxaʼ ni napa cani, purtiʼ 14,515 nga laacabe. Ra riníʼcabe tlapaneco guidxi Guerrero la? guyé 515% jma de cani rucheeche diidxaʼ, ne ra riníʼcabe tseltal, guyé 541%.

Laaca nabé sicarú nga modo careeche diidxaʼ Belice. Yanna riʼ guidxi ca maʼ napa 18 neza binni ridagulisaa ni riníʼ inglés, 19 ni riníʼ diidxastiá ne 2 ni riníʼ maya. Guidxi ca napa 1,673 ni rucheeche diidxaʼ ne nápacabe biaʼ 2,334 ra riguundanécabe binni Biblia iráʼ beeu. Guyé 6,296 binni ra bietenaláʼdxicabe guendaguti stiʼ Cristu; biaʼsi 4 binni pur cada ni rucheeche diidxaʼ beeu que.

Ti máquina cubi láʼ Lithoman, ni nuu Betel stiʼ Méjicu la? nabé nagueenda ruzaʼni revista, ne stale ni rucheeche diidxaʼ ne xcaadxi binni maʼ huayeecaʼ Betel para gunibiáʼ cani. Dede lu beeu junio stiʼ iza riʼ, maʼ yeganna 61,215 binni Betel. Cani maʼ yené xiiñiʼ para gunibiáʼ Betel la? huayuuyacabe racaneni xiiñicabe chuʼ jma galán ne Jiobá. Ca binni riulaʼdxiʼ iziidiʼ jma, cani cayúʼndanenu Biblia, ne dede cani maʼ xadxí Testigu la? huayuuyacabe riguidxi fe stícabe ora rigánnacabe Betel.

Sicarupeʼ nga ininu cayúnicabe dxiiñaʼ ne stale endanayecheʼ para gúnicabe jma lu xhiiñaʼ Reinu riʼ. Laaca cudiʼdu xquíxepeʼ laatu purtiʼ riuláʼdxitu udiitu bueltu para dxiiñaʼ riʼ (Pro. 3:9, 10). Ribézanu cadi usaana Jiobá de uguu ndaayaʼ iráʼ stipa stinu pur gúninu ni nabe «ti usisaca binni laa[be]» (Efe. 1:12).

Ca bíʼchitu,

Betel stiʼ Méjicu